തകർപ്പൻ ലക്ഷ്വറി, സ്റ്റണ്ണിങ് ലുക്ക് ; മെഴ്സിഡസ് എഎംജി 53 ഇ മോഡൽ അവതരിപ്പിച്ചു

സ്റ്റണ്ണിങ് ലുക്കും ലക്ഷ്വറിയും സമന്വയിച്ച മെഴ്സിഡസിൻ്റെ പുതിയ മോഡൽ. ബെൻസ് ആരാധകരെ വിസ്മയിപ്പിച്ച് മെഴ്‌സിഡസ്-എഎംജി ഇ 53 മോഡൽ. 1.45 കോടി രൂപ മുതലാണ് എക്സ്ഷോറൂം വില. പെർഫോമൻസ് ഫോക്കസ്ഡ് സെഡാന്റെ റേസിംഗ് പതിപ്പും കമ്പനി പുറത്തിറക്കി. 1.48 കോടി രൂപ വിലയുള്ള എഎംജി ഇ 53 റേസിംഗ് എഡിഷൻ ബെൻസ് ആരാധകരുടെ സ്വപ്ന മോഡൽ കൂടെയാകും. സ്റ്റാൻഡേർഡ് സെഡാനെ അപേക്ഷിച്ച് പുതിയ മെക്കാനിക്കൽ അപ്‌ഗ്രേഡുകളും, ഡിസൈൻ മാറ്റങ്ങളും ഈ മോഡലിനെ ശ്രദ്ധേയമാക്കുന്നു.

നാലു സെക്കൻഡിൽ 280kph വേഗം

585 എച്ച്പി കരുത്തും 750 എൻഎം ടോർക്കുമുള്ള മോഡലിന് 4 സെക്കൻഡിനുള്ളിൽ 0-100kph വേഗത കൈവരിക്കാനാകും. പരമാവധി വേഗത 250kph ആണ്. E 53 റേസിംഗ് എഡിഷൻ്റെ പരമാവധി വേഗത 280kph ആണ്. എഎംജി ഇ 53 മോഡലിന് 9-സ്പീഡ് ഓട്ടോമാറ്റിക് ഗിയർബോക്‌സുമായി ബന്ധിപ്പിച്ചിരിക്കുന്ന 3-ലിറ്റർ ഇൻ-ലൈൻ ആറ് ടർബോ-പെട്രോൾ എഞ്ചിൻ ഉണ്ട്. പ്ലഗ്-ഇൻ ഹൈബ്രിഡ് ആയതിനാൽ 21.2kWh ബാറ്ററി പായ്ക്കുള്ള ഇലക്ട്രിക് മോട്ടോറുമുണ്ട്.

400V ലിഥിയം-അയൺ ബാറ്ററി 60kW DC യൂണിറ്റ് ഉപയോഗിച്ച് 10-80 ശതമാനം ടോപ്പ്-അപ്പിന് 20 മിനിറ്റ് മതി. അതേസമയം, 11kW AC യൂണിറ്റ് ഉപയോഗിച്ച് 0-100 ശതമാനം ചാർജ് ചെയ്യാൻ 2.25 മണിക്കൂർ എടുക്കും. ഒറ്റ ചാർജിൽ 100 കിലോമീറ്റർ ഇലക്ട്രിക്- റേഞ്ച് ബെൻസ് അവകാശപ്പെടുന്നു.സ്റ്റാൻഡേർഡ് ഇ-ക്ലാസിനേക്കാൾ മെക്കാനിക്കൽ അപ്‌ഗ്രേഡുകളിൽ ഉയർന്ന പ്രകടനമുള്ള ബ്രേക്കിംഗ് സിസ്റ്റം, എയർ സസ്‌പെൻഷൻ, റിയർ-ആക്‌സിൽ സ്റ്റിയറിംഗ് എന്നിവയും മോഡലിൽ ഉൾപ്പെടുന്നു.