കൂപ്പുകുത്തി വിപണി, സെൻസെക്സ് 300 പോയിന്റ് ഇടിഞ്ഞു

ഇന്ത്യൻ ഓഹരി വിപണി ഇന്ന് നഷ്ടത്തിൽ വ്യാപാരം അവസാനിപ്പിച്ചു. സെൻസെക്സ് 287.60 പോയിന്റ് ഇടിഞ്ഞ്‌ 83,409.69 ലും നിഫ്റ്റി 88.40 പോയിന്റ് ഇടിഞ്ഞ്‌ 25,453.40 ലും ക്ലോസ് ചെയ്തു

സെൻസെക്സ് ഓഹരികൾ ( Top Gainers, Losers )

സെൻസെക്സ് ഓഹരികളിൽ ബജാജ് ഫിൻ‌സെർവ്, ലാർസൻ & ട്യൂബ്രോ, ബജാജ് ഫിനാൻസ്, എച്ച്ഡി‌എഫ്‌സി ബാങ്ക്, ഭാരത് ഇലക്ട്രോണിക്സ്, കൊട്ടക് മഹീന്ദ്ര ബാങ്ക് എന്നിവ ഇടിവ് രേഖപ്പെടുത്തി. അതേസമയം ടാറ്റ സ്റ്റീൽ, ഏഷ്യൻ പെയിന്റ്സ്, അൾട്രാടെക് സിമൻറ്, ട്രെന്റ് എന്നിവ നേട്ടമുണ്ടാക്കി.

സെക്ടര്‍ സൂചിക

സെക്ടര്‍ സൂചികകളിൽ മെറ്റൽ സൂചിക 1.3 ശതമാനവും കൺസ്യൂമർ ഡ്യൂറബിൾസ് ഒരു ശതമാനം ഉയർന്നു. അതേസമയം പി‌എസ്‌യു ബാങ്ക്, ക്യാപിറ്റൽ ഗുഡ്സ്, റിയൽറ്റി, മീഡിയ, ഓയിൽ & ഗ്യാസ് എന്നിവ 0.5-1 ശതമാനം ഇടിഞ്ഞു.

ആഗോള വിപണികൾ

ഏഷ്യൻ വിപണികളിൽ, ദക്ഷിണ കൊറിയയുടെ കോസ്പി, ജപ്പാനിലെ നിക്കി 225 സൂചിക, ഷാങ്ഹായുടെ എസ്എസ്ഇ കോമ്പോസിറ്റ് സൂചിക എന്നിവ താഴ്ന്നപ്പോൾ ഹോങ്കോങ്ങിന്റെ ഹാംഗ് സെങ് ഉയർന്ന നിലയിലാണ് വ്യാപാരം അവസാനിച്ചത്. യൂറോപ്യൻ വിപണികൾ നേട്ടത്തിലായിരുന്നു വ്യാപാരം. ചൊവ്വാഴ്ച യുഎസ് വിപണികൾ സമ്മിശ്രമായാണ് അവസാനിച്ചത്.

ആഗോള എണ്ണ മാനദണ്ഡമായ ബ്രെന്റ് ക്രൂഡ് ഓയിൽ ബാരലിന് 0.86 ശതമാനം ഉയർന്ന് 67.69 യുഎസ് ഡോളറിലെത്തി.. ഡോളറിനെതിരെ രൂപയുടെ മൂല്യം 9 പൈസ ഇടിഞ്ഞ് 85.68 ൽ ക്ലോസ് ചെയ്തു.