26,300 ലെവൽ ലക്ഷ്യമിട്ട് നിഫ്റ്റി; ബാങ്ക് നിഫ്റ്റി മുന്നേറുമോ? വിപണിയിൽ എന്തൊക്കെ?

ഏഷ്യൻ വിപണികൾ ഇന്ന് സമ്മിശ്ര പ്രതികരണത്തോടെയാണ് തുറന്നത്. കഴിഞ്ഞയാഴ്ചത്തെ ശക്തമായ ആഗോള മുന്നേറ്റത്തിന് ശേഷം വിപണിയിൽ ക്ഷീണത്തിന്റെ ലക്ഷണങ്ങളുണ്ട്. ആഭ്യന്തരമായി, ഇന്ത്യൻ സൂചികകൾ പോസിറ്റീവായാണ് തുടങ്ങിയതെങ്കിലും പ്രധാനമായും സൈഡ്‌വേസ് പ്രകടനം കാഴ്ചവച്ചു. ഇൻട്രാഡേയിലെ ചാഞ്ചാട്ടം നിലനിൽക്കുന്നുണ്ടെങ്കിലും, യുഎസ് ഫെഡ്, ആർബിഐ എന്നിവയുടെ പലിശ നിരക്ക് കുറയ്ക്കൽ പ്രതീക്ഷകളും, മെച്ചപ്പെട്ട ആഗോള റിസ്ക് സാധ്യതയും വിപണിയുടെ മൊത്തത്തിലുള്ള ഘടന ശക്തമായി നിലനിർത്തുന്നു.

നിഫ്റ്റി 50 സാങ്കേതിക വിശകലനം

നിഫ്റ്റി നിലവിൽ 26,200–26,250 എന്ന ലൈഫ്‌ടൈം ഹൈ സോണിനടുത്താണ് വ്യാപാരം ചെയ്യുന്നത്. ഈ നിലവാരങ്ങളിൽ സൂചികയ്ക്ക് പല തവണ പ്രതിരോധം നേരിടേണ്ടി വന്നിട്ടുണ്ട്. നിഫ്റ്റി ഒരു റൈസിംഗ് വെഡ്ജ് പാറ്റേൺ കാണിക്കുന്നു, ഇത് ഉയർന്ന തലങ്ങളിൽ മൊമന്റം കുറയുന്നതിനെ സൂചിപ്പിക്കുന്നു. താഴെ, 25,440-ലാണ് പെട്ടെന്നുള്ള സപ്പോർട്ട് ലെവൽ. അടുത്തുള്ള സപ്പോർട്ട് 24,420-ലെവലിലാണ്. നിഫ്റ്റി 25,440-ന് മുകളിൽ തുടരുന്നിടത്തോളം കാലം വിശാലമായ ട്രെൻഡ് ബുള്ളിഷ് ആയിരിക്കും, എന്നാൽ സർവകാല റെക്കോർഡ് പ്രതിരോധത്തിന് സമീപം സൂചിക കൺസോളിഡേഷനോ കറക്ഷനോ കണ്ടേക്കാം.

ബാങ്ക് നിഫ്റ്റി സാങ്കേതിക വിശകലനം

ബാങ്ക് നിഫ്റ്റി വ്യക്തമായി ആരോഹണ ചാനലിനുള്ളിലാണ് വ്യാപാരം ചെയ്യുന്നത്, ഇത് ശക്തമായ ഹയർ-ഹൈ, ഹയർ-ലോ ഘടന കാണിക്കുന്നു. 59,700–59,800 എന്ന നിലവാരത്തിലുള്ള മുകളിലെ ചാനൽ റെസിസ്റ്റൻസിന് സമീപമാണ് നിലവിൽ വില. ഇത് 0.786 ഫിബൊനാച്ചി റിട്രേസ്‌മെന്റ് സോണായ 58,393-ലെവലുമായി യോജിക്കുന്നു. ഉടനടിയുള്ള സപ്പോർട്ട് 58,680 ലെവലാണ്, തുടർന്ന് 57,345 (Fib 0.618) എന്ന ശക്തമായ സപ്പോർട്ടുണ്ട്. ഇത് അപ്‌ട്രെൻഡ് നിലനിർത്തും, എന്നാൽ മിഡ്-ചാനൽ ലൈനിന് താഴെയുള്ള മൂവ്മൻ്റ് ഒരു ബ്രേക്ക് ഹ്രസ്വകാല തിരുത്തലിന് കാരണമായേക്കാം.

ഇന്ന് എന്തൊക്കെ?

