Login 
പഠിക്കാം & സമ്പാദിക്കാം 
Home
2 March 2026 4:11 PM IST
Summary
ജനങ്ങള് തമ്മിലുള്ള ബന്ധം ദൃഢമാക്കുന്നതിനായി വിദ്യാഭ്യാസ-സാംസ്കാരിക മേഖലകളില് വിപുലമായ മാറ്റങ്ങളാണ് വരുന്നത്. കനേഡിയന് സര്വ്വകലാശാലകള്ക്ക് ഇന്ത്യയില് ക്യാമ്പസുകള് തുടങ്ങാന് വഴിയൊരുങ്ങും. ആരോഗ്യ സംരക്ഷണം, കൃഷി, നവീകരണം എന്നീ മേഖലകളില് സര്വകലാശാലാ തലത്തിലുള്ള സഹകരണം ഉറപ്പാക്കി
ഇന്ത്യയുടെ ഊര്ജ്ജസ്വപ്നങ്ങള്ക്ക് ഇന്ധനമാകും. കാനഡയുമായി 2.6 ബില്യണ് ഡോളറിന്റെ (ഏകദേശം 21,000 കോടി) യുറേനിയം വിതരണ കരാര് യാഥാര്ത്ഥ്യമായി. ഡല്ഹിയിലെ ഹൈദരാബാദ് ഹൗസില് പ്രധാനമന്ത്രി നരേന്ദ്ര മോദിയും കനേഡിയന് പ്രധാനമന്ത്രി മാര്ക്ക് കാര്ണിയും നടത്തിയ കൂടിക്കാഴ്ചയിലാണ് ഈ ചരിത്ര തീരുമാനം. ഇന്ത്യയുടെ സിവില് ആണവോര്ജ്ജ പദ്ധതികള്ക്ക് ദീര്ഘകാലത്തേക്ക് സുരക്ഷിതമായ ഇന്ധനലഭ്യത ഉറപ്പാക്കുന്ന ഈ കരാര്, രാജ്യത്തിന്റെ വികസന കുതിപ്പിന് വലിയൊരു ഊര്ജ്ജതന്ത്രമായി മാറും.
വ്യാപാര വിപ്ലവത്തിലേക്ക് 'സിഇപിഎ'
വെറുമൊരു ഊര്ജ്ജ കരാറിനപ്പുറം, ഇരുരാജ്യങ്ങളും തമ്മിലുള്ള സാമ്പത്തിക ബന്ധം അടിമുടി മാറ്റാനൊരുങ്ങുകയാണ്. സമഗ്ര സാമ്പത്തിക പങ്കാളിത്ത കരാര് (സിഇപിഎ) 2026 അവസാനത്തോടെ പൂര്ത്തിയാക്കാന് ഇരു നേതാക്കളും ധാരണയിലെത്തി. 2030-ഓടെ ഉഭയകക്ഷി വ്യാപാരം 50 ബില്യണ് ഡോളറില് എത്തിക്കുക എന്നതാണ് ലക്ഷ്യം. ഇത് യാഥാര്ത്ഥ്യമാകുന്നതോടെ ചരക്ക് നീക്കം സുഗമമാവുകയും, ലക്ഷക്കണക്കിന് പുതിയ തൊഴിലവസരങ്ങളും വന്തോതിലുള്ള വിദേശ നിക്ഷേപവും ഇന്ത്യയിലേക്ക് ഒഴുകുകയും ചെയ്യും.
ഭാവി സാങ്കേതികവിദ്യകളില് കൈകോര്ക്കുന്നു
അര്ദ്ധചാലകങ്ങള്, നിര്മ്മിത ബുദ്ധി, ക്വാണ്ടം സാങ്കേതികവിദ്യ, സൂപ്പര് കമ്പ്യൂട്ടിംഗ് എന്നീ അത്യാധുനിക മേഖലകളില് ഇന്ത്യയും കാനഡയും സ്വാഭാവിക പങ്കാളികളായി പ്രവര്ത്തിക്കും. പ്രതിരോധശേഷിയുള്ള വിതരണ ശൃംഖലകള് കെട്ടിപ്പടുക്കുന്നതിനും നിര്ണ്ണായക ധാതുക്കളുടെ ഖനനത്തിലും സംസ്കരണത്തിലും സഹകരിക്കാനും പ്രത്യേക കരാറുകള് ഒപ്പിട്ടു. ആഗോള സാമ്പത്തിക അസ്ഥിരതകളെ നേരിടാന് ഈ തന്ത്രപരമായ സഖ്യം വലിയ കരുത്താകും.
ഹരിത ഊര്ജ്ജവും ആഗോള സഖ്യവും
കാലാവസ്ഥാ വ്യതിയാനത്തെ നേരിടാനുള്ള ഇന്ത്യയുടെ നീക്കങ്ങള്ക്ക് കാനഡ പൂര്ണ്ണ പിന്തുണ പ്രഖ്യാപിച്ചു. അന്താരാഷ്ട്ര സോളാര് അലയന്സിലും ഗ്ലോബല് ബയോഫ്യുവല് അലയന്സിലും കാനഡ അംഗമാകും. ഇതിന്റെ ഭാഗമായി ഈ വര്ഷം തന്നെ 'ഇന്ത്യ-കാനഡ പുനരുപയോഗ ഊര്ജ്ജ ഉച്ചകോടി' സംഘടിപ്പിക്കും. പുനരുപയോഗ ഊര്ജ്ജ സംഭരണ സംവിധാനങ്ങളില് അത്യാധുനിക സാങ്കേതികവിദ്യകള് പങ്കുവെക്കാനും ഇരുരാജ്യങ്ങളും തീരുമാനിച്ചു.
കനേഡിയന് സര്വ്വകലാശാലകള്ക്ക് ഇന്ത്യയില് ക്യാമ്പസുകള്
ജനങ്ങള് തമ്മിലുള്ള ബന്ധം ദൃഢമാക്കുന്നതിനായി വിദ്യാഭ്യാസ-സാംസ്കാരിക മേഖലകളില് വിപുലമായ മാറ്റങ്ങളാണ് വരുന്നത്. കനേഡിയന് സര്വ്വകലാശാലകള്ക്ക് ഇന്ത്യയില് ക്യാമ്പസുകള് തുടങ്ങാന് വഴിയൊരുങ്ങും. ആരോഗ്യ സംരക്ഷണം, കൃഷി, നവീകരണം എന്നീ മേഖലകളില് സര്വകലാശാലാ തലത്തിലുള്ള സഹകരണം ഉറപ്പാക്കിയിട്ടുണ്ട്. വിദേശകാര്യ മന്ത്രിമാരായ എസ്. ജയ്ശങ്കറും അനിത ആനന്ദും തമ്മില് കൈമാറിയ ധാരണാപത്രങ്ങള് ഇരുരാജ്യങ്ങളിലെയും യുവതലമുറയ്ക്ക് പുതിയ പഠന-ഗവേഷണ അവസരങ്ങള് തുറന്നുനല്കുന്നതാണ്.