സ്വര്‍ണം 38,000ല്‍: ഡോളറിനെതിരെ രൂപയുടെ മൂല്യം 79.51

കൊച്ചി: സംസ്ഥാനത്ത് സ്വര്‍ണവിലയില്‍ വര്‍ധന. ഇന്ന് പവന് 280 രൂപ കുറഞ്ഞ് 38,000 രൂപയില്‍ എത്തി (22 കാരറ്റ്). ഗ്രാമിന് 35 രൂപ വര്‍ധിച്ച് 4,750 രൂപയായിട്ടുണ്ട്. കഴിഞ്ഞ ദിവസം സ്വര്‍ണവില പവന് 160 രൂപ കുറഞ്ഞ് 37,720 രൂപയില്‍ എത്തിയിരുന്നു. ചൊവ്വാഴ്ച്ച പവന് 200 രൂപയാണ് വര്‍ധിച്ചത്. ഇന്ന് 24 കാരറ്റ് സ്വര്‍ണം പവന് 304 രൂപ വര്‍ധിച്ച് 41,456 രൂപയായി. ഗ്രാമിന് 38 രൂപ വര്‍ധിച്ച് 5,182 രൂപയായി. വെള്ളി വില ഗ്രാമിന് 0.20 രൂപ വര്‍ധിച്ച് 63.20 രൂപയായി. എട്ട് ഗ്രാമിന് 505.60 രൂപയാണ് ഇന്ന് വിപണി വില.

ഇന്ന് വ്യാപാരം ആരംഭിച്ചപ്പോള്‍ ഡോളറിനെതിരെ രൂപയുടെ മൂല്യം 36 പൈസ ഇടിഞ്ഞ് 79.51ല്‍ എത്തി. ഇന്റര്‍ബാങ്ക് ഫോറക്‌സ് എക്‌സ്‌ചേഞ്ചില്‍ വ്യാപാരം ആരംഭിച്ചപ്പോള്‍ 79.21 എന്ന നിലയിലായിരുന്നു രൂപ. ഇക്കഴിഞ്ഞ വെള്ളിയാഴ്ച്ച ഡോളറിനെതിരെ രൂപയുടെ മൂല്യം മൂന്നാഴ്ച്ചയ്ക്കിടയിലെ ഏറ്റവും ഉയര്‍ന്ന നിരക്കില്‍ എത്തിയിരുന്നു.

അന്ന് ഡോളറിനെതിരെ രൂപയുടെ മൂല്യം 45 പൈസ ഉയര്‍ന്ന് 79.42 ലേക്ക് എത്തി. ബ്രെന്റ് ക്രൂഡിന്റെ വില 0.24 ശതമാനം ഉയര്‍ന്ന് 97.01 ഡോളറായിട്ടുണ്ട്. ഇന്ന് രാവിലെ വ്യാപാരം ആരംഭിച്ചപ്പോള്‍ സെന്‍സെക്‌സ് 286.7 പോയിന്റ് ഉയര്‍ന്ന് 58,637.23ല്‍ എത്തി. എന്‍എസ്ഇ നിഫ്റ്റി 80.50 പോയിന്റ് ഉയര്‍ന്ന് 17,468.65ലുമാണ് ഇപ്പോള്‍ വ്യാപാരം നടക്കുന്നത് (ഇന്ന് രാവിലെ 10.30 പ്രകാരം).