ഓഹരി കൈമാറ്റ ഏജന്‍റുമാരുടെ മാറ്റത്തിന് ത്രികക്ഷി കരാറുമായി സെബി

ഇഷ്യൂവർ കമ്പനി, നിലവിലുള്ള ഓഹരി കൈമാറ്റ ഏജന്റ്, പുതിയ ഓഹരി കൈമാറ്റ ഏജന്റ് എന്നിവർക്കായി മാർക്കറ്റ് റെഗുലേറ്റർ സെബി ഒരു മാതൃകാ ത്രികക്ഷി കരാറിന്‍റെ മാതൃക പുറത്തിറക്കി.

സെബിയുടെ മാനദണ്ഡങ്ങൾ പ്രകാരം, പുതിയ ഓഹരി കൈമാറ്റ ഏജന്റിന്റെ നിയമനം ഉണ്ടായാൽ, ലിസ്റ്റ് ചെയ്ത സ്ഥാപനം ഒരു ത്രികക്ഷി കരാറിൽ ഏർപ്പെടണം. നിലവിലുള്ള കൈമാറ്റ ഏജന്‍റ്, പുതിയ ഓഹരി കൈമാറ്റ ഏജന്റ്, ലിസ്‌റ്റഡ് സ്ഥാപനം എന്നിവർ കരാറിൽ ഒപ്പിടണം. രജിസ്ട്രാർ അസോസിയേഷൻ ഓഫ് ഇന്ത്യ (റെയിൻ), ചില ഇഷ്യു ചെയ്യുന്ന കമ്പനികള്‍ എന്നിവയുമായി കൂടിയാലോചിച്ചാണ് ത്രികക്ഷി കരാറിന്‍റെ മാതൃക തയാറാക്കിയതെന്ന് സെബി വ്യക്തമാക്കി.

സെബിയുടെ സർക്കുലർ അനുസരിച്ച്, രജിസ്ട്രാർ ആൻഡ് ഷെയർ ട്രാൻസ്ഫർ ഏജന്റുമാരോടും (ആർടിഎ) ലിസ്റ്റഡ് കമ്പനികളോടും ത്രികക്ഷി കരാറിന്റെ ഫോർമാറ്റ് അതത് വെബ്‌സൈറ്റുകളിൽ പ്രസിദ്ധീകരിക്കാൻ ആവശ്യപ്പെട്ടിട്ടുണ്ട്. ത്രികക്ഷി കരാറിന്റെ ഫോർമാറ്റ് അടങ്ങിയ വെബ്‌സൈറ്റുകളുടെ ലിങ്ക് സഹിതം ജൂൺ 1-നകം നിർദ്ദേശങ്ങൾ പാലിച്ചതായി വ്യക്തമാക്കണമെന്ന് ആർടിഎകളോട് നിർദ്ദേശിച്ചിട്ടുണ്ട്.

സർക്കുലർ നടപ്പിലാക്കുന്നതിന് ബൈ-ലോ, നിയമങ്ങളിലും ചട്ടങ്ങളിലും, പ്രവർത്തന നിർദ്ദേശങ്ങളിലും ആവശ്യമായ ഭേദഗതികൾ വരുത്താനും സെബി അവരോട് ആവശ്യപ്പെട്ടിട്ടുണ്ട്.