ആഗോള സൂചനകള്‍; വിപണിയില്‍ ശക്തമായ തിരിച്ചുവരവ്

പോസിറ്റീവ് ആയ ആഗോള സൂചനകളുടെ പിന്തുണയോടെ ഇന്ത്യന്‍ ഓഹരി വിപണി ഇന്ന് ശക്തമായ തിരിച്ചുവരവിന് സാക്ഷ്യം വഹിച്ചു. ഇറാന്റെ ഊര്‍ജ്ജ ഇന്‍ഫ്രാസ്ട്രക്ചറിന് നേരെയുള്ള ആക്രമണങ്ങള്‍ ഡൊണാള്‍ഡ് ട്രംപ് മാറ്റിവെച്ചതിനെത്തുടര്‍ന്ന്, ഇറാനില്‍ നിന്നുള്ള സമ്മിശ്ര സൂചനകള്‍ക്കിടയിലും ആഗോള വിപണിയിലുണ്ടായ ആത്മവിശ്വാസം ഈ കുതിപ്പിന് കാരണമായി.

പ്രധാന സൂചികകള്‍ വലിയ നേട്ടത്തോടെയാണ് വ്യാപാരം അവസാനിപ്പിച്ചത്: സെന്‍സെക്‌സ് 1.89% ഉയര്‍ന്ന് 74,068.45 നിലവാരത്തിലെത്തി. നിഫ്റ്റി 1.78% നേട്ടത്തോടെ 22,912.40 എന്ന നിലവാരത്തില്‍ ക്ലോസ് ചെയ്തു. ഏഷ്യന്‍ വിപണികള്‍ ഏകദേശം 2% നേട്ടമുണ്ടാക്കിയ ആഗോള കുതിപ്പിനെ പിന്‍പറ്റിയാണ് ഇന്ത്യന്‍ വിപണിയും നീങ്ങിയത്. അതേസമയം, ക്രൂഡ് ഓയില്‍ വില ഉയര്‍ന്നുതന്നെ തുടരുന്നത് വിപണിയിലെ ചാഞ്ചാട്ടത്തെക്കുറിച്ചുള്ള ആശങ്കകള്‍ നിലനിര്‍ത്തുന്നു.

നിഫ്റ്റി 50 സൂചിക നിലവില്‍ ഒരു വ്യക്തമായ 'ഡൗണ്‍ട്രെന്‍ഡിലാണ്' തുടരുന്നത്. ചാര്‍ട്ടില്‍ തുടര്‍ച്ചയായി രൂപപ്പെടുന്ന 'ലോവര്‍ ഹൈസ്', 'ലോവര്‍ ലോസ്' എന്നിവയും ഒരു 'ഡിസെന്‍ഡിംഗ് ട്രെന്‍ഡ്ലൈനും' വിപണിയില്‍ ഇപ്പോഴും വില്‍പനക്കാരുടെ ആധിപത്യം തുടരുന്നതായി സൂചിപ്പിക്കുന്നു. 22,500 എന്ന താഴ്ന്ന നിലവാരത്തില്‍ നിന്ന് ഒരു ചെറിയ തിരിച്ചുകയറ്റത്തിന് വിപണി ശ്രമിച്ചെങ്കിലും, 23,200 , 23,300 എന്ന പ്രതിരോധ മേഖലയില്‍ തടസ്സം നേരിട്ടത് ട്രെന്‍ഡ് ഇപ്പോഴും ദുര്‍ബലമാണെന്ന് കാണിക്കുന്നു. മുന്‍പ് വിപണിയെ താങ്ങിനിര്‍ത്തിയിരുന്ന ഈ സപ്പോര്‍ട്ട് ലെവലുകള്‍ ഇപ്പോള്‍ ശക്തമായ പ്രതിരോധമായി മാറിയിരിക്കുകയാണ്. നിലവില്‍ 22,950 നിലവാരത്തിനടുത്ത് വ്യാപാരം നടത്തുന്ന നിഫ്റ്റിക്ക് മുന്നോട്ടുള്ള കുതിപ്പിന് ആവശ്യമായ കരുത്ത് കണ്ടെത്താന്‍ സാധിക്കുന്നില്ല. 23,290, 23,740 എന്നീ പ്രതിരോധ നിലവാരങ്ങള്‍ മറികടന്നാല്‍ മാത്രമേ വിപണിയില്‍ ഒരു പോസിറ്റീവ് മാറ്റം പ്രതീക്ഷിക്കാനാകൂ. അതുവരെ വിപണിയിലുണ്ടാകുന്ന ഓരോ കുതിപ്പും ഒരു 'പുള്‍ബാക്ക്' മാത്രമായി തുടരാനാണ് സാധ്യത.