ഗിഫ്റ്റ് നിഫ്റ്റി 26,420 ലെവലുകൾ സൂചിപ്പിക്കുന്നതിനാൽ വിപണി മ്യൂട്ടഡ് രീതിയിലോ നേരിയ പോസിറ്റീവായോ തുറക്കാനാണ് സാധ്യത. ആദ്യ പകുതിയിൽ റേഞ്ച്-ബൗണ്ടായ ചലനം പ്രതീക്ഷിക്കാം. തുടർന്ന് ആഗോള സൂചനകളെയും വിദേശ നിക്ഷേപകരുടെ പ്രവർത്തനത്തെയും അടിസ്ഥാനമാക്കി ദിശാപരമായ നീക്കങ്ങൾ ഉണ്ടായേക്കാം.

26,300-ലെവലിന് മുകളിലുള്ള നീക്കം പുതിയ ലോംഗ് പൊസിഷനുകൾക്ക് കാരണമായേക്കാം.ഇന്ത്യ വിക്സ് കുറയുന്നത് തുടരുന്നതിനാൽ, സ്ഥിരതയുള്ള സെന്റിമെന്റിനെ സൂചിപ്പിച്ചുകൊണ്ട് ചാഞ്ചാട്ടം കുറഞ്ഞ നിലയിൽ തുടരാം.

ഓഹരി പ്രതീക്ഷകൾ (ഇന്നത്തെ ഫോക്കസ് ഏരിയകൾ)

മൊമന്റം തുടരാൻ സാധ്യതയുള്ള ഓഹരികളിൽ ബാങ്കിംഗ് ആൻഡ് ഫിനാൻഷ്യൽസ് (ശക്തമായ ചാർട്ട് ഘടന), ഓട്ടോ (മാസാവസാനത്തെ റീട്ടെയിൽ ട്രാക്ഷൻ), ഓയിൽ & ഗ്യാസ് (ക്രൂഡ് വിലയിലെ സ്ഥിരത), ക്യാപിറ്റൽ ഗുഡ്‌സ് (തുടർച്ചയായ മുന്നേറ്റം) എന്നിവ ഉൾപ്പെടുന്നു. അതേസമയം ഐ.ടി. ഓഹരികളിലും മെറ്റൽ ഓഹരികളിലും ലാഭമെടുപ്പിന് സാധ്യതയുണ്ട്.

ബാങ്കിംഗ് & ഫിനാൻഷ്യൽസ് സൂചികകളിൽ മുന്നേറ്റത്തിന് സാധ്യത. ബാങ്ക് നിഫ്റ്റി ചാനലിന്റെ മുകൾത്തട്ടിനടുത്താണെങ്കിലും ശക്തമായ അപ്‌ട്രെൻഡ് നിലനിർത്തുന്നു. 58,680; 59,800 ലെവൽ മറികടന്നാൽ ബ്രേക്ക്ഔട്ടിന് സാധ്യത.

ക്യാപിറ്റൽ ഗുഡ്‌സ് / ഇൻഫ്രാ ആർ.ബി.ഐ. പോളിസിക്ക് മുന്നോടിയായുള്ള സർക്കാർ മൂലധനച്ചെലവ് പ്രതീക്ഷകൾ ഈ മേഖലയെ പിന്തുണയ്ക്കുന്നു. മെച്ചപ്പെടുന്ന റീട്ടെയിൽ സെന്റിമെൻ്റും ഉത്സവ സീസണിലെ ഡിമാൻഡ് തുടരുന്നതും കാരണം ഓഹരികൾ കരുത്തോടെ തുടരാൻ സാധ്യതയുണ്ട്.

ഓയിൽ & ഗ്യാസ്: സ്ഥിരതയുള്ള ക്രൂഡ് വില ഒ.എം.സി.കളെയും ഊർജ്ജ ഓഹരികളെയും പിന്തുണച്ചേക്കാം.കുറഞ്ഞ ആഗോള വോളിയവും അവധിക്കാലത്തെ യു.എസ്. വ്യാപാരവും കാരണം ഐടി മേഖല റേഞ്ച്-ബൗണ്ടായി തുടരാൻ സാധ്യതയുണ്ട്.ആഗോള കമ്മോഡിറ്റി സൂചനകൾ സമ്മിശ്രമായതിനാൽ മെറ്റൽസ് ഓഹരികളിൽ നിരീക്ഷണം ആവശ്യമാണ്. ഹ്രസ്വകാല കൺസോളിഡേഷന് സാധ്യത.