ഗംഭീര അരങ്ങേറ്റവുമായി എക്‌സികോം, പ്ലാറ്റിനം ഇൻഡസ്ട്രീസ് ഓഹരികൾ

എക്‌സികോം ടെലി-സിസ്റ്റംസ് വിപണിയിലെത്തിയത് 86.32 ശതമാനം പ്രീമിയത്തോടെ. ഇഷ്യൂ വിലയയ 142 രൂപയിൽ നിന്നും 123 രൂപ ഉയർന്ന് 265 രൂപയിലാണ് ഓഹരികൾ അരങ്ങേറ്റം കുറിച്ചത്. ഇഷ്യൂവിലൂടെ 429 കോടി രൂപ കമ്പനി സമാഹരിച്ചു. ഇതിൽ 329 കോടി രൂപയുടെ പുതിയ ഇഷ്യൂവും 100 കോടി രൂപയുടെ ഓഫർ ഫോർ സെയിലും ഉൾപ്പെടുന്നു.

നെക്സ്റ്റ് വേവ് കമ്മ്യൂണിക്കേഷൻസ് പ്രൈവറ്റ് ലിമിറ്റഡ്, അനന്ത് നഹത എന്നിവരാണ് കമ്പനിയുടെ പ്രൊമോട്ടർമാർ.

ഇഷ്യൂ തുക തെലങ്കാനയിലെ ഉൽപ്പാദന കേന്ദ്രം/അസംബ്ലി ലൈനുകൾ സ്ഥാപിക്കുന്നതിനുള്ള ചെലവ്, വായ്പകളുടെ തിരിച്ചടവ്, പ്രവർത്തന മൂലധന ആവശ്യങ്ങൾ, ഗവേഷണ-ഉൽപ്പന്ന വികസനത്തിനുമുള്ള നിക്ഷേപം, പൊതു കോർപ്പറേറ്റ് ആവശ്യങ്ങൾ എന്നിവയ്ക്കായി ഉപയോഗിക്കും.

1994-ൽ സ്ഥാപിതമായ പവർ സിസ്റ്റങ്ങൾ, ഇലക്ട്രിക് വെഹിക്കിൾ (ഇവി) ചാർജിംഗ്, മറ്റ് അനുബന്ധ പരിഹാരങ്ങൾ എന്നിവയിൽ സ്പെഷ്യലൈസ് ചെയ്യുന്ന കമ്പനിയാണ് എക്‌സികോം ടെലി-സിസ്റ്റംസ്.

പവർ സിസ്റ്റംസ്: ഡിജിറ്റൽ കമ്മ്യൂണിക്കേഷൻ നെറ്റ്‌വർക്കുകൾക്കായി എക്‌സികോം തടസ്സമില്ലാത്ത പവർ സൊല്യൂഷനുകൾ നൽകുന്നു.

ഇവി ചാർജിംഗ് സൊല്യൂഷൻസ്: എക്‌സികോം ഇന്ത്യയിലും തെക്കുകിഴക്കൻ ഏഷ്യയിലും 6,000-ലധികം എസി, ഡിസി ചാർജറുകൾ വിന്യസിച്ചിട്ടുണ്ട്. അവരുടെ ഇവി ചാർജിംഗ് സൊല്യൂഷനുകൾ ഏതു കാലാവസ്ഥയെയും നേരിടാൻ രൂപകൽപ്പന ചെയ്തിട്ടുള്ളതാണ്.

2023 വരെയുള്ള കണക്കനുസരിച്ച് ഇന്ത്യയുടെ ഇവി ചാർജർ നിർമ്മാണ വിഭാഗത്തിൽ ആദ്യമായി പ്രവേശിച്ച കമ്പനികളിലൊന്നാണ് എക്‌സികോം ടെലി-സിസ്റ്റംസ്. സ്ലോ ചാർജിംഗ് സൊല്യൂഷനുകളും (പ്രാഥമികമായി റെസിഡൻഷ്യൽ ഉപയോഗത്തിനുള്ള എസി ചാർജറുകൾ) ഫാസ്റ്റ് ചാർജിംഗ് സൊല്യൂഷനുകളും (നഗരങ്ങളിലും ഹൈവേകളിലും ബിസിനസ്, പബ്ലിക് ചാർജിംഗ് നെറ്റ്‌വർക്കുകൾക്കുള്ള ഡിസി ചാർജറുകൾ) വാഗ്ദാനം ചെയ്യുന്ന ഇവി ചാർജർ ബിസിനസ്സിലാണ് കമ്പനി പ്രവർത്തിക്കുന്നത്. ഉപഭോക്തൃ അടിത്തറയിൽ സ്ഥാപിതമായ ഓട്ടോമോട്ടീവ് ഒഇഎമ്മുകൾ (പാസഞ്ചർ കാറുകൾക്കും ഇവി ബസുകൾക്കും), ചാർജ് പോയിൻ്റ് ഓപ്പറേറ്റർമാർ (സിപിഒകൾ), ഫ്ലീറ്റ് അഗ്രഗേറ്ററുകൾ എന്നിവയും ഉൾപ്പെടുന്നു.

