ട്രംപിനെ വെട്ടിലാക്കി ഷി ജിന്‍പിംഗ്; റെക്കോര്‍ഡിട്ട് ചൈനീസ് കയറ്റുമതി

യുഎസ് തീരുവ ആഗോളതലത്തില്‍ രാജ്യങ്ങളെ വെട്ടിലാക്കുമ്പോള്‍ പ്രതിസന്ധി അവസരമാക്കി ചൈന. ബെയ്ജിംഗ് 1.2 ട്രില്യണ്‍ ഡോളര്‍ റെക്കോര്‍ഡ് വ്യാപാര മിച്ചം കൈവരിക്കുമെന്ന് പ്രതീക്ഷിക്കുന്നു.

ഓഗസ്റ്റില്‍ ചൈനയില്‍നിന്നുള്ള ഇന്ത്യന്‍ വാങ്ങലുകള്‍ എക്കാലത്തെയും ഉയര്‍ന്ന നിലയിലെത്തി. ആഫ്രിക്കയിലേക്കുള്ള കയറ്റുമതി വാര്‍ഷിക റെക്കോര്‍ഡിലേക്ക് കുതിക്കുന്നു. തെക്കുകിഴക്കന്‍ ഏഷ്യയിലേക്കുള്ള വില്‍പ്പന പാന്‍ഡെമിക് കാലഘട്ടത്തിലെ ഏറ്റവും ഉയര്‍ന്ന നിലയിലെത്തി.

ചൈനയുടെ ഇലക്ട്രിക് കാര്‍ കയറ്റുമതി വന്‍തോതില്‍ തുടരുന്നു.

നിയോ, ബിവൈഡി, എക്‌സ്‌പെങ് തുടങ്ങിയ കമ്പനികള്‍ 2025 ലെ ആദ്യ ഏഴ് മാസങ്ങളില്‍ 19 ബില്യണ്‍ ഡോളറിലധികം മൂല്യമുള്ള ഇലക്ട്രിക് പവര്‍ വാഹനങ്ങള്‍ കയറ്റുമതി ചെയ്തു, പ്രധാനമായും യൂറോപ്പിലേക്ക്.

ചൈനയുടെ ലോകത്തെ ഏറ്റവും മികച്ച, ഹൈടെക് ഇന്നൊവേഷന്‍സ്‌ക്കായുള്ള ആവശ്യം സമീപകാല ട്രാഫിക്കിന്റെ ഭൂരിഭാഗവും നയിച്ചു, ഇന്ത്യയിലേക്കുള്ള കമ്പ്യൂട്ടര്‍ ചിപ്പുകളുടെ കയറ്റുമതി ജൂലൈയില്‍ ഏകദേശം 1 ബില്യണ്‍ ഡോളറിലെത്തി.

കയറ്റുമതിയില്‍ കുതിച്ചുചാട്ടം ഉണ്ടായിട്ടും, 2025 ലെ ആദ്യ ഏഴ് മാസങ്ങളില്‍ ചൈനീസ് വ്യാവസായിക സ്ഥാപനങ്ങളുടെ ലാഭം 1.7% കുറഞ്ഞു. കാരണം നിര്‍മ്മാതാക്കള്‍ വിദേശത്ത് കൂടുതല്‍ വില്‍ക്കാന്‍ വില കുറച്ചു. ഇത് ചൈനയുടെ സ്റ്റിക്കി ഡെഫ്‌ലേഷന്‍ കൂടുതല്‍ വഷളാക്കി. ഉപഭോഗം ഉത്തേജിപ്പിക്കുന്നതിനായി സമ്പദ്വ്യവസ്ഥയെ വീണ്ടും സന്തുലിതമാക്കാനുള്ള ബെയ്ജിംഗിന്റെ ശ്രമങ്ങളെയും കയറ്റുമതി വര്‍ധനവ് ദുര്‍ബലപ്പെടുത്തിയേക്കാം.

വില കുറച്ചുള്ള ചൈനയുടെ വില്‍പ്പനക്കെതിരെ മറ്റ് രാജ്യങ്ങള്‍ ശ്രദ്ധാപൂര്‍വമാണ് നീങ്ങുന്നത്. മെക്‌സിക്കോ മാത്രമാണ് ചൈനീസ് ഉല്‍പ്പന്നങ്ങള്‍ക്ക് 50ശതമാനം നികുതി ഏര്‍പ്പെടുത്തിയിട്ടുള്ളത്.

ചൈന, വിയറ്റ്‌നാം ഉള്‍പ്പെടെയുള്ള രാജ്യങ്ങളില്‍ നിന്ന് സാധനങ്ങള്‍ വിലകുറച്ച് വന്‍തോതില്‍ ഇറക്കുന്നത് ഇന്ത്യയും അന്വേഷിച്ചുവരികയാണ്.

80 യുഎസ് സെന്റിന് ജീന്‍സും ഷര്‍ട്ടും പ്രധാന നഗരങ്ങളിലേക്ക് കയറ്റുമതി ചെയ്യുമെന്ന് ചൈനീസ് വില്‍പ്പനക്കാര്‍ പ്രചരിപ്പിക്കുന്ന വീഡിയോകള്‍ വൈറലായതിനെത്തുടര്‍ന്ന്, സാധനങ്ങളുടെ പ്രളയം നിരീക്ഷിക്കുമെന്ന് ഇന്തോനേഷ്യയുടെ വ്യാപാര മന്ത്രിയും വ്യക്തമാക്കി.

ഏപ്രിലില്‍ രണ്ടാം ലോകമഹായുദ്ധത്തിനു ശേഷമുള്ള ഏറ്റവും ഉയര്‍ന്ന താരിഫുകള്‍ ഏര്‍പ്പെടുത്തിയാണ് യുഎസ് ലോകത്തെ ഞെട്ടിച്ചത്. ഇതിനുമുമ്പുതന്നെ രാജ്യങ്ങള്‍ ചൈനീസ് ഉല്‍പ്പന്നങ്ങളുടെ ആധിക്യത്തെക്കുറിച്ച് ആശങ്കാകുലരായിരുന്നു. എന്നാല്‍ ഒരേസമയം യുഎസിനെയും ചൈനയെും പിണക്കി മുന്നോട്ടുപോകുക സമ്പദ് വ്യവസ്ഥകള്‍ക്ക് ബുദ്ധിമുട്ടാണ്. ഈ സാഹചര്യം ഷി ജിന്‍പിംഗ് ഇന്ന് ഉപയോഗിക്കുന്നു.