നിഫ്റ്റി 50: ശ്രദ്ധിക്കേണ്ട പ്രധാന സാങ്കേതിക നിലവാരങ്ങള്‍

പ്രതിരോധം : 23,290 , 23,300: വിപണിക്ക് മറികടക്കേണ്ട ഏറ്റവും വലിയ തടസ്സം.

23,740: ഹ്രസ്വകാലത്തേക്ക് വിപണി ബുളീഷ് ആകണമെങ്കില്‍ ഈ നിലവാരത്തിന് മുകളില്‍ സ്ഥിരത കൈവരിക്കണം. സപ്പോര്‍ട്ട്:22,770: തൊട്ടടുത്തുള്ള പ്രധാന സപ്പോര്‍ട്ട് നിലവാരം. 22,330: വിപണിയിലെ ഏറ്റവും ശക്തമായ ബേസ് ഇവിടെയാണ്.

സെക്ടറുകളുടെ പ്രകടനം: വിപണിയില്‍ ഉടനീളം പച്ചപ്പ്

ഇന്നത്തെ കുതിപ്പ് എല്ലാ സെക്ടറുകളിലും പ്രതിഫലിച്ചു. ബാങ്കിംഗ്, ഓട്ടോ, കണ്‍സംപ്ഷന്‍ എന്നീ മേഖലകളാണ് വിപണിയെ മുന്നില്‍ നിന്ന് നയിച്ചത്. ബാങ്കിംഗ് & ഫിനാന്‍ഷ്യല്‍സ്: +2.2% നേട്ടമുണ്ടാക്കി.

ഓട്ടോ: +2.4% കുതിച്ചു. ഐടി, മെറ്റല്‍, ഇന്‍ഫ്ര, പിഎസ്യു ബാങ്കുകള്‍: ഇവയെല്ലാം ഏകദേശം 2% വീതം നേട്ടമുണ്ടാക്കി. ടൂറിസം ഓഹരികള്‍: ഏറ്റവും വലിയ മുന്നേറ്റം നടത്തിയത് ഈ മേഖലയാണ് (+3.9%). സംഘര്‍ഷഭീതി കുറഞ്ഞത് യാത്രാ-ടൂറിസം മേഖലയ്ക്ക് ഗുണകരമായി.

ശ്രദ്ധേയമായ ഓഹരി ചലനങ്ങള്‍

ഏറ്റവും കൂടുതല്‍ നേട്ടമുണ്ടാക്കിയവര്‍: എച്ച്ഡിഎഫ്‌സി ബാങ്ക് (+2.8%): കഴിഞ്ഞ നാല് ദിവസത്തെ ഇടിവിന് ശേഷം ഓഹരി ഇന്ന് തിരിച്ചുകയറി. മുന്‍ ചെയര്‍മാന്റെ രാജിയുമായി ബന്ധപ്പെട്ട കാര്യങ്ങളില്‍ വ്യക്തത വരുത്താന്‍ ബാങ്ക് നിയമസഹായം തേടിയതും കുറഞ്ഞ വിലയില്‍ ഓഹരികള്‍ വാങ്ങാന്‍ നിക്ഷേപകര്‍ താല്പര്യം കാണിച്ചതും ഗുണകരമായി.

ഏഷ്യന്‍ പെയിന്റ്‌സ് : ഉല്‍പ്പന്നങ്ങളുടെ വില 6-8% വര്‍ദ്ധിപ്പിക്കുമെന്ന പ്രഖ്യാപനത്തെത്തുടര്‍ന്ന് ഓഹരി വില കുതിച്ചുയര്‍ന്നു. ഏപ്രില്‍ മുതല്‍ രണ്ട് ഘട്ടങ്ങളിലായാണ് വില വര്‍ദ്ധനവ് നടപ്പിലാക്കുന്നത്. എല്‍&ടി: ഇന്‍ഫ്രാസ്ട്രക്ചര്‍ മേഖലയിലെ വാങ്ങല്‍ കരുത്തായതോടെ മികച്ച നേട്ടം.

