ട്രംപിന് തിരിച്ചടി, താരിഫ് തടഞ്ഞ് കോടതി, വിപണികളിൽ ആവേശ കുതിപ്പ്

ആഗോള വിപണിയിലെ മികച്ച സൂചനകളെ തുടർന്ന് ആഭ്യന്തര ഓഹരി വിപണി സൂചികകളായ സെൻസെക്സും നിഫ്റ്റിയും വ്യാഴാഴ്ച ഉയർന്ന നിലയിൽ തുറക്കുമെന്ന് പ്രതീക്ഷിക്കുന്നു. ഗിഫ്റ്റ് നിഫ്റ്റി നേട്ടത്തോടെ തുറന്നു. ഏഷ്യൻ വിപണികൾ പോസിറ്റീവാണ്. വാൾ സ്ട്രീറ്റ് ഇടിഞ്ഞു. യുഎസ് പ്രസിഡന്റ് ഡൊണാൾഡ് ട്രംപിൻറെ താരിഫുകൾ യുഎസ് ഫെഡറൽ കോടതി തടഞ്ഞതിനെത്തുടർന്ന് യുഎസ് സ്റ്റോക്ക് ഫ്യൂച്ചറുകൾ നേട്ടമുണ്ടാക്കി.

ഗിഫ്റ്റ് നിഫ്റ്റി

ഗിഫ്റ്റ് നിഫ്റ്റി 24,813 ലെവലിൽ വ്യാപാരം നടത്തുന്നു. നിഫ്റ്റി ഫ്യൂച്ചേഴ്‌സിന്റെ മുൻ ക്ലോസിനേക്കാൾ ഏകദേശം 50 പോയിന്റിന്റെ പ്രീമിയം. ഇത് ഇന്ത്യൻ ഓഹരി വിപണി സൂചികകൾക്ക് ഒരു നല്ല തുടക്കത്തെ സൂചിപ്പിക്കുന്നു.

ഏഷ്യൻ വിപണികൾ

വ്യാഴാഴ്ച ഏഷ്യൻ വിപണികൾ ഉയർന്ന നിലയിൽ വ്യാപാരം നടത്തുന്നു. ജപ്പാനിലെ നിക്കി 1.18% ഉം ടോപിക്സ് 0.79% ഉം ഉയർന്നു. ദക്ഷിണ കൊറിയയുടെ കോസ്പി 0.78% ഉം കോസ്ഡാക്ക് 0.44% ഉം ഉയർന്നു. ഹോങ്കോംഗ് വിപണികളുടെ ഫ്യൂച്ചറുകൾ ഫ്ലാറ്റ് ഓപ്പണിംഗിനെ സൂചിപ്പിക്കുന്നു.

വാൾസ്ട്രീറ്റ്

ബുധനാഴ്ച യുഎസ് സ്റ്റോക്ക് മാർക്കറ്റ് താഴ്ന്ന നിലയിൽ വ്യാപാരം അവസാനിച്ചു. എന്നിരുന്നാലും, വ്യാഴാഴ്ച യുഎസ് സ്റ്റോക്ക് ഫ്യൂച്ചറുകൾ കുതിച്ചുയർന്നു. ബുധനാഴ്ച, ഡൗ ജോൺസ് ഇൻഡസ്ട്രിയൽ ആവറേജ് 244.95 പോയിന്റ് അഥവാ 0.58% കുറഞ്ഞ് 42,098.70 ലെത്തി. എസ് ആൻറ് പി 32.99 പോയിന്റ് അഥവാ 0.56% കുറഞ്ഞ് 5,888.55 ലെത്തി. നാസ്ഡാക്ക് കോമ്പോസിറ്റ് 98.23 പോയിന്റ് അഥവാ 0.51% കുറഞ്ഞ് 19,100.94 ലെത്തി.

എൻവിഡിയ ഓഹരി വില 0.51% കുറഞ്ഞു, പക്ഷേ ക്ലോസിംഗ് ബെല്ലിന് ശേഷം ചിപ്പ് നിർമ്മാതാവിന്റെ ഓഹരികൾ 5% ഉയർന്നു. ടെസ്‌ല ഓഹരി വില 1.65% ഇടിഞ്ഞു. കാഡൻസ് ഡിസൈൻ സിസ്റ്റംസ് ഓഹരികൾ 10.7% ഇടിഞ്ഞു, സിനോപ്സിസ് ഓഹരികൾ 9.64% ഇടിഞ്ഞു.

