Stock Market Analysis : ഐടി ഓഹരികളുടെ കരുത്തിൽ വിപണിയിൽ വൻ തിരിച്ചുവരവ്; നിഫ്റ്റി 25,700-ന് അടുത്ത്

ചൊവ്വാഴ്ച വ്യാപാരത്തിന്റെ തുടക്കത്തിൽ വലിയ ഇടിവ് രേഖപ്പെടുത്തിയെങ്കിലും, ഐടി ഓഹരികളിൽ ഉണ്ടായ ശക്തമായ വാങ്ങൽ താല്പര്യം ഇന്ത്യൻ വിപണിയെ മികച്ച രീതിയിൽ കരകയറ്റി. രാവിലെ കനത്ത വിൽപന സമ്മർദ്ദം നേരിട്ട സൂചികകൾ പിന്നീട് ആത്മവിശ്വാസത്തോടെ തിരിച്ചുകയറുന്നതാണ് കണ്ടത്.

രാവിലെ സെൻസെക്സ് ഏകദേശം 290 പോയിന്റോളം ഇടിഞ്ഞ് 82,987.43 എന്ന നിലവാരത്തിലേക്കും നിഫ്റ്റി 112 പോയിന്റ് താഴ്ന്ന് 25,570.30 എന്ന നിലവാരത്തിലേക്കും എത്തിയിരുന്നു. എന്നാൽ അവിടെ നിന്നുള്ള സ്മാർട്ട് റിക്കവറി വിപണിക്ക് വലിയ ആശ്വാസമായി.

സെൻസെക്സിന് വ്യാപാരത്തിന്റെ തുടക്കത്തിലെ 400 പോയിന്റിലധികം ഇടിവിൽ നിന്ന് പിന്നീട് ഉജ്ജ്വലമായ തിരിച്ചുകയറ്റം. നിഫ്റ്റി നിർണ്ണായകമായ 25,700 എന്ന നിലവാരത്തിന് തൊട്ടടുത്ത് വ്യാപാരം തുടരുന്നു.

വിപണിയിലെ മറ്റ് സൂചനകൾ

വിപണിയിലെ അനിശ്ചിതത്വം സൂചിപ്പിക്കുന്ന ഇന്ത്യ വിക്സ് സൂചി 2% ഇടിഞ്ഞ് 13.02-ലേക്ക് താഴ്ന്നു. ഇത് നിക്ഷേപകർക്ക് വിപണിയിലുള്ള വിശ്വാസം വർദ്ധിക്കുന്നതിന്റെ സൂചനയാണ്.തിങ്കളാഴ്ച വിദേശ നിക്ഷേപകർ (FIIs) 972 കോടി രൂപയുടെ ഓഹരികൾ വിറ്റഴിച്ചപ്പോൾ, ആഭ്യന്തര നിക്ഷേപകർ (DIIs) 1,666 കോടി രൂപയുടെ ഓഹരികൾ വാങ്ങി വിപണിയെ പിന്തുണച്ചു

ബുള്ളിഷ് ട്രെൻഡ് സ്ഥിരീകരിക്കാൻ 25,900 ലെവൽ കടക്കണം

നിഫ്റ്റി 50-യുടെ 1 മണിക്കൂർ ചാർട്ട് പ്രകാരം, ഒരു തിരുത്തൽ ഘടനയ്ക്കുള്ളിൽ സൂചിക ഇപ്പോൾ ഹ്രസ്വകാലാടിസ്ഥാനത്തിൽ വീണ്ടെടുപ്പ് നടത്തുകയാണ്. 24,700–24,900 മേഖലയിലേക്കുള്ള കനത്ത ഇടിവിന് ശേഷം ശക്തമായി തിരിച്ചുകയറിയ സൂചിക ഇപ്പോൾ 25,700 ലെവൽന് അടുത്ത് വ്യാപാരം നടത്തുന്നു. എന്നാൽ, 25,830 മുതൽ 25,940 വരെയുള്ള മേഖലയിൽ (0.786, 0.618 ഫിബൊനാച്ചി റിട്രേസ്‌മെന്റ് ലെവലുകൾ) ശക്തമായ പ്രതിരോധം നേരിടാൻ സാധ്യതയുണ്ട്.

25,890–26,000 എന്നത് ഉടനടിയുള്ള സപ്ലൈ സോണായി പ്രവർത്തിക്കുമ്പോൾ, ട്രെൻഡ് പൂർണ്ണമായും ബുള്ളിഷ് ആകാൻ 26,330 എന്ന കടമ്പ കൂടി കടക്കേണ്ടതുണ്ട്. താഴെ ഭാഗത്ത്, 25,480 എന്നത് ഉടനടിയുള്ള ഇൻട്രാഡേ സപ്പോർട്ടായും, 24,918 എന്നത് പ്രധാന സ്ട്രക്ചറൽ സപ്പോർട്ടായും നിലകൊള്ളുന്നു. ഈ ലെവൽന് താഴേക്ക് പോയാൽ വിൽപന സമ്മർദ്ദം വീണ്ടും ശക്തമായേക്കാം. നിലവിൽ ഒരു ഡിസെൻഡിംഗ് ട്രെൻഡ്‌ലൈനിനെ (Descending trendline) പരീക്ഷിക്കുന്ന സൂചികയ്ക്ക് 25,900-ന് മുകളിൽ ക്ലോസ് ചെയ്യാൻ കഴിഞ്ഞാൽ മാത്രമേ കുതിപ്പ് തുടരാനാകൂ. അല്ലാത്തപക്ഷം, ഈ മേഖലയിൽ നിന്ന് വീണ്ടും ഒരു തിരുത്തലിനോ കണ്സോളിഡേഷനോ സാധ്യതയുണ്ട്.

