റാലി തുടരാൻ സാധ്യത, വിപണി തുറക്കും മുമ്പ് അറിയേണ്ടതെല്ലാം

ഇന്ത്യൻ ഓഹരി സൂചികകളായ സെൻസെക്സും നിഫ്റ്റിയും ഇന്ന് (വെള്ളിയാഴ്ച) ഉയ‌ർന്ന് തുറക്കുമെന്ന് പ്രതീക്ഷിക്കുന്നു. ​ഗിഫ്റ്റ് നിഫ്റ്റിയിലെ ട്രെൻഡുകൾ 87 പോയിൻ്റ് അല്ലെങ്കിൽ 0.39 ശതമാനം നേട്ടത്തോടെ ഇന്ത്യൻ ഓഹരി വിപണിയുടെ നല്ല തുടക്കത്തെ സൂചിപ്പിക്കുന്നു. നിഫ്റ്റി ഫ്യൂച്ചറുകൾ 22657.5 ലെവലിലാണ് വ്യാപാരം നടക്കുന്നത്.

ഒരു ഗ്യാപ്പ് ഡൗൺ ഓപ്പണിംഗ് ഉണ്ടായിരുന്നിട്ടും, ഇന്നലെ ഇന്ത്യൻ ഓഹരി വിപണി ശക്തമായ കുതിപ്പിന് സാക്ഷ്യം വഹിച്ചു. തുടർച്ചയായ അഞ്ചാം ദിവസവും മികച്ച നേട്ടത്തിൽ ക്ലോസ് ചെയ്തു. നിഫ്റ്റി 50 സൂചിക 167 പോയിൻ്റ് ഉയർന്ന് 22,570 ലെവലിൽ ക്ലോസ് ചെയ്തു. ബിഎസ്ഇ സെൻസെക്‌സ് 486 പോയിൻ്റ് ഉയർന്ന് 74,399 ലും ബാങ്ക് നിഫ്റ്റി സൂചിക 305 പോയിൻ്റ് ഉയർന്ന് 48,494 ലെവലിലും ക്ലോസ് ചെയ്തു. വിശാലമായ വിപണിയിൽ, സ്മോൾ ക്യാപ് സൂചിക നിഫ്റ്റി 50 സൂചികയെ മറികടന്നു.

ഏഷ്യൻ വിപണികൾ

വ്യാഴാഴ്ച വാൾസ്ട്രീറ്റിൽ ഇടിവുണ്ടായതിനെ തുടർന്ന് ഏഷ്യയിലെ ഓഹരി വിപണികൾ സമ്മിശ്രമായി തുറന്നു. വെള്ളിയാഴ്ചത്തെ ഓപ്പണിംഗ് ട്രേഡിംഗിൽ, ദക്ഷിണ കൊറിയൻ ഓഹരികൾ ഉയർന്നപ്പോൾ ജാപ്പനീസ് ഓഹരികൾ സമ്മിശ്രമായിയിരുന്നു.

ഹാങ് സെങ് സൂചിക 51.66 പോയിൻ്റ് അഥവാ 0.30 ശതമാനം ഉയർന്ന് 17,336.20 ആയി. ചൈനയുടെ രണ്ടാമത്തെ എക്‌സ്‌ചേഞ്ചിലെ ഷെൻഷെൻ കോമ്പോസിറ്റ് സൂചിക 0.13% അഥവാ 2.24 പോയിൻ്റ് കുറഞ്ഞ് 1,696.09 ൽ എത്തിയപ്പോൾ, ഷാങ്ഹായ് കോമ്പോസിറ്റ് സൂചിക 0.07% അല്ലെങ്കിൽ 2.08 പോയിൻ്റ് ഉയർന്ന് 3,054.98 ആയി.

വാൾ സ്ട്രീറ്റ്

ഫേസ്ബുക്കിൻ്റെയും ഇൻസ്റ്റാഗ്രാമിൻ്റെയും ഉടമയായ മെറ്റയിൽ നിന്നുള്ള നിരാശാജനകമായ പ്രവചനങ്ങളാൽ ടെക് വ്യവസായം ഇടിഞ്ഞതിനാൽ യുഎസ് ഓഹരികൾ വ്യാഴാഴ്ച മൂന്ന് ദിവസത്തെ റാലി അവസാനിപ്പിച്ചു. യുഎസ് ജിഡിപി ഡാറ്റയും മെറ്റയുടെ ഇടിവും ഓഹരികളെ ബാധിച്ചു.

എസ് ആൻ്റ് പി 23.21 പോയിൻറ് അഥവാ 0.46 ശതമാനം ഇടിഞ്ഞ് 5,048.42 എന്ന നിലയിലും നാസ്ഡാക്ക് കോമ്പോസിറ്റ് 100.99 പോയിൻറ് അഥവാ 0.64 ശതമാനം നഷ്ടപ്പെട്ട് 15,611.76 എന്ന നിലയിലും, ഡൗ ജോൺസ് ഇൻഡസ്ട്രിയൽ ആവറേജ് 370,50,128,180,128,500 എന്ന നിലയിലും താഴ്ന്നു.

