ഇന്ന് വാച്ച്ലിസ്റ്റിൽ സൂക്ഷിക്കാൻ ചില ഓഹരികൾ

ഇന്ന് (ഡിസംബർ ഒൻപത്, ചൊവ്വാഴ്ച) ശ്രദ്ധയാകർഷിക്കാൻ സാധ്യതയുള്ള ഓഹരികളിൽ കാർഷിക കയറ്റുമതി മേഖലയിലെ ഓഹരികളുണ്ട്. ഇന്ത്യൻ അരിക്ക് യുഎസ് തീരുവ ചുമത്താൻ സാധ്യതയുണ്ടെന്ന റിപ്പോർട്ടുകൾ മൂലം കെആർബിഎൽ, എൽടി ഫുഡ്‌സ് , കോഹിനൂർ ഫുഡ്‌സ് എന്നിവ ശ്രദ്ധയാകർഷിക്കും.

ഇൻഡിഗോ ഓഹരികളും ശ്രദ്ധ നേടും. പുതിയ പൈലറ്റ് ഡ്യൂട്ടി മാനദണ്ഡങ്ങളും ചെറിയ സാങ്കേതിക തകരാറുകളുമാണ് വിമാനങ്ങൾ റദ്ദാക്കാൻ കാരണമെന്ന് എയർലൈൻ ഡിജിസിഎയെ അറിയിച്ചതിനെ തുടർന്ന് ഓഹരിയിൽ കൂടിയ വ്യാപാരം കാണാൻ സാധ്യതയുണ്ട്.

ഫിസിക്സ് വാലാ സെപ്റ്റംബർ പാദത്തിൽ ഏകീകൃത ലാഭത്തിൽ 62 ശതമാനം വർധനവ് രേഖപ്പെടുത്തിയിരുന്നു. വരുമാനത്തിൽ 26 ശതമാനമാണ് വർധനവ്. എഡ്‌ടെക് കമ്പനിയിൽ പോസിറ്റീവ് സൂചന കണ്ടേക്കും.വലിയ ധനകാര്യ ഓഹരികളും ഇൻഡക്സ്-ഹെവി സ്റ്റോക്കുകളും ശ്രദ്ധ നേടും.

എഫ്ഐഐ/ഡിഐഐ നിക്ഷേപ പ്രവാഹങ്ങളിലെ മാറ്റങ്ങളോട് ഈ ഓഹരികൾ ശക്തമായി പ്രതികരിച്ചേക്കാം.നിക്ഷേപകർ ജാഗ്രത പുലർത്തുന്ന വ്യാപാര സെഷൻ ഇന്ന് പ്രതീക്ഷിക്കാം. ആഗോള സംഭവവികാസങ്ങൾ ആഭ്യന്തര വിപണിയെ സ്വാധീനിക്കാൻ സാധ്യതയുണ്ട്.