ബംബര്‍ വാരത്തില്‍ 1.80 ലക്ഷം കോടിയുടെ നേട്ടവുമായി ടോപ് 10 ലീഗ്; വമ്പന്‍ നേട്ടം ടിസിഎസിന്

ഇക്വിറ്റികളിലെ മൊത്തത്തിലുള്ള കുതിപ്പിനിടയില്‍, വിപണിയില്‍ ഏറ്റവും മൂല്യമുള്ള 10 കമ്പനികളിൽ ഒമ്പതിന്റെയും സംയുക്ത വിപണി മൂല്യം കഴിഞ്ഞ ആഴ്ച 1,80,788.99 കോടി രൂപ ഉയർന്നു. ടാറ്റ കൺസൾട്ടൻസി സർവീസസ് (ടിസിഎസ്) ഏറ്റവും വലിയ നേട്ടം സ്വന്തമാക്കി.

കഴിഞ്ഞയാഴ്ച ബിഎസ്ഇ ബെഞ്ച്മാർക്ക് 1,239.72 പോയിന്റ് അഥവാ 1.86 ശതമാനം ഉയർന്ന് 67,838.63 എന്ന റെക്കോർഡ് ക്ലോസിംഗിൽ എത്തി. വെള്ളിയാഴ്ച പകൽ സമയത്ത്, അത് 408.23 പോയിന്റ് അല്ലെങ്കിൽ 0.60 ശതമാനം ഉയർന്ന് സര്‍വകാല ഇൻട്രാ-ഡേ ഉയരമായ 67,927.23ല്‍ എത്തി.

ഹിന്ദുസ്ഥാൻ യുണിലിവർ ലിമിറ്റഡ് മാത്രമാണ് ടോപ്-10 പാക്കിൽ പിന്നോക്കം പോയത്. വിജയികളുടെ പട്ടികയിൽ റിലയൻസ് ഇൻഡസ്ട്രീസ് ലിമിറ്റഡ്, ടിസിഎസ്, എച്ച്ഡിഎഫ്സി ബാങ്ക്, ഐസിഐസിഐ ബാങ്ക്, ഇൻഫോസിസ്, ഐടിസി, സ്റ്റേറ്റ് ബാങ്ക് ഓഫ് ഇന്ത്യ, ഭാരതി എയർടെൽ, ബജാജ് ഫിനാൻസ് എന്നിവ ഉൾപ്പെടുന്നു.

ടിസിഎസിന്റെ വിപണി മൂല്യം 57,300.75 കോടി രൂപ ഉയർന്ന് 13,17,203.61 കോടി രൂപയായി. എച്ച്‌ഡിഎഫ്‌സി ബാങ്ക് 28,974.82 കോടി രൂപ കൂട്ടിച്ചേര്‍ത്തു, വിപണി മൂല്യം 12,58,989.87 കോടി രൂപയായി. ഭാരതി എയർടെല്ലിന്റെ മൂല്യം 28,354.73 കോടി രൂപ ഉയർന്ന് 5,23,723.56 കോടി രൂപയായും ഇൻഫോസിസിന്റെ മൂല്യം 17,680.53 കോടി രൂപ ഉയര്‍ന്ന് 6,27,637.87 കോടി രൂപയായും മാറി.

ഐസിഐസിഐ ബാങ്കിന്റെ മൂല്യം 15,364.55 കോടി രൂപ ഉയർന്ന് 6,94,844.51 കോടി രൂപയിലെത്തി. സ്റ്റേറ്റ് ബാങ്ക് ഓഫ് ഇന്ത്യയുടെ മൂല്യം 13,342.3 കോടി രൂപ ഉയർന്ന് 5,34,048.78 കോടി രൂപയായപ്പോള്‍ റിലയൻസ് ഇൻഡസ്ട്രീസ് 7,442.79 കോടി രൂപ ഉയർന്ന് 16,64,377.02 കോടി രൂപയിലെത്തി. ഐടിസിയുടെ മൂല്യം 7,232.74 കോടി രൂപ ഉയർന്ന് 5,59,165.44 കോടി രൂപയിലെത്തി.ബജാജ് ഫിനാൻസ് അതിന്റെ മൂല്യത്തിൽ 5,095.78 കോടി രൂപ കൂട്ടിച്ചേർത്തു, വിപണിമൂല്യെ 4,54,039.37 കോടി രൂപയായി.

എന്നാൽ, ഹിന്ദുസ്ഥാൻ യുണിലിവറിന്റെ വിപണി മൂല്യം 10,514.42 കോടി രൂപ കുറഞ്ഞ് 5,80,325.55 കോടി രൂപയായി.

ആദ്യ 10 സ്ഥാപനങ്ങളുടെ റാങ്കിംഗിൽ, റിലയൻസ് ഇൻഡസ്ട്രീസ് ഏറ്റവും മൂല്യമുള്ള കമ്പനി എന്ന പദവി നിലനിർത്തി, ടിസിഎസ്, എച്ച്ഡിഎഫ്‌സി ബാങ്ക്, ഐസിഐസിഐ ബാങ്ക്, ഇൻഫോസിസ്, ഹിന്ദുസ്ഥാൻ യുണിലിവർ, ഐടിസി, സ്റ്റേറ്റ് ബാങ്ക് ഓഫ് ഇന്ത്യ, ഭാരതി എയർടെൽ, ബജാജ് ഫിനാൻസ് എന്നിവ യഥാക്രമം പിന്നീടുള്ള സ്ഥാനങ്ങളില്‍ വരുന്നു.