ഐടി മേഖലയുടെ തിരിച്ചുവരവും ലാർജ്-ക്യാപ് ഓഹരികളിലെ മുന്നേറ്റവും എങ്ങനെ?

സെക്ടറൽ പ്രകടനം

സാമ്പത്തിക, ഊർജ്ജ മേഖലകളിലെ ഉണർവ് വിപണിയിൽ പോസിറ്റീവ് തരംഗം സൃഷ്ടിച്ചു. ഭൂരിഭാഗം സെക്ടറുകളും പച്ചപ്പിൽ വ്യാപാരം അവസാനിപ്പിച്ചു.

കരുത്താർജ്ജിച്ച മേഖലകളിൽ പവർ, പൊതുമേഖലാ ബാങ്കുകൾ , റിയൽറ്റി, സ്വകാര്യ ബാങ്കുകൾ, ഇൻഫ്രാസ്ട്രക്ചർ, ക്യാപിറ്റൽ ഗുഡ്‌സ്, എനർജി എന്നിവയുണ്ട്.അതേസമയം മീഡിയ, ഓട്ടോമൊബൈൽ സെക്ടറുകൾ 0.5% മുതൽ 1% വരെ ഇടിവ് രേഖപ്പെടുത്തി. ലാഭമെടുപ്പാണ് പ്രധാനമായും ഈ മേഖലകളിൽ കണ്ടത്.

ലാർജ്-ക്യാപ് ഓഹരികളിലെ കേന്ദ്രീകൃതമായ വാങ്ങലുകളാണ് സൂചികകളെ താങ്ങിനിർത്തിയത്.നേട്ടമുണ്ടാക്കിയ ഓഹരികളിൽ പവർ ഗ്രിഡ് (+4%), കോൾ ഇന്ത്യ, എച്ച്ഡിഎഫ്സി ബാങ്ക് (+2%), അദാനി എന്റർപ്രൈസസ്, മാക്സ് ഹെൽത്ത് കെയർ എന്നീ ഓഹരികളുണ്ട്. നഷ്ടം നേരിട്ട ഓഹരികളിൽ ടെക് മഹീന്ദ്ര, ബജാജ് ഫിനാൻസ്, മാരുതി സുസുക്കി, ടാറ്റ മോട്ടോഴ്‌സ്, ഐഷർ മോട്ടോഴ്‌സ്.

ഐടി മേഖല: അസ്ഥിരതയ്ക്ക് ശേഷം റിക്കവറി

ആർട്ടിഫിഷ്യൽ ഇന്റലിജൻസ് സൃഷ്ടിച്ചേക്കാവുന്ന വെല്ലുവിളികളെക്കുറിച്ചുള്ള ആശങ്കകൾക്കിടയിലും ഐടി മേഖല ശക്തമായ തിരിച്ചുവരവ് നടത്തി.വ്യാപാരത്തിന്റെ തുടക്കത്തിൽ ഒരു ശതമാനം ഇടിഞ്ഞ നിഫ്റ്റി ഐടി സൂചിക, പിന്നീട് കരുത്ത് വീണ്ടെടുത്ത് 32,799.90 എന്ന നിലവാരത്തിൽ ക്ലോസ് ചെയ്തു. ഇതിലൂടെ തുടർച്ചയായ മൂന്ന് ദിവസത്തെ തകർച്ചയ്ക്ക് വിരാമമായി.

ലാർജ്-ക്യാപ് ഓഹരികൾ സമ്മർദ്ദം നേരിട്ടപ്പോൾ കോഫോർജ്, പെഴ്സിസ്റ്റന്റ് സിസ്റ്റംസ് എന്നിവ 3 ശതമാനം വരെ ഉയർന്ന് മേഖലയ്ക്ക് കരുത്തായി.

വിപണി കൂടുതൽ മുന്നേറുമോ?

എഐ സാങ്കേതികവിദ്യയിൽ കൃത്യമായ വൈദഗ്ധ്യമുള്ള കമ്പനികളെ നിക്ഷേപകർ തിരഞ്ഞെടുക്കുന്നു എന്നതിന്റെ സൂചനയാണിത്. വരും ദിവസങ്ങളിൽ കമ്പനികളുടെ പുതിയ കരാറുകളും മാർജിൻ ഔട്ട്ലുക്കും നിർണ്ണായകമാകും. വിപുലമായ തോതിലുള്ള റിസ്ക് എടുക്കുന്നതിന് പകരം, മുൻനിര ലാർജ്-ക്യാപ് ഓഹരികളിൽ മാത്രം നിക്ഷേപം പരിമിതപ്പെടുത്തുന്ന രീതിയാണ് ഇപ്പോൾ കണ്ടുവരുന്നത്.

നിഫ്റ്റി 25,650 എന്ന നിലവാരത്തിന് മുകളിൽ ക്ലോസ് ചെയ്തത് ഹ്രസ്വകാലാടിസ്ഥാനത്തിൽ വിപണിക്ക് ഗുണകരമാണ്. ഫിനാൻഷ്യൽ, എനർജി മേഖലകൾ ഇതേ കരുത്ത് തുടരുകയാണെങ്കിൽ വിപണിയിൽ കൂടുതൽ ഉയർച്ച പ്രതീക്ഷിക്കാം.