ഓഹരി വിപണിയിൽ ഇടിവ് തുടരുന്നു: സെൻസെക്സും നിഫ്റ്റിയും നഷ്ടത്തിൽ

തുടർച്ചയായ വിദേശ നിക്ഷേപകരുടെ വിറ്റഴിക്കലും ഉയർന്ന ക്രൂഡ് ഓയിൽ വിലയും കാരണം ബുധനാഴ്ച ഇന്ത്യൻ ഓഹരി വിപണി നഷ്ടത്തിലാണ് വ്യാപാരം ആരംഭിച്ചത്. കമ്പനികളുടെ പാദഫലങ്ങൾ സ്ഥിരതയാർന്നതാണെങ്കിലും ആഗോള സാഹചര്യങ്ങൾ നിക്ഷേപകരുടെ ആത്മവിശ്വാസത്തെ ബാധിച്ചു.

സെൻസെക്സ് 116 പോയിന്റ് (0.14%) ഇടിഞ്ഞ് 83,511 എന്ന നിലയിലെത്തിയപ്പോൾ, നിഫ്റ്റി 50 സൂചിക 44 പോയിന്റ് (0.17%) താഴ്ന്ന് 25,688 എന്ന ലെവൽ വ്യാപാരം നടത്തുന്നു; ഇത് 25,700 എന്ന നിർണ്ണായക ലെവൽ താഴെയാണ്. നിഫ്റ്റിയിൽ ഒഎൻജിസി (ONGC), കോൾ ഇന്ത്യ, ഇൻഫോസിസ്, ഹിൻഡാൽകോ, എൻടിപിസി എന്നിവ നേട്ടമുണ്ടാക്കിയപ്പോൾ, കോട്ടക് മഹീന്ദ്ര ബാങ്ക്, ഡോ. റെഡ്ഡീസ് ലബോറട്ടറീസ്, ഏഷ്യൻ പെയിന്റ്‌സ്, മാക്സ് ഹെൽത്ത് കെയർ, ടെക് മഹീന്ദ്ര എന്നീ ഓഹരികൾ നഷ്ടത്തിലാണ്.

തുടർച്ചയായ വോൾട്ടിലിറ്റി ക്കൊടുവിൽ ചൊവ്വാഴ്ച ഇന്ത്യൻ ഓഹരി വിപണി നഷ്ടത്തിൽ വ്യാപാരം അവസാനിപ്പിച്ചു. തുടക്കത്തിൽ നേട്ടമുണ്ടാക്കിയെങ്കിലും ഉച്ചയോടെ വിപണിയിൽ വില്പന സമ്മർദ്ദം ശക്തമാകുകയായിരുന്നു.

വിപണിയിലെ പ്രധാന കണക്കുകൾ

സെൻസെക്സ്: 250 പോയിന്റ് (0.30%) ഇടിഞ്ഞ് 83,627 എന്ന നിലയിൽ ക്ലോസ് ചെയ്തു.

നിഫ്റ്റി 50: 58 പോയിന്റ് (0.22%) താഴ്ന്ന് 25,732 എന്ന നിലയിലെത്തി. വ്യാപാരത്തിനിടെ നിഫ്റ്റി 25,750-ന് താഴേക്ക് പോയിരുന്നു.

വിദേശ നിക്ഷേപകർ വൻതോതിൽ ഓഹരികൾ വിറ്റഴിക്കുന്നതും (Foreign Outflows), ക്രൂഡ് ഓയിൽ വില വർധിക്കുന്നതും, ആഗോള വിപണിയിലെ അനിശ്ചിതത്വവുമാണ് നിക്ഷേപകരുടെ ആത്മവിശ്വാസം കുറച്ചത്. കഴിഞ്ഞ ഏഴ് സെഷനുകളിൽ ആറിലും വിപണി നഷ്ടം രേഖപ്പെടുത്തി എന്നത് ശ്രദ്ധേയമാണ്.

യുഎസ് വിപണിയും ചൊവ്വാഴ്ച നഷ്ടത്തിലാണ് വ്യാപാരം അവസാനിപ്പിച്ചത്. ക്രെഡിറ്റ് കാർഡ് പലിശ നിരക്ക് പരിമിതപ്പെടുത്താനുള്ള പ്രസിഡന്റ് ഡൊണാൾഡ് ട്രംപിന്റെ നിർദ്ദേശത്തിൽ ജെപി മോർഗൻ എക്സിക്യൂട്ടീവ്സ് ആശങ്ക പ്രകടിപ്പിച്ചതോടെ സാമ്പത്തിക മേഖലയിലെ ഓഹരികൾ വലിയ ഇടിവ് നേരിട്ടു.

ഡൗ ജോൺസ്: 0.80% ഇടിഞ്ഞു.

എസ് ആന്റ് പി 500: 0.19% കുറഞ്ഞു.

നാസ്ഡാക്ക്: 0.10% നഷ്ടം രേഖപ്പെടുത്തി.

ഇറാനുമായി ബന്ധപ്പെട്ട രാഷ്ട്രീയ സംഘർഷങ്ങൾ സ്വർണ്ണവില സർവ്വകാല റെക്കോർഡിലെത്തിച്ചു. ഇതോടൊപ്പം ക്രൂഡ് ഓയിൽ വില ഏഴ് ആഴ്ചയിലെ ഏറ്റവും ഉയർന്ന നിരക്കിലെത്തുകയും ചെയ്തു (2% വർധനവ്). ഇന്ത്യയെപ്പോലുള്ള എണ്ണ ഇറക്കുമതി ചെയ്യുന്ന രാജ്യങ്ങളെ സംബന്ധിച്ച് ഇത് വലിയൊരു തിരിച്ചടിയാണ്.

