സ്വര്‍ണം പവന് വീണ്ടും 44000

സംസ്ഥാനത്തെ സ്വര്‍ണ വില ഇന്നും ഉയര്‍ന്നു. 22 കാരറ്റ് ഗ്രാമിന് ഇന്ന് 30 രൂപയുടെ വര്‍ധനയോടെ 5500 രൂപയാണ് വില. ഇന്നലെ 25 രൂപയാണ് കൂടിയത്. പവന് ഇന്ന് 44,000 രൂപയാണ്, 240 രൂപയുടെ വര്‍ധന. മൂന്നാഴ്ചയ്ക്ക് ശേഷമാണ് സ്വര്‍ണ വില ഈ നിലയിലേക്ക് തിരിച്ചെത്തിയത്. 24 കാരറ്റ് സ്വര്‍ണം ഗ്രാമിന്‍റെ വിലയിലും ഇന്ന് മികച്ച വര്‍ധനയുണ്ടായി, 33 രൂപയുടെ വര്‍ധനയോടെ 6000 രൂപയാണ് ഇന്നത്തെ വില. പവന് 48,560 രൂപ, 240 രൂപയുടെ വര്‍ധന.

ആഗോള തലത്തില്‍ സ്വര്‍ണ വില ഔണ്‍സിന്1935-1937 ഡോളര്‍ എന്ന തലത്തിലാണ് വ്യാപാരം പുരോഗമിക്കുന്നത്. മാര്‍ച്ച് അവസാനം മുതല്‍ മേയ് രണ്ടാം വാരം വരെയുള്ള കാലയളവില്‍ സ്വര്‍ണം വലിയ കുതിപ്പിന്‍റെ പാതയിലായിരുന്നു. എന്നാല്‍ തുടര്‍ന്നങ്ങോട്ട് വിലയില്‍ തുടര്‍ച്ചയായ ചാഞ്ചാട്ടവും ക്രമേണ ഇടിവും ഉണ്ടാകുകയായിരുന്നു. ജൂണില്‍ വെറും 7 ദിവസങ്ങളില്‍ മാത്രമാണ് സ്വര്‍ണ വിലയില്‍ വര്‍ധന രേഖപ്പെടുത്തിയത്. ജൂലൈയില്‍ പൊതുവേ ചാഞ്ചാട്ടമാണ് വിലയില്‍ കണ്ടത്. ഓഗസ്റ്റില്‍ വീണ്ടും ഇടിവ് പ്രകടമാകുന്നതിലേക്ക് നീങ്ങി.

സംസ്ഥാനത്തെ വെള്ളിവിലയും ഇന്ന് ഉയര്‍ച്ച പ്രകടമാക്കി. ഒരു ഗ്രാം വെള്ളിയുടെ വില 70 പൈസയുടെ വര്‍ധനയോടെ 80.70 രൂപയില്‍ എത്തി. എട്ട് ഗ്രാം വെള്ളിക്ക് 645.60 രൂപ. ഡോളറിന് 82.77 രൂപ എന്ന നിലയാണ് ഇന്ന് കറന്‍സി വിനിമയം നടക്കുന്നത്. .