തുടർച്ചയായി ഇടിഞ്ഞ് വേദാന്ത ഓഹരികൾ; വീണ്ടും കൂപ്പുകുത്തുമോ?

വേദാന്ത ഓഹരികളിൽ വീണ്ടും തകർച്ച. ഇന്ന് 2.52 ശതമാനം ഇടിഞ്ഞ് 252.50 രൂപയിലാണ് ഓഹരി വില.തുടർച്ചയായ അഞ്ചാം സെഷനിലാണ് വേദാന്ത ഓഹരികൾ ഇടിഞ്ഞത്. കൂടുതൽ നഷ്ടം പ്രതീക്ഷിക്കുകയാണ് അനലിസ്റ്റുകൾ. ചാർട്ടുകളിൽ വേദാന്ത ഓഹരികൾ ഓവർസോൾഡ് ആണ്.

ശരാശരി മൂവിംഗ് ആവറേജുകളേക്കാൾ താഴെയാണ് വ്യാപാരം. ഇത് സ്റ്റോക്ക് ബെയറിഷ് സോണിൽ വ്യാപാരം നടത്തുന്നുവെന്ന് സൂചിപ്പിക്കുന്നു.അതേസമയം, പ്രൊമോട്ടർമാർ വലിയ ബ്ലോക്ക് ഡീലുകൾ വഴി ഓഹരികൾ ലയിപ്പിച്ചതിനെത്തുടർന്നാണ് വേദാന്ത ഓഹരികളിൽ നിക്ഷേപകർ വലിയ ലാഭം ബുക്ക് ചെയ്തത്. കമ്പനിയുടെ വിപണി മൂല്യത്തിലും കുത്തനെ ഇടിവ്. 98,717 കോടി രൂപയായാണ് വിപണി മൂല്യം കുറഞ്ഞത്.

ഒരു വർഷത്തിനുള്ളിൽ 58 ശതമാനം നേട്ടം

ഈ വർഷം ഓഹരി 16% ഉയർന്ന് ഒരു വർഷത്തിനുള്ളിൽ 58 ശതമാനം നേട്ടമുണ്ടാക്കിയിരുന്നു. വേദാന്ത ഓഹരികൾക്ക് ഒരു വർഷത്തെ ബീറ്റ 1.3 ആണ്. ഇത് ഓഹരിയിൽ വളരെ ഉയർന്ന ചാഞ്ചാട്ടത്തെ സൂചിപ്പിക്കുന്നു.

280 രൂപയ്ക്ക് മുകളിലുള്ള സ്ഥിരമായ നീക്കം 295–313 രൂപയിലേക്ക് ഓഹരി വീണ്ടും ഉയരുന്നതിന് കാരണമാകാം എങ്കിലും 250 ലെവലാണ് ഉടനടിയുള്ള സപ്പോർട്ട്. അടുത്ത പ്രധാന സപ്പോർട്ട് 236 രൂപയാണ്. റെസിസ്റ്റൻസ് ലെവൽ 280 രൂപക്കും 313 രൂപയ്ക്കും ഇടയിലാണെന്ന് എസ്എംസി ഗ്ലോബൽ സെക്യൂരിറ്റീസ് എവിപി ഷിതിജ് ഗാന്ധി ചൂണ്ടിക്കാട്ടുന്നു.