എല്‍ കെ അദ്വാനിക്ക് ഭാരതരത്‌ന

മുതിര്‍ന്ന ബിജെപി നേതാവും മുന്‍ ഉപപ്രധാനമന്ത്രിയുമായ എല്‍ കെ അദ്വാനിക്ക് രാജ്യത്തെ പരമോന്നത ബഹുമതിയായ ഭാരതരത്‌ന പുരസ്‌കാരം സമ്മാനിക്കുമെന്ന് പ്രധാനമന്ത്രി നരേന്ദ്ര മോദി. ഇക്കാര്യം എക്‌സ് പ്ലാറ്റ്‌ഫോമിലൂടെയാണ് അറിയിച്ചത്.

' ശ്രീ എല്‍ കെ അദ്വാനി ജിക്ക് ഭാരതരത്‌നം സമ്മാനിക്കുന്നതില്‍ എനിക്ക് അതിയായ സന്തോഷമുണ്ട്. ഈ ബഹുമതി സമ്മാനിക്കുന്നതുമായി ബന്ധപ്പെട്ട് ഞാന്‍ അദ്ദേഹത്തോട് സംസാരിക്കുകയും അഭിനന്ദിക്കുകയും ചെയ്തു ' പ്രധാനമന്ത്രി കുറിച്ചു.

അടല്‍ ബിഹാരി വാജ്‌പേയി സര്‍ക്കാരില്‍ ഉപപ്രധാനമന്ത്രിയായിരുന്ന അദ്വാനി 1970 മുതല്‍ 2019 വരെ പാര്‍ലമെന്റിന്റെ ഇരുസഭകളിലും അംഗമായിരുന്നു. ലോക്‌സഭയില്‍ പ്രതിപക്ഷ നേതാവ്, ബിജെപി പ്രസിഡന്റ് തുടങ്ങിയ പദവികള്‍ വഹിച്ചിട്ടുണ്ട്.

1954-മുതലാണ് ഭാരതരത്‌ന സമ്മാനിച്ചു തുടങ്ങിയത്. ഇന്ദിരാഗാന്ധി, മദര്‍ തെരേസ, ലാല്‍ ബഹാദൂര്‍ ശാസ്ത്രി, വാജ്‌പേയി തുടങ്ങിയവര്‍ ഭാരതരത്‌ന ലഭിച്ചവരാണ്.

I am very happy to share that Shri LK Advani Ji will be conferred the Bharat Ratna. I also spoke to him and congratulated him on being conferred this honour. One of the most respected statesmen of our times, his contribution to the development of India is monumental. His is a… pic.twitter.com/Ya78qjJbPK

— Narendra Modi (@narendramodi) February 3, 2024