യുഎസ് അവധി വ്യാപാരം

പ്രസിഡന്റ് ഡൊണാൾഡ് ട്രംപിന്റെ ആഗോള താരിഫ് ഏർപ്പെടുത്തൽ 'നിയമവിരുദ്ധം' എന്ന് യുഎസ് ട്രേഡ് കോടതി പ്രഖ്യാപിക്കുകയും തുടർന്ന് അത് തടയുകയും ചെയ്തതിനെത്തുടർന്ന്, വാൾസ്ട്രീറ്റിലെ ഫ്യൂച്ചറുകൾ കുത്തനെ ഉയർന്നു. ഡൗ ഫ്യൂച്ചറുകൾ 470 പോയിന്റ് ഉയർന്നു. എസ് ആൻറ് പി 500 ഉം നാസ്ഡാക് ഫ്യൂച്ചറുകളും യഥാക്രമം 85 പോയിന്റും 350 പോയിന്റും ഉയർന്നു. എൻവിഡിയയുടെ ഫലങ്ങളിൽ നിന്നും ഫ്യൂച്ചറുകൾക്ക് ഉത്തേജനം ലഭിച്ചു, അത് കഴിഞ്ഞ പാദത്തിലെ പ്രതീക്ഷകളെ മറികടന്നു.

ഇന്ത്യൻ വിപണി

ഇന്ത്യൻ ഓഹരി വിപണി ഇന്നലെ നഷ്ടത്തിൽ വ്യാപാരം അവസാനിപ്പിച്ചു. സെൻസെക്സ് 624.82 പോയിന്റ് അഥവാ 0.76 ശതമാനം ഇടിഞ്ഞ് 81,551.63 ൽ ക്ലോസ് ചെയ്തു. നിഫ്റ്റി 174.95 പോയിന്റ് അഥവാ 0.70 ശതമാനം ഇടിഞ്ഞ് 24,826.20 ലെത്തി. ബാങ്കിംഗ്, ഐടി, ഓട്ടോ ഓഹരികളിലെ ലാഭമെടുപ്പാണ് വിപണി ഇടിയാൻ കാരണമായത്. സെൻസെക്സ് ഓഹരികളിൽ ഇൻഡസ്ഇൻഡ് ബാങ്ക്, സൺ ഫാർമ, അദാനി പോർട്ട്‌സ്, നെസ്‌ലെ, ഏഷ്യൻ പെയിന്റ്‌സ് എന്നിവയാണ് ഇന്ന് നേട്ടമുണ്ടാക്കിയത്. അതേസമയം അൾട്രാടെക് സിമൻറ് 2.21 ശതമാനവും ഐടിസി 2.01 ശതമാനവും ഇടിഞ്ഞു. ടാറ്റ മോട്ടോഴ്‌സ്, എൻ‌ടി‌പി‌സി, ആക്സിസ് ബാങ്ക്, എച്ച്‌സി‌എൽ ടെക്, മഹീന്ദ്ര ആൻഡ് മഹീന്ദ്ര, എച്ച്‌ഡി‌എഫ്‌സി ബാങ്ക്, ഐ‌സി‌ഐ‌സി‌ഐ ബാങ്ക്, എറ്റേണൽ എന്നിവയും ഇടിവ് നേരിട്ടു. സെക്ടര്‍ സൂചികയിൽ നിഫ്റ്റി എഫ്എംസിജിയാണ് ഏറ്റവും പിന്നിലായത്, സൂചിക 0.9 ശതമാനം ഇടിഞ്ഞു. നിഫ്റ്റി ഓട്ടോ, നിഫ്റ്റി ഐടി എന്നിവ 0.7 ശതമാനം ഇടിഞ്ഞു. നിഫ്റ്റി ഓയിൽ ആൻറ് ഗ്യാസ് 0.6 ശതമാനവും നിഫ്റ്റി മെറ്റൽ, നിഫ്റ്റി പ്രൈവറ്റ് ബാങ്ക് എന്നിവ 0.5 ശതമാനം വീതവും ഇടിഞ്ഞു. അതേസമയം നിഫ്റ്റി പി‌എസ്‌യു ബാങ്കും നിഫ്റ്റി റിയാലിറ്റിയും 0.25 ശതമാനം വീതം ഉയർന്നു.നിഫ്റ്റി മിഡ്‌ക്യാപ് സൂചിക 0.19 ശതമാനവും സ്‌മോൾക്യാപ് സൂചിക 0.18 ശതമാനവും ഉയർന്നു.

പിന്തുണയും പ്രതിരോധവും

നിഫ്റ്റി

പിവറ്റ് പോയിന്റുകളെ അടിസ്ഥാനമാക്കിയുള്ള പ്രതിരോധം: 24,833, 24,863, 24,912

പിന്തുണ: 24,736, 24,706, 24,657

ബാങ്ക് നിഫ്റ്റി

പിവറ്റ് പോയിന്റുകളെ അടിസ്ഥാനമാക്കിയുള്ള പ്രതിരോധം: 55,501, 55,568, 55,678

പിന്തുണ: 55,282, 55,215, 55,105

പുട്ട്-കോൾ അനുപാതം

വിപണിയുടെ മാനസികാവസ്ഥ സൂചിപ്പിക്കുന്ന നിഫ്റ്റി പുട്ട്-കോൾ അനുപാതം (PCR), മെയ് 28 ന് മുൻ സെഷനിലെ 0.82 ൽ നിന്ന് 0.76 ആയി വീണ്ടും കുറഞ്ഞു.

