ടോപ് ടെന്നില്‍ ഏഴ്കമ്പനികള്‍ കുതിച്ചു; ഏറ്റവും കൂടുതല്‍ നേട്ടം റിലയന്‍സിന്

കഴിഞ്ഞ ആഴ്ചയില്‍ ടോപ് ടെന്നിലെ ഏഴ് കമ്പനികളുടെ സംയോജിത വിപണിമൂല്യം 2.31 ലക്ഷം കോടിരൂപ വര്‍ധിച്ചു.റിലയന്‍സ് ഇന്‍ഡസ്ട്രീസ് ഏറ്റവും കൂടുതല്‍ നേട്ടമുണ്ടാക്കിയ കമ്പനിയായി ഉയര്‍ന്നു.

റിലയന്‍സ് ഇന്‍ഡസ്ട്രീസ്, എച്ച്ഡിഎഫ്സി ബാങ്ക്, ഭാരതി എയര്‍ടെല്‍, ഐസിഐസിഐ ബാങ്ക്, സ്റ്റേറ്റ് ബാങ്ക് ഓഫ് ഇന്ത്യ, ഇന്‍ഫോസിസ്, ഐടിസി എന്നിവ നേട്ടമുണ്ടാക്കി. എന്നാല്‍ ടാറ്റ കണ്‍സള്‍ട്ടന്‍സി സര്‍വീസസ്, ബജാജ് ഫിനാന്‍സ്, ഹിന്ദുസ്ഥാന്‍ യൂണിലിവര്‍ എന്നിവ നഷ്ടം നേരിട്ടു.

റിലയന്‍സ് ഇന്‍ഡസ്ട്രീസിന്റെ വിപണി മൂല്യം 1,64,959.62 കോടി രൂപ ഉയര്‍ന്ന് 19,24,235.76 കോടി രൂപയിലെത്തി. ഭാരതി എയര്‍ടെല്ലിന്റെ മൂല്യം 20,755.67 കോടി രൂപ ഉയര്‍ന്ന് 10,56,029.91 കോടി രൂപയിലുമെത്തി. ഐസിഐസിഐ ബാങ്കിന്റെ മൂല്യം 19,381.9 കോടി രൂപ ഉയര്‍ന്ന് 10,20,200.69 കോടി രൂപയാകുകയും ചെയ്തു.

എച്ച്ഡിഎഫ്സി ബാങ്കിന്റെ വിപണി മൂലധനം (എംക്യാപ് ) 11,514.78 കോടി രൂപ ഉയര്‍ന്ന് 14,73,356.95 കോടി രൂപയിലെത്തി. ഇന്‍ഫോസിസിന്റെ വിപണി മൂല്യം 10,902.31 കോടി രൂപ ഉയര്‍ന്ന് 6,25,668.37 കോടി രൂപയായി.

ഐടിസിയുടെ വിപണി മൂലധനം 2,502.82 കോടി രൂപ ഉയര്‍ന്ന് 5,38,294.86 കോടി രൂപയിലെത്തി. സ്റ്റേറ്റ് ബാങ്ക് ഓഫ് ഇന്ത്യയുടെ വിപണി മൂലധനം 1,160.2 കോടി രൂപ ഉയര്‍ന്ന് 7,14,014.23 കോടി രൂപയായി.

അതേസമയം ബജാജ് ഫിനാന്‍സിന്റെ വിപണി മൂല്യം 15,470.5 കോടി രൂപ ഇടിഞ്ഞ് 5,50,726.80 കോടി രൂപയായി. ഹിന്ദുസ്ഥാന്‍ യൂണിലിവറിന്റെ വിപണി മൂല്യം 1,985.41 കോടി രൂപ ഇടിഞ്ഞ് 5,45,845.29 കോടി രൂപയിലും ടാറ്റ കണ്‍സള്‍ട്ടന്‍സി സര്‍വീസസിന്റെ (ടിസിഎസ്) വിപണി മൂല്യം 1,284.42 കോടി രൂപ ഇടിഞ്ഞ് 12,45,996.98 കോടി രൂപയിലുമെത്തി.

റിലയന്‍സ് ഇന്‍ഡസ്ട്രീസ് ഏറ്റവും മൂല്യമുള്ള കമ്പനിയായി തുടര്‍ന്നു, തൊട്ടുപിന്നില്‍ എച്ച്ഡിഎഫ്‌സി ബാങ്ക്, ടിസിഎസ്, ഭാരതി എയര്‍ടെല്‍, ഐസിഐസിഐ ബാങ്ക്, സ്റ്റേറ്റ് ബാങ്ക് ഓഫ് ഇന്ത്യ, ഇന്‍ഫോസിസ്, ബജാജ് ഫിനാന്‍സ്, ഹിന്ദുസ്ഥാന്‍ യൂണിലിവര്‍, ഐടിസി എന്നിവയുണ്ട്.