നിഫ്റ്റി 21,800ലേക്കോ? തകര്‍ച്ചയുടെ വക്കില്‍ രൂപയും: അറിയേണ്ടതെല്ലാം!

തിങ്കളാഴ്ച വിപണി തുറക്കുമ്പോൾ നിക്ഷേപകർ കടുത്ത ജാഗ്രത പാലിക്കണമെന്ന് വിദഗ്ധർ. ആഗോള വിപണിയിലെ അസ്ഥിരതയും യുദ്ധഭീതിയും ഇന്ത്യൻ ഓഹരി വിപണിയെയും രൂപയുടെ മൂല്യത്തെയും ദോഷകരമായി ബാധിക്കാൻ സാധ്യതയുണ്ടെന്നാണ് റിപ്പോർട്ടുകൾ.

പ്രധാന പോയിന്റുകൾ:

നിഫ്റ്റി 21,800-ലേക്ക്

നിഫ്റ്റി 50 നിലവിൽ നിർണ്ണായക ഘട്ടത്തിലാണ്. 22,900 എന്ന സപ്പോർട്ട് ലെവൽ തകർന്നാൽ സൂചിക 21,800 വരെ താഴാൻ സാധ്യതയുണ്ടെന്ന് സെബി രജിസ്റ്റേർഡ് അനലിസ്റ്റ് അനൂജ് ഗുപ്ത മുന്നറിയിപ്പ് നൽകുന്നു.

ക്രൂഡ് ഓയിൽ ഭീഷണി

പശ്ചിമേഷ്യയിലെ എണ്ണ കേന്ദ്രങ്ങൾക്ക് നേരെ ആക്രമണം ഉണ്ടായാൽ അന്താരാഷ്ട്ര വിപണിയിൽ എണ്ണവില ബാരലിന് 150 ഡോളർ വരെ ഉയർന്നേക്കാം. ഇന്ത്യയിൽ MCX നിരക്ക് 11,000 രൂപയിലേക്ക് എത്തിയേക്കാ (നിലവിൽ 8,300 രൂപ)മെന്നാണ് കോട്ടക് സെക്യൂരിറ്റീസിലെ വിദഗ്ധ കയാനത്ത് ചെയിന്‍വാല പറയുന്നത്

രൂപയുടെ തകർച്ച

എണ്ണവില കൂടുന്നത് ഡോളർ പുറത്തേക്കൊഴുകുന്നതിനും പണപ്പെരുപ്പത്തിനും കാരണമാകും. മാർച്ച് 13-ന് ചരിത്രത്തിലെ ഏറ്റവും താഴ്ന്ന നിരക്കായ 92.48-ൽ എത്തിയ രൂപയുടെ മൂല്യം ഇനിയും ഇടിഞ്ഞേക്കാം.

സ്വർണ്ണത്തിന്റെ അവസ്ഥ

സാധാരണ യുദ്ധസമയത്ത് സ്വർണ്ണവില കൂടാറുണ്ടെങ്കിലും, ഇത്തവണ കരുത്താർജ്ജിക്കുന്ന യുഎസ് ഡോളറും ട്രഷറി യീൽഡും സ്വർണ്ണത്തിന്റെ കുതിപ്പിന് തടസ്സമായേക്കാം.