Union Budget 2026 Key Highlights : കേരളത്തിൽ ധാതുവിഭവ ഇടനാഴി, സെമി കണ്ടക്ടർ വ്യവസായ രംഗത്തിനായി 40000 കോടി രൂപ, പ്രധാന ബജറ്റ് പ്രഖ്യാപനങ്ങൾ ഒറ്റ നോട്ടത്തിൽ.

വികസിത ഭാരതം എന്ന സർക്കാരിൻ്റെ സ്വപ്നത്തിൻ്റെ ചുവടുപിടിച്ച് രാജ്യത്തെ ആദ്യഫുൾടൈം വനിതാ ധനമന്ത്രിയുടെ ഒൻപതാം ബജറ്റ് അവതരണം. രാജ്യത്തെ സംബന്ധിച്ച് 2026 - 27 സാമ്പത്തിക വർഷത്തെ ബജറ്റ് നിർണായകമാണ്.

യുഎസ് ചുമത്തുന്ന ഉയർന്ന തീരുവയെ തുടർന്നുള്ള ആശങ്കകൾ, ഇന്ത്യൻ വിപണിയിൽ നിന്ന് പിന്തിരിഞ്ഞുകൊണ്ടിരിക്കുന്ന നിക്ഷേപകർ, രൂപയുടെ മൂല്യം ഇടിവ്, കുറഞ്ഞ നോമിനൽ ജിഡിപി വളർച്ച, ഉയരുന്ന കടം- ജിഡിപി അനുപാതം, ഉയർന്ന തൊഴിലില്ലായ്മ തുടങ്ങി ഒട്ടേറെ വെല്ലുവിളികളുടെ നടുവിലായിരുന്നു ബജറ്റ് അവതരണം.

കേന്ദ്ര ബജറ്റിലെ പ്രധാന പ്രഖ്യാപനങ്ങൾ എന്തൊക്കെ?

* വികസിത ഭാരതത്തിലേക്കുള്ള സ്വപനത്തിലേക്ക് ആത്മവിശ്വാസത്തോടെ ചുവടുവയ്ക്കാൻ രാജ്യത്തിനാകും എന്ന് പ്രഖ്യാപിച്ച് ധനമന്ത്രിയുടെ ബജറ്റ് പ്രസം​ഗം. പ്രധാനമന്ത്രി നരേന്ദ്ര മോദിക്ക് പ്രശംസ. ഉയർന്ന അനിശ്ചിതത്വങ്ങളുടെയും സാമ്പത്തിക പ്രതിസന്ധിയുടെയും സമയത്തെയും മുന്നേറ്റം ചൂണ്ടിക്കാട്ടിയായിരുന്നു തുടക്കം.

മൂന്ന് കാര്യങ്ങളിൽ ഊന്നൽ

* മത്സരശേഷി വർദ്ധിപ്പിച്ച് സാമ്പത്തിക വളർച്ച നിലനിർത്തുന്നതിന് ബജറ്റിൽ ഊന്നൽ നൽകും. ഇന്ത്യയുടെ അഭിവൃദ്ധിയിൽ പൊതുജനങ്ങളെ പങ്കാളികളാക്കും. 'സബ് കാ സാത്ത്, സബ് കാ വികാസ്' എന്ന കർത്തവ്യം ഉറപ്പാക്കും. ഓരോ കുടുംബത്തിനും, സമൂഹത്തിനും, പ്രദേശത്തിനും ഇതിനുവേണ്ട വിഭവങ്ങൾ ഒരുക്കും.

* കേന്ദ്ര ബജറ്റിൽ യുവ ശക്തിക്കും പ്രാധാന്യം

* ധാതുവിഭവങ്ങളുടെ ഖനനത്തിനായുൾപ്പെടെ പ്രത്യേക പദ്ധതി- കേരളത്തിനും പിന്തുണ. വിഭവധാതു സമ്പന്നമായ സംസ്ഥാനങ്ങളിൽ പ്രത്യേക റെയർ എർത്ത് മൈനിങ് കോറിഡോർ വരും. പരാമർശിച്ചത് ആന്ധ്ര, ഒഡീഷ, തമിഴ്നാട് സ്ംസ്ഥാനങ്ങളുടെ പേരും.

* ഇന്ത്യയെ ആഗോള ബയോഫാർമ നിർമാണ ഹബ്ബാക്കും. 10000 കോടി രൂപ വകയിരുത്തി.

* ഇന്ത്യയുടെ സെമികണ്ടക്ടർ വ്യവസായ രംഗത്തിനായി 40000 കോടി രൂപ വകയിരുത്തി.

* നാച്ചുറർ ഫൈബേഴ്സിനായി പ്രത്യേക പദ്ധതി. കരകൌശല വിദഗ്ധർക്കും നെയ്ത്തുകാർക്കും പിന്തുണ.

* അത്യാധുനിക മെഗാ ടെക്സ്റ്റൈൽ പാർക്കുകൾ രാജ്യത്ത് സ്ഥാപിക്കും. മഹാത്മഗാന്ധി ഗ്രാം സമാജ് പദ്ധതി പ്രഖ്യാപിച്ചു. ടെക്സ്റ്റൈൽ വിപണിക്ക് ഉത്തേജനമാകും. തയ്യൽക്കാർക്ക് സാങ്കേതിക പരിശീലനം നൽകും.

