കുതിപ്പിന് റോക്കറ്റ് വേഗം; സ്വര്‍ണവില ഇതെങ്ങോട്ട്?

സ്വര്‍ണവിലയില്‍ വന്‍ കുതിപ്പ്. ഗ്രാമിന് 225 രൂപയും പവന് 1800 രൂപയുമാണ് ഇന്ന് ഒറ്റയടിക്ക് കൂടിയത്. ഇതോടെ സ്വര്‍ണം ഗ്രാമിന് 14,915 രൂപയും പവന് 1,19,320 രൂപയുമാണ് വില. ആനുപാതികമായി 18 കാരറ്റ് സ്വര്‍ണത്തിനും വിലവര്‍ധിച്ചു. ഗ്രാമിന് 12,255 രൂപയിലാണ് വ്യാപാരം. വെള്ളി വിലയിലും 10 രൂപയുടെ വര്‍ധനവുണ്ടായി. ഗ്രാമിന് 345 രൂപയാണ് ഇന്നത്തെ വിപണിവില.

സുരക്ഷിത നിക്ഷേപം എന്ന നിലയില്‍ ഡിമാന്‍ഡ് ഉയരുന്നതാണ് സ്വര്‍ണത്തിന് വില വര്‍ധിക്കാന്‍ കാരണം. ആഭരണം വാങ്ങിക്കൂട്ടുന്നത് വിലയെ ബാധിക്കുന്നില്ല. ഗ്രീന്‍ലാന്‍ഡ് വിഷയത്തില്‍ ട്രംപിന്റെ പിടിവാശി തുടരുന്നതും സ്വര്‍ണവിലയെ ബാധിച്ചിട്ടുണ്ട്. യൂറോപ്പിനുമേല്‍ താരിഫ് ഏര്‍പ്പെടുത്തുമെന്ന പ്രഖ്യാപനവും സ്ഥിതി വഷളാക്കുകയാണ്. ട്രംപ് പിന്നീട് തീരുവയില്‍നിന്നും പിന്നോട്ടുപോയെങ്കിലും യുഎസ്-യൂറോപ്പ് ഭിന്നത് തുടരുന്നു.