വലിയ തകർച്ചയ്ക്ക് ശേഷം തിരിച്ചുകയറാൻ ശ്രമിച്ച് വിപണി; നിഫ്റ്റി 25,550 നിലവാരത്തിൽ, അിശ്ചിതത്വം തുടരുന്നു

വ്യാഴാഴ്ചത്തെ കനത്ത തകർച്ചയ്ക്ക് ശേഷം ഇന്ത്യൻ ഓഹരി വിപണി ഇന്ന് ഭാഗികമായ തിരിച്ചുകയറ്റത്തിന് ശ്രമിക്കുന്നു. വ്യാപാരത്തിനിടയിൽ വലിയ വോൾട്ടിലിറ്റി പ്രകടമായെങ്കിലും താഴ്ന്ന നിലവാരത്തിൽ നിന്ന് സൂചികകൾ കരുത്ത് വീണ്ടെടുത്തു.

സെൻസെക്സ് ദിവസത്തെ ഏറ്റവും താഴ്ന്ന നിലവാരമായ 82,206-ൽ നിന്ന് ഏകദേശം 500 പോയിന്റ് തിരിച്ചുപിടിച്ച് 82,700-ന് മുകളിൽ വ്യാപാരം തുടരുന്നു. ഇൻട്രാഡേയിൽ 25,379.75 വരെ താഴ്ന്ന നിഫ്റ്റി, പിന്നീട് 25,550 നിലവാരത്തിലേക്ക് തിരിച്ചെത്തി. വിപണി തിരിച്ചുകയറാൻ ശ്രമിക്കുന്നുണ്ടെങ്കിലും എല്ലാ മേഖലകളിലും ഒരുപോലെ മുന്നേറ്റം പ്രകടമല്ല.

മുന്നേറുന്ന ഓഹരികളെക്കാൾ നേരിയ മുൻതൂക്കം ഇടിയുന്ന ഓഹരികൾക്കാണെന്നത് വിപണിയിലെ ജാഗ്രതയെ സൂചിപ്പിക്കുന്നു. നിക്ഷേപകർ തിരഞ്ഞെടുത്ത ഓഹരികളിൽ മാത്രമാണ് താല്പര്യം കാണിക്കുന്നത്.

വ്യാഴാഴ്ച നിഫ്റ്റി 25,454-ലെവലിലും സെൻസെക്സ് 82,498-ലെവലിലുമാണ് ക്ലോസ് ചെയ്തിരുന്നത്. ആഗോള ഭൗമരാഷ്ട്രീയ പിരിമുറുക്കങ്ങൾക്കിടയിൽ വിപണിയിലെ ഭയത്തെ സൂചിപ്പിക്കുന്ന ഇന്ത്യ വിക്സ് 10%-ത്തിലധികം ഉയർന്നത് അനിശ്ചിതത്വം നിലനിൽക്കുന്നതിന്റെ അടയാളമാണ്.

26,000 കടമ്പയിൽ വിപണി; 25,350 സപ്പോർട്ട് നിർണ്ണായകം

നിഫ്റ്റി 50 സൂചിക നിലവിൽ 26,300 എന്ന പ്രതിരോധ മേഖലയിൽ നിന്ന് തിരിച്ചടി നേരിട്ടതിനെത്തുടർന്ന് ഒരു തിരുത്തൽ ഘട്ടത്തിലൂടെയാണ് കടന്നുപോകുന്നത്. മുൻപ് ഒരു 'ഡൗൺവേർഡ് ചാനൽ' തകർന്ന് താഴേക്ക് പോയ സൂചിക, പിന്നീട് ശക്തമായി തിരിച്ചുകയറുകയും നിലവിൽ ഒരു കണ്സോളിഡേഷനിലേക്ക് മാറുകയും ചെയ്തിട്ടുണ്ട്. സാങ്കേതികമായി, 25,890–26,000 മേഖല വിപണിക്ക് ഉടനടിയുള്ള ശക്തമായ തടസ്സമായി തുടരുന്നു. അതേസമയം, താഴെ ഭാഗത്ത് 25,350, 25,170 എന്നീ നിലവാരങ്ങൾ വിപണിയെ താങ്ങിനിർത്തുന്ന പ്രധാന സപ്പോർട്ടുകളായി നിലകൊള്ളുന്നു. കഴിഞ്ഞ ദിവസത്തെ ക്ലോസിംഗ് ലെവലിന് സമീപം പുതിയ വാങ്ങൽ താല്പര്യം പ്രകടമാകുന്നത് ഹ്രസ്വകാലാടിസ്ഥാനത്തിൽ ഓഹരിയിൽ ഡിമാൻഡ് നിലനിൽക്കുന്നതിന്റെ സൂചനയാണ്.

എങ്കിലും, സൂചിക 26,000 എന്ന കടമ്പയ്ക്ക് മുകളിൽ സ്ഥിരത കൈവരിക്കുന്നത് വരെ വിപണിയിൽ ഒരു ജാഗ്രതാ മനോഭാവം ആവശ്യമാണ്. 26,000-ന് മുകളിലേക്കുള്ള ഒരു വ്യക്തമായ കുതിപ്പ് വിപണിയിൽ പുതിയ പോസിറ്റീവ് തരംഗം സൃഷ്ടിക്കുമെങ്കിലും, സപ്പോർട്ട് നിലവാരങ്ങൾ നിലനിർത്താൻ പരാജയപ്പെട്ടാൽ അത് വിൽപന സമ്മർദ്ദത്തിന് വഴിയൊരുക്കിയേക്കാം.