* കണ്ടെയ്നർ നിർമ്മാണത്തിനായി 5 വർഷത്തേക്ക് 10,000 കോടി

* ഏഴ് അതിവേഗ റെയിൽ ഇടനാഴികൾ പ്രഖ്യാപിച്ചു. കേരളത്തിന് അവഗണന

* പ്രത്യേക ഇൻഫ്രാസ്ട്രക്ചർ ഗ്യാരൻ്റി ഫണ്ടുകൾ രൂപീകരിക്കും.

* മെഡിക്കൽ ടൂറിസം ഹബ്ബുകൾ രൂപീകരിക്കാൻ സംസ്ഥാനങ്ങൾക്ക് പിന്തുണ. സ്വകാര്യ കമ്പനികളുമായി സഹകരിക്കാം. പ്രത്യേക പദ്ധതി.

* ഹോസ്പിറ്റാലിറ്റി മേഖലക്കായി പ്രത്യേക ഇൻ്സ്റ്റിറ്റ്യൂട്ട്

* വിദേശികൾക്ക് ഇനി നേരിട്ട് ഇന്ത്യൻ ഓഹരികൾ വാങ്ങാം

ഇന്ത്യയ്ക്ക് പുറത്ത് താമസിക്കുന്ന വ്യക്തികൾക്ക് ഇപ്പോൾ പോർട്ട്ഫോളിയോ നിക്ഷേപ പദ്ധതി വഴി ഓഹരികളിൽ നിക്ഷേപിക്കാനാകും. വ്യക്തിഗത പരിധി 5% ൽ നിന്ന് 10% ആയി ഉയർത്തും. എല്ലാ നിക്ഷേപകരുടെയും സംയോജിത പരിധി 24 ശതമാനമാക്കും.

എഐക്കായി പ്രത്യേക പദ്ധതി

* ഒപ്‌റ്റോമെട്രി, റേഡിയോളജി, അനസ്‌തേഷ്യ തുടങ്ങിയ 10 വിഭാഗങ്ങളിലായി 1 ലക്ഷം അലൈഡ് ഹെൽത്ത് പ്രൊഫഷണലുകൾക്ക് അവസരങ്ങൾ നൽകും.

*1. 5 ലക്ഷം കെയ‍ർ ​ഗിവർമാർക്ക് പരിശീലനം നൽകും.

*ആനിമേഷൻ, വിഷ്വൽ ഇഫക്റ്റ്സ്, ​ഗെയിമിങ് മേഖലക്കായി പ്രത്യേക പദ്ധതി

കായിക മേഖലക്ക് പിന്തുണ

*കായിക മേഖലക്ക് പ്രത്യേക പിന്തുണ. പ്രത്യേക പരിശീലന കേന്ദ്രങ്ങൾ സ്ഥാപിക്കും. ഖേലോ ഇന്ത്യ മിഷൻ രൂപീകരിച്ചു.

* നാഷണൽ ഇൻസ്റ്റിറ്റ്യൂട്ട് ഓഫ് ഹോസ്പിറ്റാലിറ്റി രൂപീകരിക്കും

* വനിതകൾക്കായി ഷീ മാർട്ട് പദ്ധതി. എല്ലാ ജില്ലകളിലും വനിതാ ഹോസ്റ്റലുകൾ വരും.

* 500 ജലസംഭരണികൾ വികസിപ്പിക്കും. തീരദേശ പ്രദേശങ്ങളിലെ മത്സ്യബന്ധനത്തിന് പിന്തുണ. ക്ഷീര കർഷക ഉൽ‌പാദക സംഘടനകളെ പ്രോത്സാഹിപ്പിക്കാം. നാളികേര ഉൽ‌പാദന മത്സരശേഷി വർദ്ധിപ്പിക്കും. കശുവണ്ടി, കൊക്കോ എന്നിവയുടെ ഉൽപാദനം പ്രോത്സാഹിപ്പിക്കാൻ പ്രത്യേക പദ്ധതി. *മൃഗപരിപാലനത്തിന് പ്രത്യേക ക്രെഡിറ്റ് ലിങ്ക്ഡ് ലോൺ

നികുതി

* നികുതി നിയമങ്ങൾ ലഘൂകരിക്കും

* വാഹനാപകട നഷ്ടപരിഹാര തുകക്ക് ഇനി നികുതി നൽകേണ്ടതില്ല.

*സംസ്ഥാനങ്ങൾക്കായി 1 .4 ലക്ഷം കോടി രൂപ

*വിദേശയാത്രയുടെ ടിസിഎസ് ഇനി രണ്ടു ശതമാനം മാത്രം. നേരത്തെ 5 ശതമാനം ആയിരുന്നു

* വരുമാനം സംബന്ധിച്ച തെറ്റായ വിവരങ്ങൾ നൽകിയാൽ കടുത്ത പിഴ

* പുതിയ അക്കാദമിക സെൻ്ററുകൾ വരും.

*