നേട്ടത്തിലെത്തി ഓഹരി വിപണി, സെന്‍സെക്‌സ് 100 പോയിന്റ് ഉയർന്നു

ഇന്ത്യന്‍ ഓഹരി വിപണി ഇന്ന് നേട്ടത്തില്‍ വ്യാപാരം അവസാനിപ്പിച്ചു. സെന്‍സെക്‌സ് 136 പോയിന്റ് ഉയര്‍ന്ന് 81,926 ലും നിഫ്റ്റി 30 പോയിന്റ് ഉയര്‍ന്ന് 25,108 ലും ക്ലോസ് ചെയ്തു.

സെന്‍സെക്‌സ് ഓഹരികൾ

നിഫ്റ്റി ഓഹരികളിൽ ജിയോ ഫിനാൻഷ്യൽ, ഭാരതി എയർടെൽ, എറ്റേണൽ, ഐഷർ മോട്ടോഴ്‌സ്, എച്ച്‌സി‌എൽ ടെക്‌നോളജീസ് എന്നിവ മികച്ച നേട്ടമുണ്ടാക്കിയപ്പോൾ, ട്രെന്റ്, ടാറ്റ മോട്ടോഴ്‌സ്, ആക്സിസ് ബാങ്ക്, ടാറ്റ കൺസ്യൂമർ, എച്ച്‌യുഎൽ എന്നിവ നഷ്ടത്തിൽ അവസാനിച്ചു.

സെക്ടര്‍ സൂചികകൾ

സെക്ടര്‍ സൂചികകളില്‍ ഊർജം, എണ്ണ, വാതകം, ഫാർമ, ടെലികോം, കൺസ്യൂമർ ഡ്യൂറബിൾസ് എന്നീ മേഖലകൾ 0.3-2% ഉയർന്നു.

ബിഎസ്ഇ മിഡ്ക്യാപ് സൂചിക 0.4% ഉയർന്നപ്പോൾ സ്മോൾക്യാപ് സൂചിക നേരിയ നഷ്ടത്തിൽ അവസാനിച്ചു.