നിഫ്റ്റിയിൽ ട്രെൻഡ് മാറ്റം: 25,900 കടന്നാൽ മാത്രം ആശ്വാസം!

നിഫ്റ്റി 50 ഒരു മണിക്കൂർ ചാർട്ടിലെ സാങ്കേതിക വിശകലനം പ്രകാരം, ഉയർന്ന ലെവൽ തുടരാൻ കഴിയാതെ വന്നതോടെ ഒരു പ്രത്യേക പരിധിക്കുള്ളിലോ (range-bound) ആണ് വ്യാപാരം നടത്തുന്നത്. 26,300–26,330 എന്ന പ്രതിരോധ മേഖലയിൽ (resistance zone) ശക്തമായ തിരിച്ചടി നേരിട്ട സൂചിക, പ്രധാന പിന്തുണയായ (support) 25,900-ന് താഴേക്ക് പോയത് ഹ്രസ്വകാല ട്രെൻഡിൽ വന്ന മാറ്റത്തെ സൂചിപ്പിക്കുന്നു. നിലവിൽ 25,600–25,650 മേഖലയിൽ നിന്ന് ചെറിയ രീതിയിലുള്ള തിരിച്ചുകയറ്റം ദൃശ്യമാണെങ്കിലും, ഇതിന് വേണ്ടത്ര കരുത്തില്ലാത്തതിനാൽ 25,900 എന്ന ലെവൽ ഒരു വലിയ തടസ്സമായി തുടരുന്നു. നിഫ്റ്റി 26,075–26,100 ലെവൽ താഴെ നിൽക്കുന്നിടത്തോളം കാലം വിപണിയിൽ ജാഗ്രത തുടരേണ്ടതുണ്ട്. ഇത് സൂചികയെ 25,650, 25,600 ലെവൽലേക്ക് വീണ്ടും എത്തിച്ചേക്കാം. വിപണിയിൽ ഒരു മുന്നേറ്റം (bullish momentum) തിരികെ വരണമെങ്കിൽ നിഫ്റ്റി 25,900 എന്ന ലെവൽമുകളിൽ സ്ഥിരത കൈവരിക്കേണ്ടത് അനിവാര്യമാണ്.

സെക്ടറുകളിൽ തളർച്ച; ശ്രദ്ധാകേന്ദ്രമായി പ്രമുഖ കമ്പനികളുടെ പാദഫലങ്ങൾ

വില്പന സമ്മർദ്ദവും റിസ്ക് എടുക്കാനുള്ള നിക്ഷേപകരുടെ താല്പര്യക്കുറവും കാരണം ഓട്ടോ, കൺസ്യൂമർ ഡ്യൂറബിൾസ്, ഫാർമ, റിയൽറ്റി സെക്ടറുകൾ ഇന്ന് തളർച്ച രേഖപ്പെടുത്തി.തിരഞ്ഞെടുത്ത പി.എസ്.യു (PSU) ഓഹരികളും ഡിഫൻസീവ് ഓഹരികളും ഇന്ന് കരുത്ത് കാട്ടി. ആഭ്യന്തര നിക്ഷേപകരുടെ പിന്തുണയും മികച്ച ലാഭപ്രതീക്ഷയുമാണ് ഈ മേഖലകളെ സഹായിച്ചത്.

ശ്രദ്ധാകേന്ദ്രമായ ഓഹരികൾ

ഐസിഐസിഐ ലോംബാർഡ് (ICICI Lombard): റീട്ടെയിൽ ഹെൽത്ത്, മോട്ടോർ ഇൻഷുറൻസ് മേഖലകളിൽ മികച്ച ഡിമാൻഡ് ഉണ്ടായിരുന്നിട്ടും, ജീവനക്കാർക്കും ഏജന്റുമാർക്കും നൽകിയ ഉയർന്ന പേഔട്ടുകൾ കാരണം മൂന്നാം പാദ ലാഭത്തിൽ കുറവ് രേഖപ്പെടുത്തി.

ടാറ്റ എൽക്സി: പുതിയ ലേബർ കോഡുകളുമായി ബന്ധപ്പെട്ട ചെലവുകൾ കാരണം മൂന്നാം പാദ ലാഭത്തിൽ 45.3% ഇടിവ് രേഖപ്പെടുത്തി.

ജസ്റ്റ് ഡയൽ വെബ്സൈറ്റ് സന്ദർശിക്കുന്നവരുടെ എണ്ണത്തിലുണ്ടായ കുറവ് ഡിസംബർ പാദത്തിലെ ലാഭത്തെ ബാധിച്ചു.

ഇന്നത്തെ പാദഫലങ്ങൾ (Earnings Watch)

പ്രമുഖ കമ്പനികളായ ഇൻഫോസിസ് (Infosys), ഗ്രോ (Groww), എച്ച്.ഡി.ബി ഫിനാൻഷ്യൽ സർവീസസ്, എച്ച്.ഡി.എഫ്.സി എ.എം.സി, ഐസിഐസിഐ പ്രുഡൻഷ്യൽ എ.എം.സി, വാരി റിന്യൂവബിൾ ടെക്നോളജീസ് എന്നിവർ തങ്ങളുടെ മൂന്നാം പാദ (Q3) ഫലങ്ങൾ ഇന്ന് പ്രഖ്യാപിക്കും.