പ്രതീക്ഷകളോടെ ഹോട്ടൽ മേഖല; ഐഎച്ച്‌സിഎൽ, ലെമൺ ട്രീ ഓഹരികൾ കുതിച്ചേക്കാം

ആഭ്യന്തര ബ്രോക്കറേജ് സ്ഥാപനമായ എംകെ ഗ്ലോബൽ ഫിനാൻഷ്യൽ സർവീസസിൻ്റെ റിപ്പോർട്ട് അനുസരിച്ച് ഹോട്ടൽ മേഖല നടപ്പ് സാമ്പത്തിക വർഷത്തെ അവസാന പാദത്തിലും, വരാനിരിക്കുന്ന സാമ്പത്തിക വർഷത്തെ ആദ്യ പാദത്തിലും ശക്തമായി തുടരുമെന്ന് പ്രതീക്ഷിക്കുന്നു. മീറ്റിംഗുകൾ, ഇന്‍സെന്റീവുകള്‍, കോൺഫറൻസുകൾ, എക്സിബിഷനുകൾ (MICE) ഇവൻ്റുകൾ എന്നിവയിൽ നിന്നുള്ള ഡിമാൻഡ് കാരണം ശരാശരി റൂം നിരക്കുകൾ (ARR) വർഷം തോറും മെച്ചപ്പെട്ടുവെന്ന് സൂചിപ്പിക്കുന്ന ബ്രോക്കറേജിൻ്റെ ചാനൽ പരിശോധനകളെ അടിസ്ഥാനമാക്കിയുള്ളതാണ് പുറത്തു വന്ന പുതിയ റിപ്പോർട്ട്.

“ഇന്ത്യയിൽ, MICE ഇവൻ്റുകൾ വളരെ ജനപ്രിയമാണ്. ആറ് പ്രധാന സ്ഥലങ്ങളിൽ മാത്രം 2024-ൽ ഏകദേശം 400 ഇവൻ്റുകളാണ് ഞങ്ങൾ പ്രതീക്ഷിക്കുന്നത്. ക്രിക്കറ്റ് ലോകകപ്പും ജി20യും 2023-ൽ നടന്നു, ഭാരത് ടെക്‌സ്റ്റൈൽ എക്‌സ്‌പോ, മിസ് വേൾഡ് (മുംബൈ), ഇന്ത്യൻ പ്രീമിയർ ലീഗ് (ഐപിഎൽ) (2024 മാർച്ച് 22 മുതൽ മെയ് 26 വരെ) തുടങ്ങിയ ഇവൻ്റുകൾ 2024 ൽ പ്രതീക്ഷിക്കുന്നു. ഇത് ഹോട്ടലുകളുടെ ആവശ്യം വർദ്ധിപ്പിക്കും," ബ്രോക്കറേജ് പറഞ്ഞു.

"ലെമൺ ട്രീ, ഇന്ത്യൻ ഹോട്ടൽസ് കമ്പനി ലിമിറ്റഡ് (ഐഎച്ച്‌സിഎൽ) തുടങ്ങിയ കമ്പനികൾ പുതിയ മാനേജ്‌മെൻ്റ് കരാറുകളിൽ ഏർപ്പെടുന്നു,എൻസിആറിലെ ഒരു റിസോർട്ട് ഷാലറ്റ് ഏറ്റെടുത്തതും ശക്തമായ ഡിമാൻഡ് കാരണമാകുമെന്ന്" ബ്രോക്കറേജ് പറയുന്നു.

