80 രൂപയിൽ താഴെയുള്ള ഓഹരിയാണ്; തകർപ്പൻ മുന്നേറ്റം

80 രൂപയിൽ താഴെയുള്ള മൾട്ടിബാഗർ സ്റ്റോക്ക്. ഫെബ്രുവരി 10-ന് ഓഹരി വിലയിൽ 5 ശതമാനം മുന്നേറ്റം. അപ്പർ സർക്യൂട്ടിൽ ലോക്ക് ചെയ്‌ത ഓഹരികൾ നിക്ഷേപകർക്ക് മികച്ച നേട്ടം നൽകിയിട്ടുണ്ട്. 52 ആഴ്ചയിലെ ഏറ്റവും താഴ്ന്ന വില ഒരു ഓഹരിക്ക് 17.26 രൂപയാണ്. 3 വർഷത്തിനുള്ളിൽ 7,000 ശതമാനം വരെ ഉയർന്ന ഓഹരി, താഴ്ന്ന വിലയിൽ നിന്ന് 335 ശതമാനം മൾട്ടിബാഗർ റിട്ടേൺ ഈ ഓഹരി നൽകി.

ചൊവ്വാഴ്ച, എലൈറ്റ്കോൺ ഇന്റർനാഷണൽ ലിമിറ്റഡിന്റെ (ഇഐഎൽ) ഓഹരികൾ 5 ശതമാനം ഉയർന്ന് ഒരു ഓഹരിക്ക് 75.14 രൂപ എന്ന ഇൻട്രാഡേ ഉയർന്ന വിലയിലെത്തി. ഓഹരിയുടെ 52 ആഴ്ചയിലെ ഏറ്റവും ഉയർന്ന വില 422.65 രൂപയാണ്. 52 ആഴ്ചയിലെ ഏറ്റവും താഴ്ന്ന വില ഒരു ഓഹരിക്ക് 17.26 രൂപയും. കമ്പനിയുടെ ഓഹരികൾക്ക് 44 ശതമാനം ആർ‌ഒ‌ഇ ഉണ്ട്.

1987-ൽ സ്ഥാപിച്ച എലൈറ്റ്കോൺ ഇന്റർനാഷണൽ ലിമിറ്റഡ് ആഭ്യന്തര, അന്തർദേശീയ വിപണികളിൽ പുകയില, അനുബന്ധ ഉൽപ്പന്നങ്ങളുടെ നിർമ്മാണത്തിലും വ്യാപാരത്തിലും ഏർപ്പെട്ടിരിക്കുന്ന കമ്പനിയാണ്. കമ്പനിയുടെ ഉൽപ്പന്ന പോർട്ട്‌ഫോളിയോയിൽ പുകയിലെ ഉൽപ്പന്നങ്ങൾ, സിഗരറ്റുകൾ, ഫ്ലേവേർഡ് പുകയില എന്നിവ ഉൾപ്പെടുന്നു. യുഎഇ, സിംഗപ്പൂർ, ഹോങ്കോംഗ്, യുകെ പോലുള്ള യൂറോപ്യൻ രാജ്യങ്ങളിൽ പ്രവർത്തിക്കുന്ന കമ്പനിക്ക് അന്താരാഷ്ട്രതലത്തിൽ ശ്രദ്ധേയമായ സാന്നിധ്യമുണ്ട്. "ഇൻഹേൽ" ബ്രാൻഡിൽ സിഗരറ്റ് ഉൽപ്പന്നങ്ങളും അൽനൂർ ബ്രാൻഡിൽ ഷീഷ ഉൽപ്പന്നങ്ങളും ഗുർ ഗുർ ബ്രാൻഡിൽ പുകവലി മിശ്രിതങ്ങളും കമ്പനി പുറത്തിറക്കുന്നുണ്ട്.

335 ശതമാനം മൾട്ടിബാഗർ റിട്ടേൺ

2026 സാമ്പത്തിക വർഷത്തെ ആദ്യ പാദവുമായി താരതമ്യപ്പെടുത്തുമ്പോൾ 2026 സാമ്പത്തിക വർഷത്തെ രണ്ടാം പാദത്തിൽ കമ്പനിയുടെ അറ്റാദായം 63 ശതമാനം വർദ്ധിച്ചു. 117.20 കോടി രൂപയായാണ് അറ്റാദായം ഉയർന്നത്. അർദ്ധ വാർഷിക ഫലങ്ങൾ അനുസരിച്ച്, ആദ്യ പകുതിയിൽ 2025 സാമ്പത്തിക വർഷവുമായി താരതമ്യം ചെയ്യുമ്പോൾ മൊത്തം ​​വിൽപ്പന 581 ശതമാനം വർദ്ധിച്ചു. 3,735.64 കോടി രൂപയായി മാറി. അറ്റാദായം 195 ശതമാനം വർദ്ധിച്ച് 117.20 കോടി രൂപയായി. കമ്പനി 548.76 കോടി രൂപയുടെ മൊത്തം വിൽപ്പന നേടി. 69. 65 കോടി രൂപയാണ് അറ്റാദായം.

കമ്പനിയുടെ വിപണി മൂല്യം 12,000 കോടി രൂപയിലധികമാണ്. 52 ആഴ്ചയിലെ ഏറ്റവും താഴ്ന്ന നിരക്കായ 17.26 രൂപയിൽ നിന്ന് 335 ശതമാനം മൾട്ടിബാഗർ റിട്ടേൺ നൽകിയിട്ടുള്ള ഓഹരിയാണിത്. 3 വർഷത്തിനുള്ളിൽ 7,000 ശതമാനമാണ് നേട്ടം.