Login 
പഠിക്കാം & സമ്പാദിക്കാം 
Home
4 Nov 2025 5:14 PM IST
Summary
ഏഷ്യന്, യൂറോപ്യന് വിപണികളിലെ ദുര്ബലമായ പ്രവണതയും തിരിച്ചടിയായി
തുടര്ച്ചയായ വിദേശ ഫണ്ടുകളുടെ ഒഴുക്കും ഏഷ്യന്, യൂറോപ്യന് വിപണികളിലെ ദുര്ബലമായ പ്രവണതയും കാരണം ചൊവ്വാഴ്ച ഓഹരി സൂചികകളായ സെന്സെക്സും നിഫ്റ്റിയും ഇടിഞ്ഞു.
ബിഎസ്ഇ സെന്സെക്സ് 519.34 പോയിന്റ് അഥവാ 0.62 ശതമാനം ഇടിഞ്ഞ് 83,459.15 ല് ക്ലോസ് ചെയ്തു.
എന്എസ്ഇ നിഫ്റ്റി 165.70 പോയിന്റ് അഥവാ 0.64 ശതമാനം ഇടിഞ്ഞ് 25,597.65 ലെത്തി.
സെന്സെക്സ് കമ്പനികളില് പവര് ഗ്രിഡ്, എറ്റേണല്, ടാറ്റ മോട്ടോഴ്സ്, ടാറ്റ സ്റ്റീല്, മാരുതി, ഭാരത് ഇലക്ട്രോണിക്സ് എന്നിവ നഷ്ടത്തിലാണ് വ്യാപാരം അവസാനിപ്പിച്ചത്.
ടൈറ്റാന്, ഭാരതി എയര്ടെല്, ബജാജ് ഫിനാന്സ്, മഹീന്ദ്ര & മഹീന്ദ്ര, സ്റ്റേറ്റ് ബാങ്ക് ഓഫ് ഇന്ത്യ എന്നിവ നേട്ടമുണ്ടാക്കി.
ഏഷ്യന് വിപണികളില്, ദക്ഷിണ കൊറിയയുടെ കോസ്പി, ജപ്പാനിലെ നിക്കി 225 സൂചിക, ഷാങ്ഹായുടെ എസ്എസ്ഇ കോമ്പോസിറ്റ് സൂചിക, ഹോങ്കോങ്ങിന്റെ ഹാങ് സെങ് സൂചിക എന്നിവ താഴ്ന്ന നിലയിലാണ് വ്യാപാരം അവസാനിപ്പിച്ചത്.