ഇന്‍ഡിഗോ: ക്രൂഡ് ഓയില്‍ വില കുറഞ്ഞത് വിമാനക്കമ്പനികള്‍ക്ക് വലിയ ആശ്വാസമായി. ബജാജ് ഫിനാന്‍സ്: ഫിനാന്‍ഷ്യല്‍ സെക്ടറിലെ പൊതുവായ ഉണര്‍വ് ഓഹരിക്ക് കരുത്തായി.

നഷ്ടം നേരിട്ടവര്‍: വിപണി മൊത്തത്തില്‍ കയറിയപ്പോഴും ചില പ്രതിരോധ ഓഹരികളില്‍ വില്‍പന സമ്മര്‍ദ്ദം പ്രകടമായി: കോള്‍ ഇന്ത്യ, അദാനി എന്റര്‍പ്രൈസസ്, സണ്‍ ഫാര്‍മ, സിപ്ല.

ബാങ്കിംഗ് സൂചിക: ശക്തമായ തിരിച്ചുവരവ്

കഴിഞ്ഞ മൂന്ന് ദിവസത്തെ തുടര്‍ച്ചയായ തകര്‍ച്ചയ്ക്ക് ശേഷം ബാങ്ക് നിഫ്റ്റി ഇന്ന് ശക്തമായ തിരിച്ചുകയറ്റം നടത്തി. ഏകദേശം 7% തിരുത്തലിന് ശേഷമാണ് ഈ മുന്നേറ്റം. 52,605 നിലവാരത്തില്‍ വ്യാപാരം അവസാനിപ്പിച്ചു (+2.27%). കഴിഞ്ഞ മൂന്ന് ദിവസത്തെ നഷ്ടം നികത്തിക്കൊണ്ടുള്ള കുതിപ്പാണിത്. നിഗമനം: വിപണിയിലെ ട്രെന്‍ഡ് പൂര്‍ണ്ണമായും പോസിറ്റീവ് ആകണമെങ്കില്‍ ബാങ്ക് നിഫ്റ്റി 54,700 എന്ന നിലവാരത്തിന് മുകളില്‍ സ്ഥിരത കൈവരിക്കേണ്ടതുണ്ട്.

ഐടി സെക്ടര്‍: വെല്ലുവിളികള്‍ തുടരുന്നു

ബാങ്കിംഗ് മേഖല കുതിക്കുമ്പോഴും ഐടി മേഖല ഇപ്പോഴും സമ്മര്‍ദ്ദത്തിലാണ്. അടിസ്ഥാനപരമായ ചില കാരണങ്ങള്‍ ഈ സെക്ടറിനെ തളര്‍ത്തുന്നു.

ആഗോള ഡിമാന്‍ഡ്: ആഗോളതലത്തില്‍ ഐടി സേവനങ്ങള്‍ക്കുള്ള ഡിമാന്‍ഡ് കുറയുന്നത് തിരിച്ചടിയാകുന്നു. നാലാം പാദഫലങ്ങളെക്കുറിച്ചുള്ള പ്രതീക്ഷകള്‍ ഇപ്പോഴും ആശങ്കയിലാണ്.

ബ്രോക്കറേജ് വിലയിരുത്തല്‍: ഐടി മേഖലയില്‍ ഇപ്പോള്‍ വലിയ രീതിയിലുള്ള നിരാശ പ്രകടമാണെന്ന് വിവിധ ബ്രോക്കറേജ് സ്ഥാപനങ്ങള്‍ ചൂണ്ടിക്കാട്ടുന്നു.

2027 സാമ്പത്തിക വര്‍ഷത്തെക്കുറിച്ചുള്ള കമ്പനി മാനേജ്മെന്റുകളുടെ നിലപാടുകള്‍ ഈ മേഖലയുടെ ഭാവി നിശ്ചയിക്കുന്നതില്‍ നിര്‍ണ്ണായകമാകും.

