സ്വര്‍ണവിലയില്‍ ഇന്ന് മാറ്റമില്ല

സംസ്ഥാനത്തെ സ്വര്‍ണവിലയില്‍ ഇന്ന് മാറ്റമില്ല. തുടര്‍ച്ചയായ രണ്ട് ദിവസങ്ങളിലെ ഇടിവിന് ശേഷം 22 കാരറ്റ് സ്വര്‍ണം ഗ്രാമിന്‍റെ വില ശനിയാഴ്ച 10 രൂപയുടെ വര്‍ധനയോടെ 5495 രൂപയില്‍ എത്തിയിരുന്നു. പവന് 43,960 രൂപയാണ് വില. ഈ വില നിലവാരം ഇന്നും തുടരുകയാണ്. ഇന്ന് 24 കാരറ്റ് സ്വര്‍ണം ഗ്രാമിന്‍റെ വിലയിലും മാറ്റമില്ല, ഗ്രാമിന് 5995 രൂപ. 24 കാരറ്റ് പവന് 47960 രൂപയാണ്.

ആഗോള തലത്തില്‍ സ്വര്‍ണ വില ഇടിവിലാണ്. ഔണ്‍സിന് 1922-1927 ഡോളര്‍ എന്ന തലത്തിലാണ് വ്യാപാരം പുരോഗമിക്കുന്നത്. മാര്‍ച്ച് അവസാനം മുതല്‍ മേയ് രണ്ടാം വാരം വരെയുള്ള കാലയളവില്‍ സ്വര്‍ണം വലിയ കുതിപ്പിന്‍റെ പാതയിലായിരുന്നു. എന്നാല്‍ തുടര്‍ന്നങ്ങോട്ട് വിലയില്‍ തുടര്‍ച്ചയായ ചാഞ്ചാട്ടവും ക്രമേണ ഇടിവും ഉണ്ടാകുകയായിരുന്നു. ജൂണില്‍ വെറും 7 ദിവസങ്ങളില്‍ മാത്രമാണ് സ്വര്‍ണ വിലയില്‍ വര്‍ധന രേഖപ്പെടുത്തിയത്. ജൂലൈയിലും ഓഗസ്റ്റിലും സെപ്റ്റംബറിലും പൊതുവേ ചാഞ്ചാട്ടമാണ് വിലയില്‍ കണ്ടത്.

സംസ്ഥാനത്തെ വെള്ളിവിലയില്‍ ഇന്ന് ഇടിവ് രേഖപ്പെടുത്തി. ഒരു ഗ്രാം വെള്ളിയുടെ വില 30 പൈസയുടെ ഇടിവോടെ 79 രൂപയിലെത്തി. എട്ട് ഗ്രാം വെള്ളിക്ക് 632 രൂപയാണ് വില. ഇന്ന് 1 ഡോളറിന് 83.13 രൂപ എന്ന നിലയാണ് കറന്‍സി വിനിമയം നടക്കുന്നത്.