സംഹി ഹോട്ടൽസ് ലിസ്റ്റിംഗ് 6.35% പ്രീമിയത്തില്‍

ഇന്ത്യയിലെ പ്രമുഖ ഹോട്ടൽ ബ്രാൻഡുകളുടെ ഉടമകളും അസറ്റ് മാനേജ്മെന്‍റ് പ്ലാറ്റ്ഫോമുമായ സംഹി ഹോട്ടൽസ് പ്രീമിയത്തില്‍ ലിസ്റ്റ് ചെയ്തപ്പോള്‍ സാഗിള്‍ പ്രീ പെയ്ഡ് ഓഷ്യന്‍ ഇഷ്യുവിലയില്‍ത്തന്നെയാണ് വ്യാപാരം തുടങ്ങിയത്.

സംഹി ഹോട്ടൽസ്

സംഹി ഹോട്ടൽസ്ഇഷ്യൂ വിലയായിരുന്ന 126 രൂപയിൽ നിന്ന് 6.35 ശതമാനം പ്രീമിയത്തോടെ 136.50 രൂപയിലാണ് ലിസ്റ്റ് ചെയ്തത്. കമ്പനി ഇഷ്യൂ വഴി 1,370.10 കോടി രൂപ സമാഹരിച്ചു.

ജ്യത്ത് ഏറ്റവും കൂടുതല്‍ ഹോട്ടല്‍ മുറികളുള്ള (ഉടമസ്ഥതയിലുള്ളതും പാട്ടത്തിനെടുത്തതും) മൂന്നാമത്തെ പ്ലാറ്റ്‌ഫോമാണ് സംഹി ഹോട്ടൽസ്. ഹയാത്ത് റീജൻസി (പൂനെ, മാരിയറ്റ് (ബെംഗളൂരു ) തുടങ്ങിയവ കമ്പനിയുടെ അസറ്റ് മാനേജ്മെന്റിൽപ്പെടുന്നവയാണ്. നിക്ഷേേപക സ്ഥാപനങ്ങളാണ് സംഹി ഹോട്ടലിന്‍റെ ഓഹരിയുടമകള്‍. 2010 -ല്‍ ആരംഭിച്ച ഹോട്ടലിന്‍റെ ഓഹരിയുടമകളില്‍ സാം സെലിന്‍റെ നേതൃത്വത്തിലുള്ള ഇക്വിറ്റി ഇന്‍റർനാഷണല്‍, ജി ടി ഐ കാപ്പിറ്റല്‍, ഇന്‍റർനാഷണല്‍ ഫിനാന്‍സ് കോർപറേഷന്‍ തുടങ്ങിയവർ ഓഹരിയുടമകളാണ്

ബെംഗളൂരു, കർണാടക, ഹൈദരാബാദ്, തെലങ്കാന, പൂനെ, മഹാരാഷ്ട്ര, ചെന്നൈ, തമിഴ്നാട് ഉൾപ്പെടെ, ഇന്ത്യയിലെ 14 പ്രധാന നഗരങ്ങളിലായി 31 ഹോട്ടലുകളിലായി സംഹി ഹോട്ടലുകൾക്ക് 4,801 മുറികളാണുള്ളത്. ഗുജറാത്തിലെ അഹമ്മദാബാദിലും കൊൽക്കത്തയിലും 461 മുറികളുള്ള 2 ഹോട്ടലുകളുടെ നിര്‍മാണത്തിലാണ് കമ്പനി.

സാഗിൾ പ്രീപെയ്ഡ് ഓഷ്യൻ സർവീസസ്

നൂതനവുമായ വർക്ക്ഫ്ലോകളിലൂടെ കോർപ്പറേറ്റ് ബിസിനസ് ചെലവുകൾ നിയന്ത്രിക്കുന്നതിന് സാമ്പത്തിക, സാങ്കേതിക (ഫിൻടെക്) ഉൽപ്പന്നങ്ങളും സേവനങ്ങളും ലഭ്യമാക്കുന്ന സാഗിൾ പ്രീപെയ്ഡ് ഓഷ്യൻ സർവീസസ് ഓഹരികൾ ഇഷ്യൂ വിലയായ 164 രൂപയിൽ തന്നെയാണ് ലിസ്റ്റ് ചെയ്തത്.

ഇഷ്യൂവിലൂടെ 563.38 കോടി രൂപ സമാഹരിച്ചു. ഉപഭോക്തൃ ഏറ്റെടുക്കൽ, മറ്റു ചെലവുകൾ, ഉൽപ്പന്ന, സാങ്കേതിക വികസന ചെലവുകൾ, പൊതു കോർപ്പറേറ്റ് ചെലവുകൾ, കമ്പനി എടുത്ത ചില വായ്പകളുടെ തിരിച്ചടവ് എന്നിവയ്ക്കായി ഓഫറിൽ നിന്നുള്ള തുക ഉപയോഗിക്കും.

ബാങ്കിംഗ്, ഫിനാൻസ്, ടെക്നോളജി, ഹെൽത്ത് കെയർ, മാനുഫാക്ചറിംഗ്, എഫ്എംസിജി, ഇൻഫ്രാസ്ട്രക്ചർ, ഓട്ടോമൊബൈൽ ഇൻഡസ്ട്രീസ് എന്നീ മേഖലകളിൽ പ്രവർത്തിക്കുന്ന കോർപ്പറേറ്റുകൾക്ക് ഫിൻടെക്, സാസ് ഉൽപ്പന്നങ്ങളും സേവനങ്ങളും കമ്പനി വാഗ്ദാനം ചെയ്യുന്നു. ബിസിനസ്സ് ചിലവ് മാനേജ്‌മെന്റ് (ചെലവ് മാനേജ്‌മെന്റും വെണ്ടർ മാനേജ്‌മെന്റും ഉൾപ്പെടെ), ജീവനക്കാർക്കും ചാനൽ പങ്കാളികൾക്കുമുള്ള റിവാർഡുകളും ഇൻസെന്റീവ് മാനേജ്മെന്‍റ് , വ്യാപാരികൾക്കുള്ള ഗിഫ്റ്റ് കാർഡ് മാനേജ്‌മെന്റ്, കസ്റ്റമർ എൻഗേജ്‌മെന്റ് മാനേജ്‌മെന്റ് സിസ്റ്റം തുടങ്ങിയവ കമ്പനി സാസ് പ്ലാറ്റ്‌ഫോമില്‍ രൂപകൽപ്പന ചെയ്‌തിരിക്കുന്നു: