ചുവപ്പില്‍ നിലയുറപ്പിച്ച് വിപണികള്‍

ആഭ്യന്തര ഓഹരി വിപണി സൂചികകള്‍ തുടര്‍ച്ചയായ രണ്ടാം ദിവസത്തിലും ഇടിവില്‍ വ്യാപാരം അവസാനിപ്പിച്ചു. ആർബിഐ പണനയത്തിനും ബാങ്കിംഗ് സംവിധാനത്തിലെ പണം കുറയ്ക്കുമെന്ന അപ്രതീക്ഷിത പ്രഖ്യാപനത്തിനു ശേഷം ആഭ്യന്തര വിപണിയിലെ പ്രവണത ദുർബലമായി തുടരുകയാണ്.

സെൻസെക്സ് 365.53 പോയിൻറ് അഥവാ 0.56 ശതമാനം ഇടിഞ്ഞ് 65,322.65 ലും നിഫ്റ്റി 114.80 പോയിൻറ് അഥവാ 0.59 ശതമാനം ഇടിഞ്ഞ് 19,428.30ലും വ്യാപാരം അവസാനിപ്പിച്ചു.

സെൻസെക്‌സ് പാക്കിൽ എച്ച്ഡിഎഫ്‍സി ബാങ്ക് ഏറ്റവും വലിയ നഷ്ടം നേരിട്ടു. ഐസിഐസിഐ ബാങ്ക്, ഇന്‍ഫോസിസ്, ഹിന്ദുസ്ഥാന്‍ യുനിലിവര്‍ എന്നിവയും നഷ്ടത്തിലാണ്.

ഏഷ്യൻ വിപണികളിൽ, ഷാങ്ഹായ്, ഹോങ്കോങ്, ഓസ്ട്രേലിയ എന്നിവ താഴ്ന്ന നിലയിലാണ്. നിക്കെയ്, തായ്വാന്‍ എന്നിവ നേട്ടത്തില്‍ വ്യാപാരം അവസാനിപ്പിച്ചു. യുഎസ് വിപണികൾ വ്യാഴാഴ്ച നേട്ടത്തോടെയാണ് അവസാനിച്ചത്.

എക്സ്ചേഞ്ച് ഡാറ്റ പ്രകാരം 331.22 കോടി രൂപയുടെ ഇക്വിറ്റികൾ വിദേശ സ്ഥാപന നിക്ഷേപകർ (എഫ്ഐഐ) വ്യാഴാഴ്ച വാങ്ങി. ബി‌എസ്‌ഇ ബെഞ്ച്മാർക്ക് ഇന്നലെ 307.63 പോയിന്റ് അല്ലെങ്കിൽ 0.47 ശതമാനം ഇടിഞ്ഞ് 65,688.18 ൽ എത്തി. നിഫ്റ്റി 89.45 പോയിന്റ് അഥവാ 0.46 ശതമാനം ഇടിഞ്ഞ് 19,543.10 ൽ അവസാനിച്ചു.