ഇന്നത്തെ ഓഹരി വിപണി; ടാറ്റ സ്റ്റീൽ, പഞ്ചാബ് & സിന്ദ് ബാങ്ക്, എക്സൈഡ് ഇൻഡസ്ട്രീസ് എന്നിവ സെപ്റ്റംബർ 30 ന് ശ്രദ്ധ നേടും

ഇന്നത്തെ വ്യാപാരത്തിന് മുൻപ് പ്രധാനപ്പെട്ട ഓഹരി വിപണി വാർത്തകളും വിശേഷങ്ങളും പരിശോധിക്കാം.

ഒന്നാം പാദഫലങ്ങൾ

മൈസൂർ പേപ്പർ മിൽസ്

അറ്റനഷ്ടം 16.93 കോടി രൂപ.

പ്രവർത്തന വരുമാനം 7.32 കോടി രൂപയായി.

ചെലവുകൾ 21.52 കോടി രൂപ രേഖപ്പെടുത്തി.

മില്ലിന്റെ പ്രധാന പ്രവർത്തനങ്ങൾ നിലച്ചതിനാൽ തോട്ടം വിൽപ്പനയിലൂടെയാണ് വരുമാനം നേടുന്നത്.

കമ്പനി സ്വകാര്യവൽക്കരണത്തിനായുള്ള പാട്ടക്കരാർ നടപടികളിലാണ്.

പന്യം സിമന്റ്സ് & മിനറൽ ഇൻഡസ്ട്രീസ്

അറ്റനഷ്ടം 18.89 കോടി രൂപയിൽ നിന്ന് 23.02 കോടി രൂപയായി വർദ്ധിച്ചു

പ്രവർത്തന വരുമാനം 30.39 ലക്ഷം രൂപയിൽ നിന്നും 35.34 കോടി രൂപയായി കുതിച്ചുയർന്നു.

വൈദ്യുതി, ഇന്ധന ചെലവുകൾ 23.97 കോടി രൂപയായി ഉയർന്നത് ലാഭക്ഷമതയെ ബാധിച്ചു

സുങ്കി റെഡ്ഡി പിച്ചി റെഡ്ഡിയെ കമ്പനിയുടെ പുതിയ മുഖ്യ സാമ്പത്തിക ഉദ്യോഗസ്ഥനായി നിയമിച്ചു

അൻസൽ പ്രോപ്പർട്ടീസ്

2027 സാമ്പത്തിക വർഷം ഒന്നാം പാദ സാമ്പത്തികഫലം വൈകുന്നു

2025-26 സാമ്പത്തിക വർഷത്തെ വാർഷിക കണക്കുകൾ പൂർത്തിയാക്കാനുള്ള കാലതാമസമാണ് കാരണം

പ്രധാന പദ്ധതികൾ കോർപ്പറേറ്റ് പാപ്പരത്ത പരിഹാര നടപടികളിലാണ്

വിപുൽ ലിമിറ്റഡ്

2027 സാമ്പത്തിക വർഷം ഒന്നാം പാദ സാമ്പത്തികഫലം വൈകുന്നു

അഞ്ച് ഉപകമ്പനികളുടെ ലയനത്തിന് ശേഷമുള്ള കണക്കെടുപ്പ് നടപടികൾ പൂർത്തിയായിട്ടില്ല

അതേസമയം, വിപുൽ ഓർഗാനിക്സ് 2027 സാമ്പത്തിക വർഷം ഒന്നാം പാദഫലം പുറത്തുവന്നു

അറ്റാദായം 99.7 ശതമാനം ഉയർന്ന് 2.53 കോടി രൂപയായി

വരുമാനം 51.78 കോടി രൂപയായി രേഖപ്പെടുത്തി

ചില വിപണി വാർത്തകൾ

പിഡിലൈറ്റ് ഇൻഡസ്ട്രീസ്: കമ്പനിയുടെ ഒരു വിഭാഗം, ഫൈൻമേക് ടെക്നോളജീസിലുള്ള തങ്ങളുടെ മുഴുവൻ ഓഹരികളും ഫൈൻമേക്കിന്റെ സ്ഥാപകർക്ക് കൈമാറും.

ടാറ്റ സ്റ്റീൽ: പലിശയിളവ് സംബന്ധിച്ച 2008-09 സാമ്പത്തിക വർഷത്തെ നികുതി കേസിൽ വിജയിച്ചു; ഇതോടെ നികുതി ബാധ്യത 1,686 കോടി രൂപയിൽ നിന്ന് 1,259 കോടി രൂപയായി കുറഞ്ഞു (427 കോടി രൂപയുടെ കുറവ്).

പഞ്ചാബ് & സിന്ദ് ബാങ്ക്: എഫ്.സി.സി.ബി-കൾ വഴി 1 ബില്യൺ യുഎസ് ഡോളർ വരെ സമാഹരിക്കുന്നതിന് അംഗീകാരം നൽകി.

എക്സൈഡ് ഇൻഡസ്ട്രീസ്: ഉപകമ്പനിയായ എക്സൈഡ് എനർജി സൊല്യൂഷൻസിൽ ഏകദേശം 100 കോടി രൂപ നിക്ഷേപിക്കുന്നു.