നാളെ വിപണിയില്‍ എന്ത് പ്രതീക്ഷിക്കാം?

ഇന്നത്തെ ശക്തമായ തിരിച്ചുകയറ്റത്തിന് ശേഷവും വിപണിയില്‍ ചാഞ്ചാട്ടം തുടരാന്‍ സാധ്യതയുണ്ട്. താഴെ പറയുന്ന ഘടകങ്ങള്‍ നാളത്തെ വ്യാപാരത്തെ സ്വാധീനിക്കും:

ഭൗമരാഷ്ട്രീയ സാഹചര്യങ്ങള്‍: ഇറാന്‍-അമേരിക്ക സംഘര്‍ഷത്തിലെ പുതിയ നീക്കങ്ങള്‍ വിപണി അതീവ ജാഗ്രതയോടെ നിരീക്ഷിക്കും.ക്രൂഡ് ഓയില്‍ വില: എണ്ണവിലയിലെ മാറ്റങ്ങള്‍ വിപണിയുടെ ദിശ നിര്‍ണ്ണയിക്കുന്നതില്‍ പ്രധാന പങ്കുവഹിക്കും. നാലാം പാദ സാമ്പത്തിക ഫലങ്ങള്‍ (ഝ4 ഞലൗെഹെേ) വരാനിരിക്കുന്നതിനാല്‍ നിക്ഷേപകര്‍ വലിയ നീക്കങ്ങള്‍ക്ക് മുമ്പ് ജാഗ്രത പാലിക്കാന്‍ സാധ്യതയുണ്ട്.

സൂചികകളുടെ സാങ്കേതിക വിശകലനം

നിഫ്റ്റി 50: ഇന്നത്തെ കുതിപ്പിന് ശേഷം ഉയര്‍ന്ന നിലവാരങ്ങളില്‍ നിഫ്റ്റിക്ക് വീണ്ടും തടസ്സങ്ങള്‍ നേരിട്ടേക്കാം.പ്രതിരോധം : 23,000 , 23,300. സപ്പോര്‍ട്ട് : 22,700 22,300.

ഒരു 'പുള്‍ബാക്ക് റാലി' പ്രതീക്ഷിക്കാമെങ്കിലും ഉയര്‍ന്ന നിലവാരങ്ങളില്‍ വില്‍പന സമ്മര്‍ദ്ദം ഉണ്ടായേക്കാം.

ബാങ്ക് നിഫ്റ്റി :ബാങ്ക് നിഫ്റ്റിയില്‍ നിലവില്‍ ഒരു പോസിറ്റീവ് മനോഭാവം ദൃശ്യമാണ്. ശ്രദ്ധിക്കാന്‍: 52,950 എന്ന നിലവാരത്തിന് മുകളില്‍ ബ്രേക്ക്ഔട്ട് ഉണ്ടായാല്‍ കൂടുതല്‍ കുതിപ്പ് പ്രതീക്ഷിക്കാം. ട്രെന്‍ഡ്: സൈഡ്വേയ്സ് അല്ലെങ്കില്‍ പോസിറ്റീവ് ആയി തുടരാനാണ് സാധ്യത.

ശ്രദ്ധിക്കേണ്ട പ്രധാന അപകടസാധ്യതകള്‍

ക്രൂഡ് ഓയില്‍: എണ്ണവില ബാരലിന് 100-ഡോളറിന് മുകളില്‍ തന്നെ തുടരുന്നത് വിപണിക്ക് വെല്ലുവിളിയാണ്. എഫ്‌ഐഐ ഔട്ട്ഫ്‌ലോ: വിദേശ നിക്ഷേപകര്‍ ഓഹരികള്‍ വിറ്റഴിക്കുന്നത് തുടരുന്നത് കുതിപ്പിനെ മന്ദീഭവിപ്പിക്കും. കമ്പനികളുടെ വരാനിരിക്കുന്ന വരുമാനത്തെക്കുറിച്ചുള്ള മോശം സൂചനകള്‍ ഓഹരി വിലയെ ബാധിക്കാം. അന്താരാഷ്ട്ര വിപണികളിലെ അസ്ഥിരതയും ഇന്ത്യന്‍ വിപണിയില്‍ പ്രതിഫലിച്ചേക്കാം.