ആൽഫബെറ്റും മൈക്രോസോഫ്റ്റും വാൾസ്ട്രീറ്റ് പ്രതീക്ഷകൾക്കപ്പുറമുള്ള ത്രൈമാസ വരുമാനം റിപ്പോർട്ട് ചെയ്തതിന് ശേഷമുള്ള ട്രേഡിംഗിൽ അവരുടെ ഓഹരികൾ ഉയർന്നു. എന്നിരുന്നാലും, ഇൻ്റൽ ഓഹരികൾ 8% ഇടിഞ്ഞു.

സ്വർണ്ണ വില

സാമ്പത്തിക ഡാറ്റ സ്ഥിരമായ പണപ്പെരുപ്പത്തിൻ്റെ ലക്ഷണങ്ങൾ പ്രകടിപ്പിച്ചതോടെ യുഎസ് ട്രഷറി ആദായം ഉയർന്നു. ഫെഡറൽ റിസർവ് പലിശനിരക്ക് കുറയ്ക്കുമെന്ന പ്രതീക്ഷകൾ നഷ്ടമായതിനെ തുടർന്ന് വ്യാഴാഴ്ച സ്വർണ്ണ വില കുറഞ്ഞു

എണ്ണ വില

മിഡിൽ ഈസ്റ്റിൽ സംഘർഷം തുടരുന്ന സാഹചര്യത്തിൽ, വെള്ളിയാഴ്ച ആദ്യ വ്യാപാരത്തിൽ എണ്ണ വില ഉയർന്നു.ബ്രെൻ്റ് ക്രൂഡ് ഫ്യൂച്ചറുകൾ 34 സെൻ്റ് അഥവാ 0.38 ശതമാനം ഉയർന്ന് ബാരലിന് 89.35 ഡോളറായും യുഎസ് വെസ്റ്റ് ടെക്സസ് ഇൻ്റർമീഡിയറ്റ് ക്രൂഡ് ഫ്യൂച്ചറുകൾ 33 സെൻ്റ് അഥവാ 0.39 ശതമാനം ഉയർന്ന് ബാരലിന് 83.90 ഡോളറായി.

വിദേശ സ്ഥാപന നിക്ഷേപകർ

വിദേശ സ്ഥാപന നിക്ഷേപകർ (എഫ്ഐഐകൾ) 2,823.33 കോടി രൂപയുടെ ഓഹരികൾ വിറ്റപ്പോൾ ആഭ്യന്തര സ്ഥാപന നിക്ഷേപകർ (ഡിഐഐകൾ) ഏപ്രിൽ 25ന് 6,167.56 കോടി രൂപ വിറ്റഴിച്ചുവെന്ന് എൻഎസ്ഇയിൽ നിന്നുള്ള കണക്കുകൾ വ്യക്തമാക്കുന്നു.

പിന്തുണയും പ്രതിരോധവും

നിഫ്റ്റി

പിവറ്റ് പോയിൻ്റ് കാൽക്കുലേറ്റർ സൂചിപ്പിക്കുന്നത് നിഫ്റ്റി 50 ന് 22,623 ലെവലിൽ പ്രതിരോധം നേരിടേണ്ടിവരുമെന്നാണ്. തുടർന്ന് 22,699, 22,821 ലെവലുകളിലും പ്രതിരോധമുണ്ടാകും. താഴ്ന്ന ഭാഗത്ത്, സൂചിക 22,378 ലെവലിൽ പിന്തുണ എടുത്തേക്കാം. തുടർന്ന് 22,302, 22,180 ലെവലുകളിലും പിന്തുണ എടുത്തേക്കാം.

ബാങ്ക് നിഫ്റ്റി

പിവറ്റ് പോയിൻ്റ് കാൽക്കുലേറ്റർ അനുസരിച്ച്, ബാങ്ക് നിഫ്റ്റി സൂചിക 48,625 ലും തുടർന്ന് 48,൮൩൫, 49,174 ലും പ്രതിരോധം കണ്ടേക്കാം. താഴത്തെ ഭാഗത്ത്, പിന്തുണ 47,947, 47,737, 47,398 എന്നിങ്ങനെയാണ്.

ഇന്നും നാളെയും ഫല പ്രഖ്യാപനം നടത്തുന്ന കമ്പനികൾ

മാരുതി സുസുക്കി ഇന്ത്യ, എച്ച്സിഎൽ ടെക്നോളജീസ്, ആദിത്യ ബിർള സൺ ലൈഫ് എഎംസി, ബജാജ് ഫിൻസെർവ്, എസ്ബിഐ ലൈഫ് ഇൻഷുറൻസ് കമ്പനി, ശ്രീറാം ഫിനാൻസ്, ബജാജ് ഹോൾഡിംഗ്സ് ആന്റ് ഇൻവെസ്റ്റ്മെൻ്റ്, സിഎസ്ബി ബാങ്ക്, എവറെഡി ഇൻഡസ്ട്രീസ് ഇന്ത്യ, ഫോഴ്സ് മോട്ടോഴ്സ്, ഇന്ത്യബുൾസ് റിയൽ എസ്റ്റേറ്റ്, ബാങ്ക് ഓഫ് മഹാരാഷ്ട്ര, മോട്ടിൽ, മോട്ടിൽ ഓസ്വാൾ ഫിനാൻഷ്യൽ സർവീസസ്, എസ്ബിഐ കാർഡ്സ് എന്നീ കമ്പനികൾ അവരുടെ മാർച്ച് പാദത്തിലെ വരുമാനം ഏപ്രിൽ 26-ന് പുറത്തിറക്കും.

