ഗാല്‍വാന്‍ അവസാനമായിരുന്നില്ല; തുടക്കം മാത്രം, ഇന്ത്യ ആണവ ഭീഷണിയുടെ നിഴലിലോ?

ലഡാക്കിലെ ഗാല്‍വാന്‍ താഴ്വരയിലുണ്ടായ ഏറ്റുമുട്ടിലിന് ദിവസങ്ങള്‍ക്ക് ശേഷം ചൈന രഹസ്യ ആണവ പരീക്ഷണം നടത്തിയതായി യുഎസ്. 2020 ജൂണിലായിരുന്നു ഇതെന്നാണ് ആരോപണം. ആഗോള നിരായുധീകരണ ഫോറത്തിലാണ് യുഎസ് ഈ വെളിപ്പെടുത്തല്‍ നടത്തിയത്. യുഎസിന്റെ വെളിപ്പെടുത്തല്‍ പതിറ്റാണ്ടുകളായി നിലനില്‍ക്കുന്ന ഇന്ത്യാ-ചൈന അതിര്‍ത്തി തര്‍ക്കത്തില്‍ പുതിയ വഴിത്തിരിവാകാന്‍ സാധ്യതയേറെയാണ്. ഇന്ത്യയുടെ ആശങ്കകള്‍ വര്‍ധിപ്പിക്കാനും ഇത് കാരണമായേക്കും.

യുഎസിന്റെ ആരോപണവും ചൈനയുടെ പ്രതികരണവും

ചൈന ആണവ സ്‌ഫോടന പരീക്ഷണങ്ങള്‍ നടത്തിയിട്ടുണ്ടെന്ന് യുഎസ് സര്‍ക്കാരിന് ബോധ്യമുണ്ടെന്ന് വെളിപ്പെടുത്താന്‍ തനിക്ക് കഴിയുമെന്ന് യുഎസ് അണ്ടര്‍ സെക്രട്ടറി ഓഫ് സ്റ്റേറ്റ് തോമസ് ജി. ഡിനാനോ വ്യക്തമാക്കി. കൂടുതല്‍ ശക്തമായ പരീക്ഷണങ്ങള്‍ക്ക് ബെയ്ജിംഗ് തയ്യാറെടുക്കുന്നതും ഇതില്‍ ഉള്‍പ്പെടുന്നു, ഡിനാന്നോ ജനീവയില്‍ നടന്ന നിരായുധീകരണ സമ്മേളനത്തില്‍ പറഞ്ഞു. ചൈനീസ് സൈന്യം 'ആണവ സ്‌ഫോടനങ്ങള്‍ പരീക്ഷണ നിരോധന പ്രതിബദ്ധതകള്‍ ലംഘിക്കുന്നതായി തിരിച്ചറിഞ്ഞതിനാല്‍ പരീക്ഷണങ്ങള്‍ മറച്ചുവെക്കാന്‍ ശ്രമിച്ചു' എന്ന് അദ്ദേഹം കൂട്ടിച്ചേര്‍ത്തു.

ഭൂകമ്പ നിരീക്ഷണത്തിന്റെ ഫലപ്രാപ്തി കുറയ്ക്കുന്നതിനുള്ള ഒരു രീതിയായ 'ഡീകൂപ്ലിംഗ്' ചൈന ലോകത്തില്‍ നിന്ന് അവരുടെ പ്രവര്‍ത്തനങ്ങള്‍ മറയ്ക്കാന്‍ ഉപയോഗിച്ചു. 2020 ജൂണ്‍ 22 ന് ബെയ്ജിംഗ് അത്തരമൊരു പരീക്ഷണം നടത്തിയത്. എന്നാല്‍ ഈ ആരോപണത്തെ ചൈന നേരിട്ട് അഭിസംബോധന ചെയ്തില്ല.

ആണവ വിഷയങ്ങളില്‍ ബെയ്ജിംഗ് 'എല്ലായ്പ്പോഴും വിവേകത്തോടെയും ഉത്തരവാദിത്തത്തോടെയും പ്രവര്‍ത്തിച്ചിട്ടുണ്ട്' എന്ന് നിരായുധീകരണത്തിനായുള്ള അവരുടെ അംബാസഡര്‍ ഷെന്‍ ജിയാന്‍ പറഞ്ഞു. 'വാഷിംഗ്ടണ്‍ ഭീഷണികളെ പെരുപ്പിച്ചു കാണിക്കുകയാണ്. അത്തരം തെറ്റായ വിവരണങ്ങളെ ചൈന ശക്തമായി എതിര്‍ക്കുന്നു,' ഷെന്‍ പറഞ്ഞു,