ഇന്ത്യ വിക്സ്

ബുധനാഴ്ച ഇന്ത്യ വിക്സ് 2.79 ശതമാനം ഇടിഞ്ഞ് 18.02 ലെവലിലെത്തി.

വിദേശ പോർട്ട്‌ഫോളിയോ നിക്ഷേപകർ

ബുധനാഴ്ച വിദേശ പോർട്ട്‌ഫോളിയോ നിക്ഷേപകർ 4,663 കോടി രൂപയുടെ ഓഹരികൾ വാങ്ങി. ആഭ്യന്തര നിക്ഷേപകർ 7,912 കോടി രൂപയുടെ ഓഹരികൾ വിറ്റു.

രൂപ

അസംസ്കൃത എണ്ണ വിലയിലെ വർധനവും ആഭ്യന്തര ഓഹരി വിപണിയിലെ നെഗറ്റീവ് പ്രവണതയും കാരണം ബുധനാഴ്ച യുഎസ് ഡോളറിനെതിരെ രൂപയുടെ മൂല്യം നഷ്ടം നികത്തി 85.40 ൽ ക്ലോസ് ചെയ്തു.

എണ്ണ വില

കഴിഞ്ഞ സെഷനിൽ 1.6% ഉയർന്നതിന് ശേഷം വെസ്റ്റ് ടെക്സസ് ഇന്റർമീഡിയറ്റ് ബാരലിന് 62 ഡോളറിനു മുകളിൽ എത്തി. ബുധനാഴ്ച ബ്രെന്റ് 65 ഡോളറിനടുത്താണ് ക്ലോസ് ചെയ്തത്.

സ്വർണ്ണ വില

സ്വർണ്ണ വില ഒരു ആഴ്ചയിലെ ഏറ്റവും താഴ്ന്ന നിലയിലെത്തി. സ്‌പോട്ട് സ്വർണ്ണ വില ഔൺസിന് 0.5% ഇടിഞ്ഞ് 3,262.99 ഡോളറിലെത്തി. മെയ് 20 ന് ശേഷമുള്ള ഏറ്റവും താഴ്ന്ന നിരക്കാണിത്. യുഎസ് സ്വർണ്ണ ഫ്യൂച്ചറുകൾ 1.1% ഇടിഞ്ഞ് 3,259.50 ഡോളറിലെത്തി.

ഇന്ന് ശ്രദ്ധിക്കേണ്ട ഓഹരികൾ

ഐആർസിടിസി

ഇന്ത്യൻ റെയിൽവേ കാറ്ററിംഗ് ആൻഡ് ടൂറിസം കോർപ്പറേഷൻ (ഐആർസിടിസി) 2025 സാമ്പത്തിക വർഷത്തിന്റെ നാലാം പാദത്തിൽ 26% വാർഷിക വളർച്ച രേഖപ്പെടുത്തി. ഇത് 358 കോടി രൂപയായി. കഴിഞ്ഞ വർഷം ഇതേ കാലയളവിൽ ഇത് 284 കോടി രൂപയായിരുന്നു.

ഇൻഡസ്ഇൻഡ് ബാങ്ക്

ഇൻഡസ്ഇൻഡ് ബാങ്കിന്റെ മുൻ സിഇഒ ഉൾപ്പെടെ അഞ്ച് മുതിർന്ന എക്സിക്യൂട്ടീവുകൾക്കെതിരെ സെബി എക്സ്പാർട്ട് ഇടക്കാല ഉത്തരവ് പുറപ്പെടുവിച്ചു.

സെയിൽ

നാലാം പാദത്തിൽ സെയിൽ അറ്റാദായം 11% വർധിച്ച് 1,251 കോടി രൂപയായും വരുമാനം 4.9% വർധിച്ച് 29,316 കോടി രൂപയായും റിപ്പോർട്ട് ചെയ്തു. കഴിഞ്ഞ വർഷം ഇത് യഥാക്രമം 1,126 കോടി രൂപയും 27,958 കോടി രൂപയും ആയിരുന്നു.

റൈറ്റ്സ്

അടിസ്ഥാന സൗകര്യ വികസനത്തിനും അനുബന്ധ സേവനങ്ങൾക്കുമായി ശ്രീ സിമന്റുമായി ധാരണാപത്രത്തിൽ ഒപ്പുവച്ചു.

അവന്തി ഫീഡ്സ്

നാലാം പാദത്തിൽ അവന്തി ഫീഡ്സിന്റെ അറ്റാദായം 40% വർധിച്ച് 157 കോടി രൂപയും വരുമാനം 7.9% വർധിച്ച് 1,385 കോടി രൂപയുമായി.

ദീപക് നൈട്രൈറ്റ്

നാലാം പാദത്തിൽ ദീപക് നൈട്രൈറ്റിന്റെ അറ്റാദായം 20% കുറഞ്ഞ് 202 കോടി രൂപയായും വരുമാനം 2% വർധിച്ച് 2,180 കോടി രൂപയായും റിപ്പോർട്ട് ചെയ്തു.