Login 
പഠിക്കാം & സമ്പാദിക്കാം 
Home
27 Oct 2026 4:07 PM IST
Summary
ഗോള്‍ഡ്മാന്‍ സാച്ച്‌സും മോര്‍ഗന്‍ സ്റ്റാന്‍ലിയും നേതൃത്വം നല്‍കുന്ന ഈ ലിസ്റ്റിംഗ് വിജയിച്ചാല്‍, വരാനിരിക്കുന്ന എല്ലാ ടെക് കമ്പനികളുടെയും മൂല്യനിര്‍ണയത്തിന് ഇത് മാനദണ്ഡമാകും
എഐഭീമനായ ആന്ത്രോപിക് റെക്കോര്‍ഡുകള്‍ തകര്‍ക്കാന്‍ ഒരുങ്ങുന്നു. നാസ്ഡാക്കില്‍ 'ANT' എന്ന ടിക്കറില്‍ ലിസ്റ്റ് ചെയ്യാന്‍ ഒരുങ്ങുന്ന കമ്പനിക്ക് നിക്ഷേപകര്‍ കല്‍പ്പിക്കുന്ന മൂല്യം ഞെട്ടിപ്പിക്കുന്നതാണ് - ഏകദേശം 1.5 ട്രില്യണ്‍ ഡോളര്‍! 2026 ആദ്യ പകുതിയില്‍ 80.7 ബില്യണ്‍ ഡോളര്‍ നഷ്ടം നേരിട്ടെങ്കിലും, കമ്പനിയുടെ വരുമാനം 1,368% വര്‍ധിച്ചത് നിക്ഷേപകരില്‍ വലിയ പ്രതീക്ഷയാണ് നല്‍കുന്നത്.
ഈ ഐപിഒ വെറുമൊരു ഓഹരി വില്‍പ്പനയല്ല, എഐ മേഖലയുടെ ഭാവി നിര്‍ണയിക്കുന്ന ചൂതാട്ടമാണ്. ഗോള്‍ഡ്മാന്‍ സാച്ച്‌സും മോര്‍ഗന്‍ സ്റ്റാന്‍ലിയും നേതൃത്വം നല്‍കുന്ന ഈ ലിസ്റ്റിംഗ് വിജയിച്ചാല്‍, വരാനിരിക്കുന്ന എല്ലാ ടെക് കമ്പനികളുടെയും മൂല്യനിര്‍ണയത്തിന് ഇത് മാനദണ്ഡമാകും. എന്നാല്‍ ഉയര്‍ന്ന ചെലവും വായ്പാ വിപണിയിലെ സമ്മര്‍ദ്ദവും നിക്ഷേപകരെ ആശങ്കയിലാഴ്ത്തുന്നുണ്ട്.
സാമ്പത്തിക കണക്കുകള്‍ക്ക് അപ്പുറം, ആന്ത്രോപിക് തന്നെ വെളിപ്പെടുത്തിയ സുരക്ഷാ ഭീഷണിയും ചര്‍ച്ചയാകുന്നു. നൂതന എഐ സംവിധാനങ്ങള്‍ തട്ടിപ്പിനും വിവരങ്ങള്‍ വളച്ചൊടിക്കാനും ബ്ലാക്ക്മെയിലിംഗിനും വരെ ഉപയോഗിക്കപ്പെടാമെന്ന മുന്നറിയിപ്പാണ് കമ്പനി പ്രോസ്‌പെക്ടസില്‍ നല്‍കിയിരിക്കുന്നത്. എഐ വളരുന്ന വേഗത്തില്‍ സുരക്ഷാ സംവിധാനങ്ങള്‍ വളരുന്നില്ലെന്ന സത്യവും കമ്പനി തുറന്നു സമ്മതിക്കുന്നു.
ആമസോണ്‍, ഗൂഗിള്‍, മൈക്രോസോഫ്റ്റ് തുടങ്ങിയ ടെക് ഭീമന്മാരെ ആശ്രയിച്ച് എഐ സാമ്രാജ്യം കെട്ടിപ്പടുക്കുന്ന ആന്ത്രോപിക്, ഇനിയും കോടികള്‍ അടിസ്ഥാന സൗകര്യങ്ങള്‍ക്കായി ചെലവഴിക്കും. ഈ ഐപിഒ എഐ നിക്ഷേപങ്ങളുടെ കുമിള പൊട്ടിക്കുമോ അതോ പുതിയൊരു യുഗത്തിന് തുടക്കം കുറിക്കുമോ എന്നാണ് ലോകം ഉറ്റുനോക്കുന്നത്.