ബ്രോക്കറേജ് ഷാലറ്റിൻ്റെ ടാർഗെറ്റ് വില 900 രൂപയായി നിലനിർത്തിയിട്ടുണ്ട്. എന്നാൽ പുതിയ കരാറുകളും 2026 സാമ്പത്തിക വർഷത്തേക്കുള്ള പ്രവചനങ്ങളും വർധിച്ചതിൻ്റെ ഫലമായി ഐഎച്ച്‌സിഎൽ, ലെമൺ ട്രീ എന്നിവയ്ക്ക് യഥാക്രമം 575 രൂപ, 150 രൂപ എന്നിങ്ങനെ ലക്ഷ്യ വില ഉയർത്തി. ചാനൽ പരിശോധനകളെ അടിസ്ഥാനമാക്കി നാലാം പാദത്തിലെ ശരാശരി ഹോട്ടൽ വിലകൾ ഇപ്പോഴും ഉയർന്നതാണ് (പ്രഭാതഭക്ഷണം ഉൾപ്പെടുന്ന എൻട്രി ലെവൽ മുറികൾക്ക്. ലെമൺ ട്രീ, ഷാലറ്റ് എന്നിവയുടെ നിരക്കുകൾ ഉയർന്ന നിലയിൽ തുടരുമെങ്കിലും 2025 സാമ്പത്തിക വർഷത്തിലെ ഐഎച്ച്‌സിഎല്ലിന്റെ പാദാടിസ്ഥാനത്തിലുള്ള നിരക്കുകൾ കുറച്ച് വ്യതിചലിക്കാൻ സാധ്യതയുണ്ട്.

നാലാം പാദത്തിൽ ലെമൺ ട്രീയുടെയും ഇന്ത്യൻ ഹോട്ടൽസ് കമ്പനി ലിമിറ്റഡിൻ്റെയും കരാറുകളിൽ ഏർപ്പെടുന്നത് ശക്തമായി തുടരുന്നു എന്നാണ് ബ്രോക്കറേജ് അവകാശപ്പെടുന്നത്. പത്ത് അധിക ഹോട്ടലുകൾ ലെമൺ ട്രീയുമായി പുതിയ ലൈസൻസിംഗും ഫ്രാഞ്ചൈസി കരാറുകളിൽ ഒപ്പുവച്ചു, 478 മുറികളാണ് പുതുതായി ചേർത്തത് (Q3-ൽ 621 കീകൾ ചേർത്ത 9 കരാറുകൾ അപേക്ഷിച്ച്).

മൂന്നാം പാദത്തിലെ ഡിമാൻഡ് ഔട്ട്‌ലുക്കിനെ കുറിച്ച് ഇന്ത്യൻ ഹോട്ടൽസ് കമ്പനി ലിമിറ്റഡിൻ്റെ മാനേജ്‌മെൻ്റ് അഭിപ്രായങ്ങൾ ആശാവഹമായിരുന്നു. മാർച്ച് അവസാനം വരെയുള്ള കമ്പനിയുടെ റിസർവേഷനുകൾ സുസ്ഥിരമായ ഡിമാൻഡ് ട്രെൻഡിലേക്ക് നീങ്ങുന്നതായി കാണാം. മാർച്ച് അവസാനം ആരംഭിക്കുന്ന ഐപിഎൽ ഇതിന് കൂടുതൽ ശക്തി പകരും. ഐഎച്ച്‌സിഎൽ 1,307 മുറികൾ ചേർത്തുകൊണ്ട് നടപ്പ് സാമ്പത്തിക വർഷത്തിലെ നാലാം പാദത്തിൽ ഏഴ് പുതിയ മാനേജ്മെൻ്റ് കരാറുകൾ നേടി.

ബാധ്യതാ നിരാകരണം: ഈ ലേഖനം വിജ്ഞാനാവശ്യത്തിനും വിവരവിതരണത്തിനും മാത്രമായി തയാറാക്കിയിട്ടുള്ളതാണ്. നിക്ഷേപ ശുപാര്‍ശയല്ല. ഓഹരി നിക്ഷേപം വിപണിയുടെ ലാഭ നഷ്ട സാധ്യതകള്‍ക്ക് വിധേയമാണ്. ഓഹരി വിപണിയില്‍ നിക്ഷേപിക്കും മുമ്പെ അംഗീകൃത സാമ്പത്തിക വിദഗ്ധന്റെ സേവനം തേടേണ്ടതാണ്. നിക്ഷേപങ്ങളിലൂടെയുണ്ടാകുന്ന നഷ്ടങ്ങള്‍ക്ക് ലേഖകനോ മൈഫിന്‍ പോയിന്റിനോ ഉത്തവരാദിത്തം ഉണ്ടായിരിക്കുന്നതല്ല.