വായു മലിനീകരണം; നഗരങ്ങളില്‍ മരണസംഖ്യ ഉയരുന്നു

താരതമ്യേന ശുദ്ധവായു ഉണ്ടെന്ന് മുമ്പ് കരുതിയിരുന്ന ഇന്ത്യന്‍ നഗരങ്ങളില്‍പോലും വായു മലിനീകരണത്തില്‍ നിന്നുള്ള മരണസംഖ്യ ഉയരുന്നതായി റിപ്പോര്‍ട്ട്. ദ ലാന്‍സെറ്റ് പ്ലാനറ്ററി ഹെല്‍ത്ത് ജേണലിലെ ഒരു പഠനത്തിലാണ് ഇക്കാര്യം പരാമര്‍ശിക്കുന്നത്.ഇത് ഡല്‍ഹി പോലുള്ള മഹാനഗരങ്ങള്‍ക്കപ്പുറത്തേക്ക് എങ്ങനെ വ്യാപിക്കുന്നുവെന്ന് അടിവരയിടുന്നു.

രാജ്യത്തെ വായു-ഗുണനിലവാര പ്രതിസന്ധിയുടെ വ്യാപകമായ സ്വഭാവത്തിലേക്ക് റപ്പോര്‍ട്ട് വെളിച്ചം വീശുന്നു. പരിശോധിച്ച 10 നഗരങ്ങളിലെ വായു മലിനീകരണം മൂലമുണ്ടാകുന്ന 33,000 വാര്‍ഷിക മരണങ്ങളില്‍ ഗണ്യമായ പങ്കും രേഖപ്പെടുത്തിയിരിക്കുന്നത് ബെംഗളൂരു, ചെന്നൈ, കൊല്‍ക്കത്ത, മുംബൈ തുടങ്ങിയ നഗരങ്ങളിലാണ്. ഇവിടെ വായു ഗുണനിലവാരം ക്രമേണ താഴ്ന്നുവരികയാണ്.

''ഇന്ത്യന്‍ വായു ഗുണനിലവാര പരിധിക്ക് താഴെ പോലും ഞങ്ങള്‍ നിരീക്ഷിക്കുന്ന കാര്യമായ ഫലങ്ങള്‍ ഭയാനകമാണ്,'' സസ്‌റ്റൈനബിള്‍ ഫ്യൂച്ചേഴ്സ് കൊളാബറേറ്റീവിലെ സഹപ്രവര്‍ത്തകനും പഠനത്തിന്റെ പ്രധാന രചയിതാവുമായ ഭാര്‍ഗവ് കൃഷ്ണ പറഞ്ഞു.

2008 നും 2019 നും ഇടയില്‍ സാമ്പിള്‍ ഏരിയകളിലുടനീളം 3.6 ദശലക്ഷം മരണങ്ങള്‍ ഗവേഷകര്‍ പരിശോധിച്ചു. മലിനീകരണം കാന്‍സറിനു വരെ കാരണമാകുന്നു എന്ന് കണ്ടെത്തിയിട്ടുണ്ട്. ഈ മലിനീകരണം ആയുര്‍ദൈര്‍ഘ്യം കുറയ്ക്കുമെന്ന് ഗവേഷകര്‍ കണ്ടെത്തി.

പഠനം നടത്തിയ നഗരങ്ങളില്‍ ഏറ്റവും ശുദ്ധവായു ഉള്ള ഹിമാലയന്‍ പട്ടണമായ ഷിംലയില്‍ പോലും 3.7 ശതമാനം മരണങ്ങളും മലിനീകരണവുമായി ബന്ധപ്പെട്ടതാണെന്ന് പഠനം കണ്ടെത്തിയിട്ടുണ്ട്.