കമ്പനിക്ക് ഇന്ത്യയിലെ 400 സ്ഥലങ്ങളിലായി 61,000-ലധികം ഇവി ചാർജർ പോയിന്റുകളുണ്ട്.

പ്ലാറ്റിനം ഇൻഡസ്ട്രീസ്

സ്റ്റെബിലൈസറുകൾ നിർമിക്കുന്ന പ്ലാറ്റിനം ഇൻഡസ്ട്രീസ് ഓഹരികൾ 31.58 ശതമാനം പ്രീമിയത്തോടെ ലിസ്റ്റ് ചെയ്തു. ഇഷ്യൂ വില 171 രൂപ. ലിസ്റ്റിംഗ് വില 225 രൂപ. ഓഹരിയൊന്നിന് 54 രൂപയുടെ നേട്ടം. ഇഷ്യൂ വഴി 235.32 കോടി രൂപ രൂപയാണ് കമ്പനി സമാഹരിച്ചത്.

കൃഷ്ണ ദുഷ്യന്ത് റാണയും പരുൾ കൃഷ്ണ റാണയുമാണ് കമ്പനിയുടെ പ്രൊമോട്ടർമാർ.

ഇഷ്യൂ തുക എസ്‌സി സോൺ 'ഗവർണറേറ്റ് ഓഫ് സൂയസ് ഈജിപ്തിൽ' പിവിസി സ്റ്റെബിലൈസറുകൾക്കായി ഒരു നിർമ്മാണ സൗകര്യം സജ്ജീകരിക്കുന്നതിനുള്ള ചെലവ്, മഹാരാഷ്ട്രയിലെ പാൽഘറിൽ പിവിസി സ്റ്റെബിലൈസറുകൾക്കായി ഒരു നിർമ്മാണ യൂണിറ്റ് സ്ഥാപിക്കുന്നതിനായുള്ള ചെലവ്, പ്രവർത്തന മൂലധന ആവശ്യങ്ങൾ, പൊതു കോർപ്പറേറ്റ് ആവശ്യങ്ങൾ എന്നിവയ്ക്കായി ഉപയോഗിക്കും.

2016ൽ സ്ഥാപിതമായ പ്ലാറ്റിനം ഇൻഡസ്ട്രീസ് സ്റ്റെബിലൈസറുകൾ നിർമ്മിക്കുന്നതിൽ വൈദഗ്ദ്ധ്യമുള്ള കമ്പനിയാണ്. കമ്പനി പിവിസി സ്റ്റെബിലൈസറുകൾ, സിപിവിസി അഡിറ്റീവുകൾ, ലൂബ്രിക്കൻ്റുകൾ എന്നിവയും നിർമ്മിക്കുന്നു.

പിവിസി പൈപ്പുകൾ, പിവിസി പ്രൊഫൈലുകൾ, പിവിസി ഫിറ്റിംഗുകൾ, ഇലക്ട്രിക്കൽ വയറുകളും കേബിളുകളും, എസ്പിസി ഫ്ലോർ ടൈലുകൾ, റിജിഡ് പിവിസി ഫോം ബോർഡുകൾ, പാക്കേജിംഗ് മെറ്റീരിയലുകൾ എന്നിവയിൽ കമ്പനിയുടെ ഉത്പന്നങ്ങൾ ഉപയോഗിക്കുന്നുണ്ട്.

മഹാരാഷ്ട്രയിലെ പാൽഘറിലാണ് കമ്പനിയുടെ നിർമ്മാണ യൂണിറ്റ് സ്ഥിതി ചെയുന്നത്. 2023 വരെയുള്ള കണക്കനുസരിച്ച് കമ്പനിക്ക് ഇന്ത്യയിൽ പന്ത്രണ്ട് വിതരണ കേന്ദ്രങ്ങളുണ്ട്.