ആയുധ നിയന്ത്രണം

ആഗോള ആണവ സ്ഥിരതയെ സംബന്ധിച്ച നിര്‍ണായക ഘട്ടത്തില്‍ - 2010 ലെ പുതിയ START ഉടമ്പടി അവസാനിച്ചതിന് ഒരു ദിവസത്തിന് ശേഷമാണ് ഈ ആരോപണം ഉയര്‍ന്നുവന്നത്. ആ ഉടമ്പടി യുഎസിന്റെയും റഷ്യയുടെയും തന്ത്രപരമായ മിസൈലുകളുടെയും വാര്‍ഹെഡുകളുടെയും വിന്യാസത്തിന് പരിധി നിശ്ചയിച്ചിരുന്നു.

ഉടമ്പടി അവസാനിച്ചതോടെ, വാഷിംഗ്ടണും മോസ്‌കോയും അരനൂറ്റാണ്ടിലേറെയായി ആദ്യമായി ആണവ പരിധികള്‍ പാലിക്കുന്നില്ല. ഇത് പുതിയ ആയുധ മത്സരത്തിന്റെ ഭയം ഉയര്‍ത്തുന്നു. 'ഇന്ന്, അമേരിക്ക ഒന്നിലധികം ആണവ ശക്തികളില്‍ നിന്നുള്ള ഭീഷണികളെ നേരിടുന്നു. ചുരുക്കത്തില്‍, ഒരു ആണവ ശക്തി മാത്രമുള്ള ഒരു ഉഭയകക്ഷി ഉടമ്പടി 2026 ലും മുന്നോട്ടും അനുചിതമാണ്,' അദ്ദേഹം പറഞ്ഞു.

2030 ആകുമ്പോഴേക്കും ചൈനയുടെ ആണവ ശേഖരം 1,000 വാര്‍ഹെഡുകള്‍ കവിയുമെന്ന് യുഎസ് പ്രവചിക്കുന്നു. എന്നിരുന്നാലും ബെയ്ജിംഗ് അതിന്റെ കൈവശം വളരെ കുറവാണെന്ന് അവകാശപ്പെടുന്നു. എങ്കിലും ചൈന അവകാശപ്പെടുന്നത് ഏകദേശം 600 ആണവായുധങ്ങളാണ് തങ്ങളുടെ പക്കല്‍ ഉള്ളതെന്നാണ്. കൂടാതെ ഇപ്പോള്‍ ത്രികക്ഷി ചര്‍ച്ചകളില്‍ ചേരുന്നത് ബെയ്ജിംഗ് നിരസിച്ചു.

സൃഷ്ടിക്കുന്നത് തന്ത്രപരമായ ശൂന്യത

റോയിട്ടേഴ്സിന് അറിയാവുന്ന സുരക്ഷാ വിദഗ്ധര്‍ മുന്നറിയിപ്പ് നല്‍കുന്നത്, ന്യൂ START ഉടമ്പടി ഇല്ലാതാകുന്നത് ശീതയുദ്ധകാലത്തെ പോലെ അപകടകരമായ അനിശ്ചിതത്വം സൃഷ്ടിക്കുമെന്നാണ്. ആയുധ നിയന്ത്രണ കരാറുകള്‍ ഇല്ലെങ്കില്‍, പ്രധാന ആണവ ശക്തികള്‍ ഏറ്റവും മോശം സാഹചര്യങ്ങളെ മുന്‍നിര്‍ത്തി ആയുധശേഖരം വര്‍ധിപ്പിക്കേണ്ടി വരും. പ്രത്യേകിച്ച് ചൈന അതിന്റെ ആണവ ശേഷികള്‍ വേഗത്തില്‍ നവീകരിക്കുന്നതായി വിലയിരുത്തപ്പെടുന്നു. റഷ്യ ഭാവിയിലെ ആയുധ നിയന്ത്രണ ചര്‍ച്ചകള്‍ക്ക് വാഷിംഗ്ടണുമായി സംസാരിക്കാന്‍ തയ്യാറാണെന്ന് സൂചന നല്‍കിയിട്ടുണ്ട്. ബ്രിട്ടനും ഫ്രാന്‍സും ചൈന ഉള്‍പ്പെടുന്ന പുതിയ ബഹുമുഖ ചട്ടക്കൂടിനുള്ള ആവശ്യത്തെയും പിന്തുണയ്ക്കുന്നു. കാരണം ബെയ്ജിംഗിന്റെ വളരുന്ന ആയുധശേഖരവും ആണവ മാനദണ്ഡങ്ങളുടെ ദുര്‍ബലതയും ആശങ്കകള്‍ ഉയര്‍ത്തുന്നു.