ഐസിഐസിഐ ബാങ്ക്, യെസ് ബാങ്ക്, എൽ ആൻഡ് ടി ഫിനാൻസ്, ആർബിഎൽ ബാങ്ക്, ക്രാഫ്റ്റ്‌സ്മാൻ ഓട്ടോമേഷൻ, ജയ്പ്രകാശ് പവർ വെഞ്ച്വേഴ്‌സ്, സാംഘ്വി ഇൻഡസ്ട്രീസ്, എസ്ബിഎഫ്‌സി ഫിനാൻസ്, ശേഷസായി പേപ്പർ ആൻഡ് ബോർഡ്സ്, സ്‌പോർട്ടിംഗ് ഇന്ത്യ, ട്രൈഡൻ്റ് ലൈഫ്‌ലൈൻ എന്നിവയുടെ ത്രൈമാസ വരുമാനം ഏപ്രിൽ 27ന് പ്രഖ്യാപിക്കും.

ഇന്ന് ശ്രദ്ധിക്കേണ്ട ഓഹരികൾ

ടെക് മഹീന്ദ്ര: ആഗോള ഐടി സേവന കമ്പനി 24 സാമ്പത്തിക വർഷത്തിൽ അവസാനിച്ച പാദത്തിൽ 661 കോടി രൂപയുടെ ഏകീകൃത അറ്റാദായം രേഖപ്പെടുത്തി. മുൻ പാദത്തെ അപേക്ഷിച്ച് 29.5 ശതമാനം ഉയർച്ച. പ്രവർത്തനങ്ങളിൽ നിന്നുള്ള വരുമാനം തുടർച്ചയായി 1.8 ശതമാനം ഇടിഞ്ഞ് 12,871.3 കോടി രൂപയായി.

ബജാജ് ഫിനാൻസ്: മുൻനിര ബാങ്കിംഗ് ഇതര ഫിനാൻസ് കമ്പനി മാർച്ച് 2024 പാദത്തിൽ 3,825 കോടി രൂപയുടെ അറ്റാദായം റിപ്പോർട്ട് ചെയ്തു, കഴിഞ്ഞ സാമ്പത്തിക വർഷത്തെ ഇതേ കാലയളവിൽ 21 ശതമാനം വളർച്ച നേടി. അറ്റ പലിശ വരുമാനം വർഷാവർഷം 28 ശതമാനം വർധിച്ച് 8,013 കോടി രൂപയായി.

ഇൻഡസ്ഇൻഡ് ബാങ്ക്: മാർച്ചിൽ അവസാനിച്ച പാദത്തിൽ മൊത്തത്തിലുള്ള അറ്റാദായം 15 ശതമാനം വർധിച്ച് 2,347 കോടി രൂപയായി. അറ്റ പലിശ വരുമാനം വർഷാവർഷം 15.1 ശതമാനം വർധിച്ച് 5,376.44 കോടി രൂപയായി.

എൽ ആൻഡ് ടി ടെക്നോളജി സർവീസസ്: എഞ്ചിനീയറിംഗ് സേവന കമ്പനിയുടെ അറ്റാദായം 2024 ജനുവരി-മാർച്ച് പാദത്തിൽ 1.4 ശതമാനം ഉയർന്ന് 341.4 കോടി രൂപയായി രേഖപ്പെടുത്തി. പ്രവർത്തനങ്ങളിൽ നിന്നുള്ള വരുമാനം തുടർച്ചയായി 4.8 ശതമാനം വർധിച്ച് 2,537.5 കോടി രൂപയായി.

സൈയൻ്റ്: എഞ്ചിനീയറിംഗ് ആൻഡ് ടെക്‌നോളജി സൊല്യൂഷൻസ് കമ്പനി 24 സാമ്പത്തിക വർഷത്തിൽ അവസാനിച്ച പാദത്തിൽ 196.9 കോടി രൂപയുടെ ഏകീകൃത അറ്റാദായം റിപ്പോർട്ട് ചെയ്തു. മുൻ പാദത്തെ അപേക്ഷിച്ച് 28.5 ശതമാനം വളർച്ച നേടി. 24 സാമ്പത്തിക വർഷത്തിലെ 50.3 കോടി രൂപയുടെ അസാധാരണമായ നഷ്ടം ലാഭത്തെ ബാധിച്ചു. പ്രവർത്തനങ്ങളിൽ നിന്നുള്ള വരുമാനം ക്വാർട്ടറിൽ 2.2 ശതമാനം വർധിച്ച് 1,860.8 കോടി രൂപയായി.