വിപണികളുടെ തുടക്കം ഇടിവില്‍

ഏഷ്യൻ വിപണികളിലെ ദുർബലമായ പ്രവണതകൾക്കും വിദേശ ഫണ്ടുകളുടെ പുറത്തേക്കൊഴുക്ക് തുടരുന്നതിനും ഇടയിൽ മൂന്ന് ദിവസത്തെ റാലിക്ക് ശേഷം ചൊവ്വാഴ്ച തുടക്ക വ്യാപാരത്തിൽ ഇക്വിറ്റി ബെഞ്ച്മാർക്ക് സൂചികകൾ ഇടിഞ്ഞു. ബിഎസ്ഇ സെൻസെക്‌സ് 216.73 പോയിന്റ് താഴ്ന്ന് 64,741.96 എന്ന നിലയിലെത്തി. നിഫ്റ്റി 63.05 പോയിന്റ് താഴ്ന്ന് 19,348.70 ൽ എത്തി.

സെൻസെക്‌സില്‍ ഐസിഐസിഐ ബാങ്ക്, പവർ ഗ്രിഡ്, എച്ച്‌ഡിഎഫ്‌സി ബാങ്ക്, ഭാരതി എയർടെൽ, ഏഷ്യൻ പെയിന്റ്‌സ്, ലാർസൻ ആൻഡ് ടൂബ്രോ എന്നിവയാണ് പ്രധാനമായും ഇടിവ് നേരിടുന്നത്. ബജാജ് ഫിൻസെർവ്, ഇൻഡസ്ഇൻഡ് ബാങ്ക്, ബജാജ് ഫിനാൻസ്, സൺ ഫാർമ എന്നിവയാണ് പ്രധാനമായും നേട്ടമുണ്ടാക്കിയത്.

ഏഷ്യൻ വിപണികളിൽ, സിയോൾ, ടോക്കിയോ, ഷാങ്ഹായ്, ഹോങ്കോംഗ് എന്നിവ നെഗറ്റീവ് ടെറിട്ടറിയിലാണ് വ്യാപാരം നടത്തുന്നത്. തിങ്കളാഴ്ച യുഎസ് വിപണികൾ നേരിയ നേട്ടത്തോടെയാണ് അവസാനിച്ചത്. ആഗോള എണ്ണ മാനദണ്ഡമായ ബ്രെന്റ് ക്രൂഡ് 0.49 ശതമാനം ഇടിഞ്ഞ് ബാരലിന് 84.76 ഡോളറിലെത്തി.

വിദേശ നിക്ഷേപക സ്ഥാപനങ്ങള്‍ (എഫ്‌ഐഐ) തിങ്കളാഴ്ച 549.37 കോടി രൂപയുടെ ഇക്വിറ്റികൾ ഓഫ്‌ലോഡ് ചെയ്തതായി എക്സ്ചേഞ്ച് ഡാറ്റ വ്യക്തമാക്കുന്നു. തിങ്കളാഴ്ച ബിഎസ്ഇ ബെഞ്ച്മാർക്ക് 594.91 പോയിന്റ് അഥവാ 0.92 ശതമാനം ഉയർന്ന് 64,958.69 എന്ന നിലയിലെത്തി. വിശാലമായ നിഫ്റ്റി 181.15 പോയിന്റ് അഥവാ 0.94 ശതമാനം ഉയർന്ന് 19,411.75 ലെത്തി.