ഇന്ത്യൻ വിപണി: നിഫ്റ്റി 25,800 ലെവലിലേക്ക്

സമ്മിശ്ര ആഗോള സൂചനകളെ തുടർന്ന് ഇന്ത്യൻ ഓഹരി സൂചികകൾ സ്ഥിരമോ പോസിറ്റീവോ ആയ തുടക്കത്തിനായി തയ്യാറെടുക്കുന്നു. ഗിഫ്റ്റ് നിഫ്റ്റി 25,693.50 എന്ന ലെവലിന് അടുത്ത് നേരിയ കുറവിലാണ് വ്യാപാരം ചെയ്യുന്നതെങ്കിലും, മൊത്തത്തിലുള്ള വികാരം പോസിറ്റീവാണ്. വിപണിയിലെ ചെറിയ ചാഞ്ചാട്ടവും , ലാർജ്-ക്യാപ് ഓഹരികളിലെ റൊട്ടേഷനും ഇതിന് പിന്തുണ നൽകുന്നു.

ഇന്നത്തെ സെഷനിൽ, വിപണി പോസിറ്റീവായി റേഞ്ച്-ബൗണ്ടായി തുടരാൻ സാധ്യതയുണ്ട്. 25,550 ലെവലിന് മുകളിലുള്ള സ്ഥിരമായ വ്യാപാരം ഐടി, ബാങ്കിംഗ് ഓഹരികളിൽ പുതിയ ബയിങ്ങിന് കാരണമായേക്കാം. അതേസമയം 25,300 ലെവലിലേക്കുള്ള ഇടിവുകളിൽ വാങ്ങാൻ ആകും. വിദേശ നിക്ഷേപകരുടെ നിക്ഷേപം എത്തുന്നത് മൊത്തത്തിലുള്ള പങ്കാളിത്തം മെച്ചപ്പെടാൻ സാധ്യതയുണ്ട്.

തുടർച്ചയായ മൂന്ന് ദിവസത്തെ ഇടിവിനുശേഷം 10 -ാം തിയതി ഇക്വിറ്റി മാർക്കറ്റുകൾ വീണ്ടും മുന്നേറി . ഐടി, മെറ്റൽ, ഫാർമ ഓഹരികളിലെ ശക്തമായ വാങ്ങലാണ് ഇതിന് നേതൃത്വം നൽകിയത്.സെൻസെക്സ് 319 പോയിന്റ് ഉയർന്ന് 83,535 ലെവലിലും, നിഫ്റ്റി 50 82 പോയിന്റ് ഉയർന്ന് 25,574 ലെവലിലും ക്ലോസ് ചെയ്തു.വിപണി വികാരം സമ്മിശ്രമായിരുന്നു: മിഡ്ക്യാപ് സൂചിക 0.6 ശതമാനം ഉയർന്നപ്പോൾ സ്മോൾക്യാപ് സൂചിക 0.4 ശതമാനം കുറഞ്ഞു.

സാങ്കേതിക വിശകലനം

നിഫ്റ്റി 50 നിലവിൽ ഒരു കൺസോളിഡേഷൻ ഘട്ടത്തിലാണ് വ്യാപാരം ചെയ്യുന്നത്.

26,000–26,050 റെസിസ്റ്റൻസ് ലെവലിൽ രണ്ട് തവണ തടസ്സം നേരിട്ടത് ബുള്ളിഷ് മൊമെന്റത്തിലെ താൽക്കാലിക ഇടിവിനെ സൂചിപ്പിക്കുന്നു. നിലവിൽ 25,400–25,450 ന് അടുത്താണ് സപ്പോർട്ട് ലെവൽ. ഇവിടെ ബയിങ് താൽപ്പര്യം ഉയർന്നു തുടങ്ങിയിട്ടുണ്ട്. 25,000 ലെവലിന് മുകളിൽ നിലനിർത്തുന്നിടത്തോളം കാലം ട്രെൻഡ് പോസിറ്റീവായി തുടരുന്നു.

26,050 ലെവലിന് മുകളിലുള്ള ഒരു നിർണ്ണായക ബ്രേക്കൗട്ട് നിഫ്റ്റിയെ 26,400–26,800 എന്ന ലെവലിലേക്ക് എത്തിച്ചേക്കാം.ഉടനടിയുള്ള റെസിസ്റ്റൻസ് ലെവൽ 25,650 .പ്രധാന ലക്ഷ്യം: 25,800–25,850 എന്നതാണ്.പ്രധാന സപ്പോർട്ട്: 25,300–25,250 ലെവൽ.

ബാങ്ക് നിഫ്റ്റി ബുള്ളിഷാണ്.

59,500–60,000 ലെവലിന് അടുത്ത് നേരിയ ലാഭമെടുപ്പ് കണ്ടെങ്കിലും, അടിസ്ഥാന മൊമെന്റം ശക്തമാണ്.56,000 ലെവലിലേക്കുള്ള പിൻവലിയൽ ശക്തമായ പിന്തുണ നൽകുമെന്ന് പ്രതീക്ഷിക്കുന്നു. ഈ പിന്തുണ നിലനിർത്തുന്നിടത്തോളം കാലം 'ഇടിവിൽ വാങ്ങുക' എന്ന സമീപനം സ്വീകരിക്കാം. 60,000 ന് മുകളിലുള്ള ഒരു ബ്രേക്കൗട്ട് അടുത്ത കാലയളവിൽ 61,500–62,000 ലെവലുകളിലേക്ക് എത്തിക്കും. 59,500–60,000 എന്നതാണ് റെസിസ്റ്റൻസ് ലെവൽ. പ്രധാന സപ്പോർട്ട് ലെവൽ: 56,000

പവർ മെക്ക് പ്രോജക്റ്റസ് ശ്രദ്ധയാകർഷിക്കും. ശക്തമായ രണ്ടാം ഫലങ്ങൾ ഓഹരിയെ ശ്രദ്ധാ കേന്ദ്രമാക്കും. 2026 സാമ്പത്തിക വർഷത്തിൽശക്തമായ വരുമാനം രേഖപ്പെടുത്തിയതിനെത്തുടർന്ന് പവർമെക്ക് പ്രോജക്റ്റ്സ് ഇന്ന് ശ്രദ്ധാകേന്ദ്രമാകും.(Net Profit): വാർഷികാടിസ്ഥാനത്തിൽ 11.7 ശതമാനം വർധിച്ച് വരുമാനം 74.92 കോടി രൂപയായി.വരുമാനം 19.5 ശതമാനം ഉയർന്ന് 1,237.8 കോടി രൂപയായി. നികുതിക്ക് മുമ്പുള്ള വരുമാനം വാർഷികാടിസ്ഥാനത്തിൽ 19 ശതമാനം വർധിച്ചു. മാർജിൻ 11.9 ശതമാനം ആയി സ്ഥിരതയോടെ നിലനിർത്തി. ഇത് പ്രവർത്തനക്ഷമതയും ഓർഡർ ബുക്കിലെ വളർച്ചയും സൂചിപ്പിക്കുന്നു.