ചെലവ് കൂടുന്നു, നഗരങ്ങളിൽ കുടുംബ ബജറ്റ് താളം തെറ്റുന്നു

വർദ്ധിച്ച് വരുന്ന ചെലവ്, ന​ഗരങ്ങളിലെ 43 ശതമാനത്തോളം കുടുംബങ്ങളെ വലക്കുന്നതായി സർവ്വേ. പ്രമുഖ മാർക്കറ്റ് റിസേർച്ച് സംഘടനയായ യൂ ഗോവ് ആണ് സർവ്വേ നടത്തിയത്.

ഉയർന്ന പണപ്പെരുപ്പം മൂലം, കഴിഞ്ഞ വർഷത്തേക്കാൾ ചെലവ് വളരെയധികം ഉയർന്നിട്ടുണ്ടെന്ന് ഭൂരിഭാ​ഗം കുടുംബങ്ങളും ഒരു സർവെയിൽ വ്യക്തമാക്കി. തങ്ങളുടെ ജീവിതച്ചെലവിൽ സ്വാധീനം ചെലുത്തുന്നുണ്ടെങ്കിലും, 22 ശതമാനം മാത്രമാണ് തങ്ങളുടെ സാമ്പത്തിക സ്ഥിതി കഴിഞ്ഞ വർഷത്തെ അപേക്ഷിച്ച് മോശമായതായി പറഞ്ഞത്. 10-ൽ മൂന്ന് പേർക്കും (30 ശതമാനം) തങ്ങളുടെ സാമ്പത്തിക സ്ഥിതി മെച്ചപ്പെട്ടതായി അഭിപ്രായപ്പെട്ടെങ്കിലും 42 ശതമാനം പേരും ഇതിൽ മാറ്റമൊന്നും വന്നിട്ടില്ലെന്നും അറിയിച്ചു.

അടുത്ത വ‌ർഷത്തിനുള്ളിൽ ഈ സ്ഥിതിയിൽ മാറ്റമുണ്ടാകുമെന്ന് 40 ശതമാനം ആളുകളും പ്രതീക്ഷിക്കുന്നുണ്ടെന്നും സർവേ പറയുന്നു.

എന്നാൽ, 32 ശതമാനം ആളുകളും മാറ്റമൊന്നും പ്രതീക്ഷിക്കുന്നില്ലയെന്നും, 17 ശതമാനം പേർ മാത്രമേ ഭാവിയിൽ കൂടുതൽ മോശമാകുമെന്ന് കരുതുന്നുള്ളുവെന്നും സർവേ കൂട്ടിച്ചേർത്തു.ജൂൺ 7 മുതൽ 10 വരെ യൂ ഗവ്സ് നടത്തിയ ഓൺലൈൻ സ‌ർവേയിലാണ് 1013 കുടുംബങ്ങൾ തങ്ങളുടെ അഭിപ്രായം രേഖപ്പെടുത്തിയത്.