പുതിയ ഉയരം തൊട്ട് 120 ലധികം ഓഹരികൾ

വെള്ളിയാഴ്ച പ്രധാന സൂചികകൾക്കൊപ്പം മിഡ്ക്യാപ് ഓഹരികളും ഇടിവ് . വിപണിയുടെ മൊത്തത്തിലുള്ള വികാരം ന്യൂട്രൽ ആയിരുന്നെങ്കിലും, തിരഞ്ഞെടുത്ത ഡിഫൻസ്, എനർജി, ഫാർമ ഓഹരികളിൽ ശക്തമായ മുന്നേറ്റം .

നിഫ്റ്റി മിഡ്ക്യാപ് സൂചിക (Nifty Midcap) ഇന്ന് 0.35 ശതമാനം ഇടിഞ്ഞു. അതേസമയം സ്മോൾക്യാപ് സൂചിക വലിയ മാറ്റങ്ങളില്ലാതെ ഫ്ലാറ്റായാണ് വ്യാപാരം അവസാനിപ്പിച്ചത്. വിപണിയിൽ ഇന്ന് ഉയർന്ന ഓഹരികളുടെയും ഇടിഞ്ഞ ഓഹരികളുടെയും എണ്ണം ഏകദേശം തുല്യമായിരുന്നു . ഇത് വിപണിയിലെ സമ്മിശ്ര പങ്കാളിത്തം സൂചിപ്പിക്കുന്നു.

52-ആഴ്ചയിലെ ഉയർന്ന നിലവാരത്തിലെത്തിയ ഓഹരികൾ

വിപണിയിൽ നേരിയ ഇടിവുണ്ടായെങ്കിലും, ശക്തമായ ഫണ്ടമെന്റൽസ് ഉള്ള 120-ലധികം ഓഹരികൾ ഇന്ന് 52-ആഴ്ചയിലെ ഏറ്റവും ഉയർന്ന നിരക്ക് (52-week high) തൊട്ടു. അദാനി എനർജി, ഡാറ്റാ പാറ്റേൺസ്, അപർ ഇൻഡസ്ട്രീസ്, വിഐ (Vodafone Idea), ആർ.ബി.എൽ ബാങ്ക്, ലോറസ് ലാബ്സ്, സി.ജി പവർ, സിർമ്മ എസ്.ജി.എസ് എന്നിവ ഇതിൽ ഉൾപ്പെടുന്നു.

വലിയ ചലനങ്ങൾ ഉണ്ടാക്കിയ മുൻനിര ഓഹരികൾ ഏതൊക്കെ?

നിഫ്റ്റി ഗെയിനേഴ്‌സ് പട്ടികയിൽ അദാനി എന്റർപ്രൈസസും അദാനി പോർട്സും മുന്നേറ്റം തുടർന്നു. ഇതിനൊപ്പം ഹിന്ദുസ്ഥാൻ യുണിലിവർ , ബജാജ് ഫിനാൻസ്, ആക്സിസ് ബാങ്ക്, എം ആൻഡ് എം എന്നീ ഓഹരികളും നേട്ടമുണ്ടാക്കി.

ബ്ലൂസ്പ്രിംഗ് എന്റർപ്രൈസസ് 2,049.8 കോടി രൂപയുടെ ഓർഡർ സ്വന്തമാക്കിയ വാർത്തയ്ക്ക് പിന്നാലെ ഓഹരിയിൽ 10 ശതമാനം മുന്നേറ്റം. പുതിയ ഉൽപ്പന്നങ്ങൾക്ക് യു.എസ്.എഫ്.ഡി.എ (USFDA) അംഗീകാരം ലഭിച്ചതിനെ തുടർന്ന് ലുപിൻ, ഔറോബിന്ദോ ഫാർമ ഓഹരികൾ മികച്ച നേട്ടം കൈവരിച്ചു. ചില അന്താരാഷ്ട്ര സർവീസുകൾ താല്കാലികമായി നിർത്തിവെക്കുന്നു എന്ന വാർത്തയെ തുടർന്ന് ഇൻഡിഗോ ഓഹരികൾ നഷ്ടം നേരിട്ടു.

ആർബിഐയുടെ പുതിയ നടപടികൾ രൂപയ്ക്ക് താല്കാലിക സ്ഥിരത നൽകുന്നുണ്ടെങ്കിലും, ഉയർന്ന പണപ്പെരുപ്പ നിരക്കും കുറഞ്ഞ ജിഡിപി പ്രവചനവും നിക്ഷേപകരെ ആശങ്കപ്പെടുത്തുന്നുണ്ട്. വരും ദിവസങ്ങളിൽ ക്രൂഡ് ഓയിൽ വില, മിഡിൽ ഈസ്റ്റിലെ സംഭവവികാസങ്ങൾ, കാലവർഷത്തിന്റെ പുരോഗതി, വിദേശ നിക്ഷേപകരുടെ നീക്കങ്ങൾ എന്നിവ വിപണിയുടെ ഗതി നിർണ്ണയിക്കും. സാങ്കേതികമായി, നിഫ്റ്റി 23,400 നിലവാരത്തിന് താഴെയാണ്. വരും സെഷനുകളിൽ വിപണിക്ക് ഈ പ്രതിരോധം മറികടന്ന് മുകളിൽ തുടരാൻ കഴിഞ്ഞാൽ മാത്രമേ ഹ്രസ്വകാല ട്രെൻഡിൽ കാര്യമായ പുരോഗതി പ്രതീക്ഷിക്കാൻ സാധിക്കൂ.