എൻഎൽസി ഇന്ത്യ: 1,080 മെഗാവാട്ട് താപവൈദ്യുത നിലയം വികസിപ്പിക്കുന്നതിന് നാൽക്കോയുമായി കമ്പനി ഒരു സംയുക്ത സംരംഭം രൂപീകരിക്കും. രണ്ട് പങ്കാളികൾക്കും 50% വീതം ഓഹരിയുണ്ട്..

എച്ച്എഎൽ ഓഹരികളിൽ ബൈ കോൾ

ജി.എം.ആർ എയർപോർട്ട്സ്: ഓഹരികളിൽ സിറ്റി ബ്രോക്കറേജ് വാങ്ങൽ ശുപാർശ വീണ്ടും നൽകി. ലക്ഷ്യവില 121 രൂപ. വിമാനയാത്രാ വളർച്ച, വിമാനത്താവള അനുബന്ധ വരുമാനത്തിലെ വർദ്ധനവ്, ഇന്ധനവില കുറയുന്നത്, പശ്ചിമേഷ്യൻ സമാധാനം എന്നിവ കമ്പനിയുടെ ലാഭക്ഷമതയും ദീർഘകാല വളർച്ചയും ഉറപ്പാക്കുമെന്ന് വിലയിരുത്തുന്നു.

എച്ച്.എ.എൽ: ഹിന്ദുസ്ഥാൻ എയറോനോട്ടിക്സിന്റെ ഓഹരികൾ വാങ്ങാമെന്ന് ജെഫറീസ്. ലക്ഷ്യവില 6,800 രൂപ. ഓർഡർ ബുക്കിന്റെ 43 ശതമാനം വരുന്ന തേജസ് മാർക്ക് 1എ വിമാനങ്ങൾ ഈ വർഷം കൈമാറാനാകുമെന്ന മാനേജ്‌മെന്റ് ആത്മവിശ്വാസവും പുതിയ എൻജിനുകൾ ലഭ്യമായതും ഓഹരി പുനർമൂല്യനിർണ്ണയത്തിന് വഴിയൊരുക്കും.

ഭാരതി എയർടെൽ: ഓഹരികൾ ഇപ്പോൾ വാങ്ങാൻ മികച്ച സമയമെന്ന് കൊട്ടക്; ലക്ഷ്യവില 2,200 രൂപ. നിരക്ക് വർദ്ധനവ്, ശക്തമായ പണമൊഴുക്ക്, കടം കുറയ്ക്കൽ, ഉയർന്ന ലാഭക്ഷമത എന്നിവ കമ്പനിയുടെ ദീർഘകാല വളർച്ചയ്ക്കും മികച്ച നിക്ഷേപ നേട്ടത്തിനും വഴിയൊരുക്കുമെന്ന് ബ്രോക്കറേജ് വിലയിരുത്തുന്നു.

മോൾബയോ ഡയഗ്നോസ്റ്റിക്സ്: കമ്പനിയുടെ ഷെയറുകൾക്ക് ആദ്യമായി ജെഫറീസ് ബൈ റേറ്റിംഗ് നൽകി. ലക്ഷ്യവില 1,600 രൂപ. നൂതന രോഗനിർണ്ണയ സാങ്കേതികവിദ്യയും പുതിയ പ്ലാറ്റ്‌ഫോമുകളും ശക്തമായ ഉൽപ്പന്ന നിരയും കമ്പനിക്ക് ദീർഘകാല വളർച്ചാ സാധ്യതയൊരുക്കുന്നു. നിലവിലെ ഉൽപ്പന്നങ്ങളുടെ വിപണി വിപുലീകരണത്തിലൂടെ 2026-29 സാമ്പത്തിക വർഷങ്ങളിൽ വരുമാനത്തിൽ 22 ശതമാനവും അറ്റാദായത്തിൽ 47 ശതമാനവും വാർഷിക സംയുക്ത വളർച്ച കൈവരിക്കാൻ സാധിക്കുമെന്ന് ബ്രോക്കറേജ് വിലയിരുത്തുന്നു.

സൺ ഫാർമ : ഓഹരികൾക്ക് മികച്ച പ്രകടനം എന്ന് മക്വാറി. ലക്ഷ്യവില 2,150 രൂപയായി നിശ്ചയിച്ചിരിക്കുന്നു. പി.സി.എസ്.കെ.9 ഇൻഹിബിറ്ററിൽ പുതിയ ഇൻ-ലൈസൻസിംഗ് കരാർ ഒപ്പുവെച്ചു. യൂറോപ്യൻ കമ്മീഷൻ ഈ ഉൽപ്പന്നത്തിന് സെപ്റ്റംബർ 21, 2026-ൽ അംഗീകാരം നൽകി

ഇന്ന് ഫ്യുച്ചേഴ്സ് ആൻഡ് ഓപ്ഷൻസിൽ ബാൻ ലഭിച്ച കമ്പനി: സെയിൽ