വളര്‍ച്ചയ്ക്ക് മുന്‍ഗണന നല്‍കണമെന്ന് ആർബിഐയോട് സാമ്പത്തിക വിദഗ്ദർ

റിസര്‍വ് ബാങ്ക് ഓഫ് ഇന്ത്യ (ആര്‍ബിഐ) 2022 ഏപ്രിലിലെ പോളിസി യോഗത്തില്‍ പണപ്പെരുപ്പ ഭയത്തെക്കാള്‍ വളര്‍ച്ചയ്ക്ക് മുന്‍ഗണന നല്‍കുമെന്ന് സാമ്പത്തിക വിദഗ്ദർ പ്രതീക്ഷിക്കുന്നു. ഫെബ്രുവരിയിലെ പച്ചക്കറി വില പ്രതീക്ഷിച്ചതിലും ഉയര്‍ന്നതിനാല്‍ ഉപഭോക്തൃ വില സൂചിക (സിപിഐ) പണപ്പെരുപ്പം ഉയര്‍ന്ന് തന്നെ തുടരുന്നു. കൂടാതെ, റഷ്യ-യുക്രെയ്ന്‍ പ്രതിസന്ധിയെ തുടര്‍ന്നുള്ള മാസങ്ങളില്‍ ക്രൂഡ് ഓയില്‍ വില ഉയര്‍ന്നതിനാല്‍ പണപ്പെരുപ്പം ഉയര്‍ന്ന തലത്തില്‍ തുടരുമെന്ന് പ്രതീക്ഷിക്കുന്നു.

സാമ്പത്തിക വളര്‍ച്ച ഇപ്പോള്‍ പണപ്പെരുപ്പത്തേക്കാള്‍ വലിയ ആശങ്കയാണെന്ന് തങ്ങള്‍ കരുതുന്നുവെന്നും 2022 സാമ്പത്തിക വര്‍ഷത്തിലെ പണപ്പെരുപ്പം പ്രതിവര്‍ഷം 5.2-5.4 ശതമാനം മേഖലയിലായിരിക്കുമെന്ന് പ്രതീക്ഷിക്കുന്നുവെന്നും മോത്തിലാല്‍ ഓസ്വാള്‍ ഫിനാന്‍ഷ്യല്‍ സര്‍വീസസ് പറഞ്ഞു. ഈ മാസം ആദ്യം പുറത്തുവിട്ട കണക്കുകള്‍ പ്രകാരം 2022 ഫെബ്രുവരിയില്‍ ഉപഭോക്തൃ വില സൂചിക പണപ്പെരുപ്പം എട്ട് മാസത്തെ ഏറ്റവും ഉയര്‍ന്ന നിരക്കായ 6.1 ശതമാനത്തിലെത്തി. കൂടാതെ, ഭക്ഷ്യ പണപ്പെരുപ്പം 2022 ഫെബ്രുവരിയില്‍ 15 മാസത്തെ ഉയര്‍ന്ന നിരക്കായ 5.8 ശതമാനത്തിലെത്തി. ഒരു മാസം മുമ്പ് ഇത് 5.4 ശതമാനമായിരുന്നു.

ഭക്ഷണത്തില്‍, പച്ചക്കറികള്‍ പ്രാഥമികമായി പണപ്പെരുപ്പത്തിന്റെ കുതിച്ചുചാട്ടത്തിന് കാരണമായി. പച്ചക്കറിയെ ഒഴിച്ചു നിര്‍ത്തിയാല്‍ 2022 ജനുവരിയില്‍ 6.1 ശതമാനമാണ് ഉപഭോക്തൃ വില സൂചിക. ഉപഭോക്തൃ വില സൂചികയില്‍ 17 ശതമാനം വരുന്ന ധാന്യങ്ങളും ഉല്‍പ്പന്നങ്ങളും, മാംസം, മത്സ്യം, സുഗന്ധവ്യഞ്ജനങ്ങള്‍, പഞ്ചസാര, പലഹാരങ്ങള്‍ എന്നിവയും ഉയര്‍ന്ന പണപ്പെരുപ്പത്തിന് കാരണമായി.നേരെമറിച്ച്, 2022 ഫെബ്രുവരിയില്‍ ഇന്ധന, വൈദ്യുതി പണപ്പെരുപ്പം 10 മാസത്തെ ഏറ്റവും താഴ്ന്ന നിരക്കായ 8.7 ശതമാനത്തിലെത്തി.കൂടാതെ, 2022 ഫെബ്രുവരിയില്‍ തുടര്‍ച്ചയായ അഞ്ചാം മാസവും പ്രധാന നാണയപ്പെരുപ്പം 6.2 ശതമാനത്തില്‍ നിന്നു.