എസ് ഐ പി വഴിയുള്ള മ്യൂച്വല്‍ ഫണ്ട് നിക്ഷേപത്തില്‍ വര്‍ധന

സിസ്റ്റമാറ്റിക് ഇന്‍വെസ്റ്റ്മെന്റ് പ്ലാന്‍ (എസ്ഐപി) വഴി മ്യൂച്വല്‍ ഫണ്ടുകളിലേക്കുള്ള പ്രതിമാസ നിക്ഷേപം കുതിച്ചുയര്‍ന്നു. ഏപ്രിലില്‍ ഇത് 2.72 ശതമാനം ഉയര്‍ന്ന് 26,632 കോടി രൂപയായതായി എഎംഎഫ്ഐയുടെ ഏറ്റവും പുതിയ കണക്കുകള്‍ വ്യക്തമാക്കുന്നു. മാര്‍ച്ചില്‍ പ്രതിമാസ എസ്ഐപി നിക്ഷേപം 25,926 കോടി രൂപയായിരുന്നു.

എസ്ഐപി അക്കൗണ്ടുകളുടെ സംഭാവന 2025 മാര്‍ച്ചില്‍ 8.11 കോടിയില്‍ നിന്ന് ഏപ്രിലില്‍ 8.38 കോടിയായി ഉയര്‍ന്നതായി അസോസിയേഷന്‍ ഓഫ് മ്യൂച്വല്‍ ഫണ്ട്‌സ് ഇന്‍ ഇന്ത്യ മേധാവി വെങ്കട്ട് ചലസാനി പറഞ്ഞു.

കൂടാതെ, എസ്ഐപികള്‍ക്ക് കീഴിലുള്ള ആസ്തികള്‍ ഏപ്രിലില്‍ 13.9 ലക്ഷം കോടി രൂപയായി ഉയര്‍ന്നു. ഇത് ഇന്ത്യന്‍ മ്യൂച്വല്‍ ഫണ്ട് വ്യവസായത്തിന്റെ മൊത്തം എയുഎമ്മിന്റെ ഏകദേശം 20 ശതമാനമായിരുന്നു.

ഏപ്രിലില്‍ 46 ലക്ഷം എസ്‌ഐപി അക്കൗണ്ടുകള്‍ രജിസ്റ്റര്‍ ചെയ്തു. 1.36 കോടി അക്കൗണ്ടുകള്‍ ഈ മാസം നിര്‍ത്തുകയോ കാലാവധി പൂര്‍ത്തിയാകുകയോ ചെയ്തു.

ഇക്വിറ്റി മ്യൂച്വല്‍ ഫണ്ടുകളിലേക്കുള്ള അറ്റ നിക്ഷേപം കഴിഞ്ഞ മാസത്തെ അപേക്ഷിച്ച് 3.2 ശതമാനം കുറഞ്ഞ് ഏപ്രിലില്‍ 24,269.26 കോടി രൂപയായി.