കേരള കമ്പനികൾ ഇന്ന്; കുതിച്ചുയർന്ന് ഫാക്ട് ഓഹരികൾ, നേട്ടം വിടാതെ കൊച്ചിൻ ഷിപ്പ് യാർഡ്

മെയ് 24ലെ വ്യാപാരത്തിൽ ഫാക്ട് ഓഹരികൾ കുതിച്ചുയർന്നു. മുൻ ദിവസത്തെ ക്ലോസിംഗിൽ നിന്നും 3.52 ശതമാനം ഉയർന്ന ഓഹരികൾ 717.05 രൂപയിൽ വ്യാപാരം അവസാനിപ്പിച്ചു. ഓഹരികളുടെ ഇന്നത്തെ ഉയർന്ന വില 747.80 രൂപയാണ്. ഓഹരികളുടെ 52 ആഴ്ച്ചയിലെ ഉയർന്ന വില 908 രൂപയും താഴ്ന്ന വില 294 രൂപയുമാണ്. ഏകദേശം 28.39 ലക്ഷം ഓഹരികളുടെ വ്യാപാരമാണ് ഇന്ന് വിപണിയിൽ നടന്നത്. ഇതോടെ കമ്പനിയുടെ വിപണി മൂല്യം 44,810 കോടി രൂപയിലെത്തി.

നേട്ടം വിടാതെ കൊച്ചിൻ ഷിപ്പ് യാർഡ്. ഓഹരികൾ ഇന്നത്തെ വ്യാപാരത്തിൽ എക്കാലത്തെയും ഉയർന്ന വിലയായ 2030 രൂപ തൊട്ടു. മുൻ ദിവസത്തെ ക്ലോസിംഗിൽ നിന്നും 1.18 ശതമാനം ഉയർന്ന ഓഹരികൾ 1912.55 രൂപയിൽ വ്യാപാരം അവസാനിപ്പിച്ചു. കൊച്ചിൻ മിനറൽസ് ആൻഡ് റൂട്ടയിൽ ഓഹരികൾ 2.06 ശതമാനം ഉയർന്ന് 307.30 രൂപയിലെത്തി. ഈസ്റ്റേൺ ട്രേഡ്‌സ് ഓഹരികൾ 2.01 ശതമാനം നേട്ടത്തോടെ 37.60 രൂപയിൽ വ്യാപാരം അവസാനിപ്പിച്ചു. പോപ്പുലർ ഓഹരികൾ കുതിപ്പ് തുടരുന്നു, 1.33 ശതമാനം വർദ്ധനവോടെ ഓഹരികൾ 233.20 രൂപയിലെത്തി. മണപ്പുറം ഫിനാൻസ് ഓഹരികൾ 1.04 ശതമാനം ഉയർന്ന് 180.40 രൂപയിൽ ക്ലോസ് ചെയ്തു.

ബാങ്കിങ് ഓഹരികളിൽ ധനലക്ഷ്മി ബാങ്ക് 1.54 ശതമാനവും ഫെഡറൽ ബാങ്ക് 0.40 ശതമാനവും ഇസാഫ് സ്‌മോൾ ഫിനാൻസ് ബാങ്ക് 0.28 ശതമാനവും നേട്ടത്തോടെ വ്യാപാരം അവസാനിപ്പിച്ചു. സൗത്ത് ഇന്ത്യൻ ബാങ്ക് 1.07 ശതമാനവും സിഎസ്ബി ബാങ്ക് 1.44 ശതമാനവും ഇടിഞ്ഞു.

മുത്തൂറ്റ് കാപ്പിറ്റൽ ഓഹരികൾ ഇന്നത്തെ വ്യാപാരത്തിൽ 4.25 ശതമാനം ഇടിഞ്ഞ് 278.25 രൂപയിൽ ക്ലോസ് ചെയ്തു. ഫിലിപ്സ് കാർബൺ ഓഹരികൾ 2.97 ശതമാനം നഷ്ടത്തോടെ 251.70 രൂപയിൽ വ്യാപാരം അവസാനിപ്പിച്ചു. വി ഗാർഡ് ഓഹരികൾ 2.95 ശതമാനം താഴ്ന്ന് 368.35 രൂപയിലെത്തി. വണ്ടർലാ ഓഹരികൾ 2.68 ശതമാനം നഷ്ടം നൽകി 854.65 രൂപയിൽ ക്ലോസ് ചെയ്തു. ഹാരിസൺസ് മലയാളം ഓഹരികൾ 1.79 ശതമാനം താഴ്ന്ന് 184.25 രൂപയിൽ വ്യാപാരം അവസാനിപ്പിച്ചു. നേരിയ ഇടിവോടെ കല്യാൺ ജ്വല്ലേഴ്‌സ്, അപ്പോളോ ടയേഴ്‌സ്, കിറ്റെക്സ് ഓഹരികളും ക്ലോസ് ചെയ്തു.