Login 
പഠിക്കാം & സമ്പാദിക്കാം 
Home
8 March 2026 7:20 PM IST
Summary
അസംസ്കൃത വസ്തുക്കള്, എല്എന്ജി വിലകള് വര്ദ്ധിക്കുന്നത് ഇന്ത്യ ഉള്പ്പെടെയുള്ള സ്റ്റീല് വിപണിയിലും സമ്മര്ദ്ദം ചെലുത്തുമെന്ന് റിപ്പോര്ട്ട്
മിഡില് ഈസ്റ്റിലെ വര്ദ്ധിച്ചുവരുന്ന പ്രതിസന്ധി ഇന്ധനച്ചെലവിനെ ബാധിക്കുന്നതിനാല് ഇന്ത്യ ഉള്പ്പെടെയുള്ള ആഗോള സ്റ്റീല് വ്യവസായം വരും ദിവസങ്ങളില് വിപണിയുമായി ബന്ധപ്പെട്ട നിരവധി പ്രശ്നങ്ങള് നേരിടേണ്ടിവരും. ഇത് ചരക്ക് നിരക്കുകള് വര്ധിപ്പിക്കുന്നതിലേക്ക് നയിക്കുമെന്ന് ബിഗ്മിന്റ് റിസര്ച്ച് പറയുന്നു. ഇറാനും യുഎസും ഇസ്രായേലും പരസ്പരം ആക്രമണം തുടരുന്നതിനാല് മേഖലയിലെ സൈനിക സംഘര്ഷങ്ങള് വര്ദ്ധിച്ചുകൊണ്ടിരിക്കുകയാണ്.
അസംസ്കൃത എണ്ണ, എല്എന്ജി, ചരക്ക് ചെലവുകള് ഒരേസമയം വര്ദ്ധിച്ചുകൊണ്ടിരിക്കുകയാണെന്നും ഇത് സ്റ്റീല്, സ്റ്റീല് അനുബന്ധ ചരക്ക് വിപണികളിലേക്ക് നേരിട്ട് ചെലവ് സമ്മര്ദ്ദം ചെലുത്തുന്നുണ്ടെന്നും ബിഗ്മിന്റ് വിശകലന വിദഗ്ധര് പറഞ്ഞു. യുദ്ധത്തിന് മുമ്പ് ബാരലിന് ശരാശരി 70 ഡോളറായിരുന്ന ക്രൂഡ് ഓയില് വില ബാരലിന് ഏകദേശം 90 ഡോളറായി ഉയര്ന്നു. വരും ദിവസങ്ങളിലും വില ഉയരുമെന്നാണ് പ്രതീക്ഷ.
യുദ്ധം ചരക്കുനീക്കത്തേയും ബാധിച്ചിട്ടുണ്ട്. ഇറക്കുമതി ചെലവ് വര്ധിക്കുന്നതിനനുസരിച്ച് ഉപഭോക്താക്കളേയും ഇത് ബാധിക്കും. പശ്ചിമേഷ്യന് സംഘര്ഷം സ്റ്റീല് ഡിമാന്ഡിനെയും ബാധിച്ചേക്കാമെന്ന് വിദഗ്ധര് പറയുന്നു. സംഘര്ഷം നീണ്ടുനിന്നാല് ഓസ്ട്രേലിയ, റഷ്യ, യുഎസ് തുടങ്ങിയ പ്രധാന വിതരണ വിപണികള് സ്റ്റീല് നിര്മ്മിക്കുന്ന പ്രധാന അസംസ്കൃത വസ്തുവായ കോക്കിംഗ് കല്ക്കരിയുടെ വില ഉയര്ത്തിയേക്കും. വര്ദ്ധിച്ച ഇന്പുട്ട് ചെലവും ഉയര്ന്ന ചരക്ക് ചെലവും മാര്ജിനുകളില് സമ്മര്ദ്ദം ചെലുത്തുമെന്ന് വിശകലന വിദഗ്ധര് കൂട്ടിച്ചേര്ത്തു.