കൊച്ചി കോര്‍പറേഷന്‍ ബജറ്റ് നാളെ

കൊച്ചി:വിശപ്പ് രഹിത കൊച്ചി എന്ന ലക്ഷ്യത്തോടെ കഴിഞ്ഞ വര്‍ഷത്തെ ബജറ്റില്‍ കൊച്ചി കോര്‍പറേഷന്‍ പ്രഖ്യാപിച്ച സമൃദ്ധി @ കൊച്ചിക്ക് വന്‍ സ്വീകാര്യതയാണ് ലഭിച്ചത്. നാളെ അവതരിപ്പിക്കപ്പെടുന്ന ബജറ്റിലും കൊവിഡ് ഏല്‍പ്പിച്ച ആഘാതത്തില്‍ നിന്നും കരകയറുന്ന കൊച്ചിക്കായി കൈയ്യടി നേടുന്ന പ്രഖ്യാപനങ്ങളുണ്ടാകുമെന്നാണ് പ്രതീക്ഷ. കോര്‍പറേഷന്‍ കൗണ്‍സില്‍ ഹാളില്‍ നാളെ രാവിലെ പത്തിന് ഡെപ്യൂട്ടി മേയര്‍ കെ.എ അന്‍സിയയാണ് ബജറ്റ് അവതരിപ്പിക്കുന്നത്. ബജറ്റിനു മേലുള്ള ചര്‍ച്ച് 26 നാണ്. 30 നാണ് ബജറ്റ് അംഗീകരിക്കല്‍. എല്‍ഡിഎഫ് ഭരണ സമിതിയുടെ ആദ്യ ബജറ്റായ 2021-22 ലേത് മട്ടാഞ്ചേരി, ഇടക്കൊച്ചി, പള്ളുരുത്തി വടുതല തുടങ്ങിയ മേഖലകളുടെ സമഗ്ര വികസനത്തിന് ഊന്നല്‍ നല്‍കിയിരുന്നു. ജനക്ഷേമം, വികസനം,ജീവിതനിലവാരം ഉയര്‍ത്തല്‍ തുടങ്ങിയ മേഖലകള്‍ക്ക് ഊന്നല്‍ നല്‍കിയാവും ഇത്തവണത്തെ ബജറ്റെന്നാണ് പ്രതീക്ഷ.