ഐടി ഓഹരികളുടെ തളർച്ചയ്ക്കിടയിലും പൊതുമേഖലാ ഓഹരികളിൽ ഉണർവ്; വിപണിയിൽ പോരാട്ടം തുടരുന്നു.വ്യാഴാഴ്ചത്തെ കനത്ത ഇടിവിന് ശേഷം വെള്ളിയാഴ്ച വിപണിയിൽ ഇടിവ് പ്രകടമാണ്. താഴ്ന്ന നിലവാരത്തിൽ നിന്നുള്ള വാങ്ങൽ താല്പര്യം (Value Buying) വിപണിയെ താങ്ങിനിർത്താൻ ശ്രമിക്കുമ്പോഴും, ഐടി മേഖലയിലെ വിൽപന സമ്മർദ്ദം സൂചികകളുടെ കുതിപ്പിന് തടസ്സമാകുന്നു.

വിപണിയിൽ ഉണർവ്

പശ്ചിമേഷ്യയിലെ ഭൗമരാഷ്ട്രീയ സാഹചര്യങ്ങൾക്കിടയിൽ എനർജി, പൊതുമേഖലാ ഓഹരികളാണ് ഇന്ന് വിപണിയെ നയിക്കുന്നത്.

കോൾ ഇന്ത്യ, ഒഎൻജിസി , എൽ ആൻഡ് ടി , ഐഷർ മോട്ടോഴ്‌സ്, ഭാരത് ഇലക്ട്രോണിക്സ് എന്നിവ മികച്ച നേട്ടമുണ്ടാക്കി. പൊതുമേഖലാ ബാങ്കുകൾ: പിഎസ്‌യു ബാങ്ക് സൂചിക ഏകദേശം 0.5 ശതമാനം ഉയർന്നു.

വിപണിക്ക് വെല്ലുവിളിയായി ഐടി

വിപണിയെ താഴേക്ക് വലിക്കുന്ന പ്രധാന ഘടകം ഐടി മേഖലയാണ്. ഐടി സൂചിക ഏകദേശം 1.3% ഇടിഞ്ഞു. ഇൻഫോസിസ്, ടെക് മഹീന്ദ്ര, വിപ്രോ, എച്ച്സിഎൽ ടെക്, ബജാജ് ഫിനാൻസ് എന്നിവ വിൽപന സമ്മർദ്ദം നേരിടുന്നു. ആഗോള ഡിമാൻഡിലെ കുറവും, യുഎസ് ടെക് വിപണിയിലെ തളർച്ചയും, ഐടി ഓഹരികളിലെ ലാഭമെടുപ്പും സൂചികയെ ദോഷകരമായി ബാധിച്ചു.

വിപണിയെ സ്വാധീനിക്കുന്ന ഘടകങ്ങൾ

ഇറാനും യുഎസും തമ്മിലുള്ള പ്രശ്നങ്ങൾ ക്രൂഡ് ഓയിൽ വിതരണത്തെ ബാധിക്കുമോ എന്ന ആശങ്ക വിപണിയിലുണ്ട്. ഇത് നിക്ഷേപകരുടെ റിസ്ക് എടുക്കാനുള്ള താല്പര്യം കുറച്ചിരിക്കുകയാണ്.നിഫ്റ്റിയുടെ 200-ഡേ ഇഎംഎ (25,200) നിലവിൽ ഏറ്റവും നിർണ്ണായകമായ സപ്പോർട്ടാണ്. ഈ നിലവാരത്തിന് മുകളിൽ തുടരാൻ കഴിഞ്ഞാൽ വിപണിയിൽ ശുഭപ്രതീക്ഷ നിലനിൽക്കും. എന്നാൽ 25,500 കടമ്പ ഭേദിച്ചാൽ മാത്രമേ നിക്ഷേപകർക്ക് പൂർണ്ണ ആത്മവിശ്വാസം ലഭിക്കൂ.

വിപണി ഇപ്പോൾ അതീവ ജാഗ്രതയിലാണ്. താഴ്ന്ന നിലവാരത്തിൽ നിന്ന് റിക്കവറി കാണിക്കുന്നുണ്ടെങ്കിലും, ഐടി ഓഹരികളിലെ തകർച്ച നിലവിൽ വിപണിയുടെ കരുത്ത് ചോർത്തുന്നു. ബാങ്കിംഗ്, എനർജി ഓഹരികൾക്ക് ഐടിയുടെ നഷ്ടം നികത്താൻ കഴിഞ്ഞാൽ മാത്രമേ സൂചികകൾക്ക് നേട്ടത്തിൽ വ്യാപാരം അവസാനിപ്പിക്കാൻ സാധിക്കൂ. 25,200–25,350 എന്ന മേഖല നിലനിർത്തുന്നത് വരും ദിവസങ്ങളിലെ ട്രെൻഡിന് നിർണ്ണായകമാകും.