തുടക്ക വ്യാപാരത്തില്‍ വിപണികള്‍ക്ക് മുന്നേറ്റം

ആഗോള വിപണിയിലെ പോസിറ്റീവ് പ്രവണതകളുടെയും പുതിയ വിദേശ ഫണ്ട് വരവിന്‍റെയും പശ്ചാത്തലത്തില്‍ , ഇക്വിറ്റി ബെഞ്ച്മാർക്ക് സൂചികകൾ വ്യാഴാഴ്ച തുടക്കവ്യാപാരത്തില്‍ മുന്നേറി. ബിഎസ്ഇ സെൻസെക്‌സ് 333.95 പോയിന്റ് ഉയർന്ന് 65,767.25ല്‍ എത്തി. എൻഎസ്ഇ നിഫ്റ്റി 101.65 പോയിന്റ് ഉയർന്ന് 19,545.65ല്‍ എത്തി.

സെൻസെക്സ് പാക്കിൽ നിന്ന്, ടെക് മഹീന്ദ്ര, ലാർസൻ ആൻഡ് ടൂബ്രോ, പവർ ഗ്രിഡ്, ഐസിഐസിഐ ബാങ്ക്, ഇൻഡസ്ഇൻഡ് ബാങ്ക്, ഇൻഫോസിസ്, ജെഎസ്ഡബ്ല്യു സ്റ്റീൽ, വിപ്രോ, ടൈറ്റൻ, അൾട്രാടെക് സിമന്റ് തുടങ്ങിയ ഓഹരികൾ നേട്ടത്തിലാണ്. ജിയോ ഫിനാൻഷ്യൽ സർവീസസ് ഏറ്റവും വലിയ നഷ്ടം നേരിടുന്നു

ഏഷ്യൻ വിപണികളിൽ, സിയോൾ, ടോക്കിയോ, ഷാങ്ഹായ്, ഹോങ്കോംഗ് എന്നിവ പോസിറ്റീവ് ആയാണ് വ്യാപാരം നടത്തുന്നത്. യുഎസ് വിപണികൾ ബുധനാഴ്ച നേട്ടത്തോടെയാണ് അവസാനിച്ചത്.

എക്സ്ചേഞ്ച് ഡാറ്റ പ്രകാരം 614.32 കോടി രൂപയുടെ ഇക്വിറ്റികൾ വാങ്ങി വിദേശ സ്ഥാപന നിക്ഷേപകർ (എഫ്ഐഐ) ബുധനാഴ്ച വാങ്ങലുകാരായി മാറി.

"ആഗോളതലത്തിൽ യുഎസ് സമ്പദ്‌വ്യവസ്ഥയെ സംബന്ധിച്ച പ്രതീക്ഷ മെച്ചപ്പെട്ടതും ഇന്ത്യയില്‍ ചന്ദ്രയാൻ-3 ന്റെ വിജയകരമായ സോഫ്‌റ്റ് ലാൻഡിംഗും നിക്ഷേപകരുടെ വികാരങ്ങളെ മെച്ചപ്പെടുത്തി വ്യക്തമായും പോസിറ്റീവ് തലത്തിലേക്ക് എത്തിച്ചു," ജിയോജിത് ഫിനാൻഷ്യൽ സർവീസസിലെ ചീഫ് ഇൻവെസ്റ്റ്‌മെന്റ് സ്ട്രാറ്റജിസ്റ്റ് വി കെ വിജയകുമാർ പറഞ്ഞു.

ആഗോള എണ്ണ മാനദണ്ഡമായ ബ്രെന്റ് ക്രൂഡ് 0.31 ശതമാനം ഇടിഞ്ഞ് ബാരലിന് 82.95 ഡോളറിലെത്തി. ബിഎസ്ഇ ബെഞ്ച്മാർക്ക് 213.27 പോയിന്റ് അഥവാ 0.33 ശതമാനം ഉയർന്ന് 65,433.30 എന്ന നിലയിലെത്തി. നിഫ്റ്റി 47.55 പോയിന്റ് അഥവാ 0.25 ശതമാനം ഉയർന്ന് 19,444 ൽ അവസാനിച്ചു.