കുതിച്ച് ഓഹരി വിപണി; സെന്‍സെക്‌സ് 1000 പോയിന്റ് മുന്നേറി

ഇന്ത്യൻ ഓഹരി വിപണി ഇന്ന് നേട്ടത്തിൽ വ്യാപാരം അവസാനിപ്പിച്ചു. സെൻസെക്സ് 1046.30 പോയിന്റ് അഥവാ 1.29 ശതമാനം ഉയർന്ന്‌ 82,408.17 ൽ ലും നിഫ്റ്റി 319.15 പോയിന്റ് അഥവാ 1.29 ശതമാനം ഉയർന്ന്‌ 25,112.40 ലും ക്ലോസ് ചെയ്തു.

സെൻസെക്സ് ഓഹരികൾ ( Top Gainers, Losers )

സെൻസെക്സ് ഓഹരികളിൽ ഭാരതി എയർടെൽ, നെസ്‌ലെ, മഹീന്ദ്ര & മഹീന്ദ്ര, പവർ ഗ്രിഡ്, റിലയൻസ് ഇൻഡസ്ട്രീസ്, എൻ‌ടി‌പി‌സി, എറ്റേണൽ, എച്ച്ഡി‌എഫ്‌സി ബാങ്ക് എന്നിവയാണ് ഏറ്റവും കൂടുതൽ നേട്ടമുണ്ടാക്കിയത്. അതേസമയം ആക്സിസ് ബാങ്ക്, മാരുതി എന്നിവ നഷ്ടത്തിൽ വ്യാപാരം അവസാനിപ്പിച്ചു.

സെക്ടര്‍ സൂചിക

സെക്ടര്‍ സൂചികകളിൽ എല്ലാ മേഖലാ സൂചികകളും ഇന്ന് നേട്ടത്തിൽ അവസാനിച്ചു. നിഫ്റ്റി റിയലിറ്റി സൂചികകയാണ് കൂടുതൽ നേട്ടമുണ്ടാക്കിയത്. സൂചിക 2.11 ശതമാനം ഉയർന്നു. നിഫ്റ്റി ഓട്ടോ,മെറ്റൽ, പി‌എസ്‌യു ബാങ്ക്, പവർ, ടെലികോം, ക്യാപിറ്റൽ ഗുഡ്സ് എന്നിവ 1-2 ശതമാനം ഉയർന്നു. ബിഎസ്ഇ മിഡ്ക്യാപ്, സ്മോൾക്യാപ് സൂചികകൾ 1.5 ശതമാനം ഉയർന്നു.

ആഗോള വിപണികൾ

ഏഷ്യൻ വിപണികളിൽ, ദക്ഷിണ കൊറിയയുടെ കോസ്പി, ഹോങ്കോങ്ങിന്റെ ഹാങ് സെങ് എന്നിവ നേട്ടത്തിലെത്തിയപ്പോൾ, ജപ്പാന്റെ നിക്കി 225 സൂചികയും ഷാങ്ഹായുടെ എസ്‌എസ്‌ഇ കോമ്പോസിറ്റ് സൂചികയും താഴ്ന്നു. യൂറോപ്പിലെ വിപണികൾ ഉയർന്ന നിലയിലായിരുന്നു വ്യാപാരം. അവധിക്കായി വ്യാഴാഴ്ച യുഎസ് വിപണികൾക്ക്‌ അവധിയായിരുന്നു.

ആഗോള എണ്ണ മാനദണ്ഡമായ ബ്രെന്റ് ക്രൂഡ് ഓയിൽ വില 1.93 ശതമാനം ഇടിഞ്ഞ് ബാരലിന് 77.33 യുഎസ് ഡോളറിലെത്തി. ഡോളറിനെതിരെ രൂപയുടെ മൂല്യം 14 പൈസ ഉയർന്ന് 86.59 ൽ ക്ലോസ് ചെയ്തു.