ഇന്ത്യ - ജപ്പാൻ ഫണ്ടിൽ ജെ ബി ഐ സി 31 കോടി ഡോളർ നിക്ഷേപിക്കും

ജാപ്പനീസ് ബാങ്ക് ഓഫ് ഇന്റർനാഷണൽ കോഓപ്പറേഷൻ ( ജെ ബി ഐ സി ), നാഷണൽ ഇൻവെസ്റ്റ്മെന്റ് ആൻഡ് ഇൻഫ്രാസ്ട്രക്ച്ചർ ഫണ്ട് (എൻ ഐ ഐ എഫ് ) പുതിയതായി ആരംഭിക്കുന്ന 60 കോടി ഡോളർ ( 26000 കോടി രൂപ) ഇന്ത്യ - ജപ്പാൻ ഫണ്ടിൽ ( ഐ ജെ എഫ് ) പങ്കാളി ആകും. ഇത് സംബന്ധിച്ച കരാറിൽ ഇരു സ്ഥാപനങ്ങളും ഒപ്പു വെച്ചു.

കാലാവസ്ഥ - പരിസ്ഥിതി പ്രശ്ങ്ങളുടെ പരിഹാരത്തിനുള്ള ഈ ഫണ്ടിന്റെ 49 ശതമാനം ഇന്ത്യാ സർക്കാരും 51 ശതമാനം ജെ ബി ഐ സി യും നിക്ഷേപിക്കുമെന്നു എൻ ഐ ഐ എഫ് ഒരു കുറിപ്പിൽ പറഞ്ഞു. ഈ മേഖലയിൽ ഇരു രാജ്യങ്ങളുടെയും സഹകരണം ഭാവിയിൽ കൂടുതൽ ശക്തമാക്കാൻ ഈ സംയുക്ത സംരഭം സഹായിക്കുമെന്ന് എൻ ഐ ഐ എഫ് പ്രതീക്ഷിക്കുന്നു.

ആദ്യമായാണ് എൻ ഐ ഐ എഫ് നു വിദേശ നിക്ഷേപം ലഭിക്കുന്നത്.