കേരള കമ്പനികൾ ഇന്ന്; രണ്ടാം നാൾ നേട്ടത്തിൽ പോപ്പുലർ

മാർച്ച് 20ലെ വ്യാപാരത്തിൽ പോപ്പുലർ ഓഹരികൾ നേട്ടത്തിലെത്തി. ഇന്നലെ കിഴിവിൽ വിപണിയിലെത്തിയ ഓഹരികൾ നഷ്ടത്തോടെയായിരുന്നു വ്യാപാരവും അവസാനിപ്പിച്ചത്. ഇന്നത്തെ വ്യാപാരത്തിൽ ഓഹരികൾ 3.11 ശതമാനം ഉയർന്ന് 284.75 രൂപയിൽ ക്ലോസ് ചെയ്തു. ഏകദേശം 14.36 ലക്ഷം ഓഹരികളുടെ വ്യാപാരമാണ് നടന്നത്. ഇതോടെ കമ്പനിയുടെ വിപണി മൂല്യം 1967 കോടി രൂപയിലെത്തി. ഓഹരികളുടെ 52 ആഴ്ച്ചയിലെ ഉയർന്ന വില 289.20 രൂപയും താഴ്ന്നത് 262.40 രൂപയുമാണ്.

ഹാരിസൺസ് മലയാളം ഓഹരികൾ കുതിപ്പ് തുടരുന്നു. ഓഹരികൾ ഇന്നത്തെ വ്യാപാരത്തിൽ 4.78 ശതമാനം ഉയർന്ന് 179.85 രൂപയിൽ ക്ലോസ് ചെയ്തു. വണ്ടർലാ ഓഹരികൾ 2.84 ശതമാനം നേട്ടത്തോടെ 884 രൂപയിലെത്തി. ആസ്റ്റർ ഓഹരികൾ 2.23 ശതമാനം വർദ്ധനവോടെ 884 രൂപയിൽ ക്ലോസ് ചെയ്തു. മുത്തൂറ്റ് ഫൈനാൻസ് ഓഹരികൾ 1.04 ശതമാനം ഉയർന്നു. നേരിയ നേട്ടത്തോടെ കല്യാൺ, മണപ്പുറം ഫൈനാൻസ്, കിറ്റെക്സ് ഓഹരികൾ വ്യാപാരം അവസാനിപ്പിച്ചു.

ബാങ്കിങ് ഓഹരികളിൽ നിന്നും ഫെഡറൽ ബാങ്ക് 0.03 ശതമാനവും ഇസാഫ് സ്‌മോൾ ഫൈനാൻസ് ബാങ്ക് ശതമാനവും സിഎസ്ബി ബാങ്ക് 0.57 ശതമാനവും സൗത്ത് ഇന്ത്യൻ ബാങ്ക് 1.42 ശതമാനവും ധനലക്ഷ്മി ബാങ്ക് 2.06 ശതമാനവും ഇടിഞ്ഞു.

ഇടിവ് തുടർന്ന് മുത്തൂറ്റ് മൈക്രോഫിൻ ഓഹരികൾ. ഇന്ന് ഓഹരികൾ 1.71 ശതമാനം താഴ്ന്ന് 197.95 രൂപയിലെത്തി. കേരളം ആയുർവേദ ഓഹരികൾ 1.42 ശതമാനത്തിന്റെ ഇടിവിൽ 256.50 രൂപയിൽ ക്ലോസ് ചെയ്തു. ഫാക്ട് ഓഹരികൾ 1.20 ശതമാനം നഷ്ടത്തിൽ 632.30 രൂപയിൽ വ്യാപാരം അവസാനിപ്പിച്ചു. ബ്രോക്കറേജ് സ്ഥാപനമായ ജിയോജിത് ഓഹരികൾ 0.86 ശതമാനം ഇടിഞ്ഞു. നേരിയ ഇടിവിൽ അപ്പോളോ ടയർസ്, കൊച്ചിൻ ഷിപ്പ് യാർഡ് ഓഹരികൾ വ്യാപാരം അവസാനിപ്പിച്ചു.