Resume എത്ര അയച്ചിട്ടും റിസൾട് ഉണ്ടാവുന്നില്ലേ ; ATS (Applicant Tracking Systems) ഒന്ന് പരീക്ഷിച്ച് നോക്കൂ

നിരവധി യുവാക്കളാണ് മാസ്റ്റർ ഡിഗ്രി വരെ പഠിച്ചിട്ടും ഇന്നും ജോലി തേടി നടക്കുന്നത്.മറ്റ് ചിലർ ആകട്ടെ ഉയർന്ന ജീവിത നിലവാരം സ്വപ്നം കണ്ട് വിദേശത്ത് പോയി സ്ഥിരതാമസം ഉറപ്പിക്കുന്നു.നമ്മുടെ നാട്ടിലെ ഉയർന്ന ജനസംഖ്യ ആയിരിക്കാം ഒരു പക്ഷെ തൊഴിലില്ലായ്മ ഇത്രയും രൂക്ഷമാകാൻ കാരണം.എന്നിരുന്നാലും ഒരു ജോലിക്കായി ഒരു സീറ്റ് ഒഴിവ് വന്നാല്‍ തന്നെ ആയിരക്കണക്കിന് അപ്ലിക്കേഷനുകള്‍ ആണ് ഇവിടെ എത്തുന്നത്. എന്നാല്‍ ഇതില്‍ നിന്ന് കുറച്ച് ആളുകളെ മാത്രമായിരിക്കും കമ്പനികൾക്ക് തിരഞ്ഞെടുക്കാൻ സാധിക്കുക. ഈ ജോലിക്കായി ബഹുഭൂരിപക്ഷം ആളുകള്‍ അയയ്ക്കുന്ന റെസ്യുമെ കമ്പിനിയുടെ എച്ച്‌ആർ ഉദ്യോഗസ്ഥർ കാണാറുപോലും ഇല്ല എന്നതാണ് സത്യം.എന്നാല്‍ ഇനി പറയുന്ന ഒരു വിദ്യ പ്രയോഗിച്ചാല്‍ നിങ്ങള്‍ അയയ്ക്കുന്ന റസ്യൂമെ കൃത്യമായി വേണ്ടപ്പെട്ട ആളുകളുടെ പക്കല്‍ തന്നെ എത്തുന്നതായിരിക്കും

എന്താണ് ATS (ആപ്ലിക്കന്റ് ട്രാക്കിങ് സിസ്റ്റം)

പല വലിയ കമ്പിനികൾ റസ്യൂമേകള്‍ ട്രാക്ക് ചെയ്യാനായി ആപ്ലിക്കന്റ് ട്രാക്കിങ് സിസ്റ്റം (എടിഎസ്) എന്ന ഒരു രീതി ഉപയോഗിക്കാറുണ്ട്. ഇതിലേക്ക് നിങ്ങളുടെ റസ്യൂമെ എത്തപ്പെട്ടാല്‍ ഇവർ നിങ്ങളുടെ റെസ്യൂമെ കാണാനും നിങ്ങള്‍ക്ക് ജോലി കിട്ടാനുള്ള സാധ്യത വർധിപ്പിക്കാനും സഹായിക്കും.എടിഎസിന്റെ സഹായത്താലാണ് വലിയ വലിയ കമ്പനികളുടെ റിക്രൂട്ട്മെന്റ് ഉദ്യോഗസ്ഥർ വിവധ റെസ്യൂമെകള്‍ ട്രാക്ക് ചെയ്യുന്നതും റാങ്ക് ചെയ്യുന്നതുമെല്ലാം. ഇതിലേക്ക് എത്തിപ്പെടാനായി നിങ്ങള്‍ നിങ്ങളുടെ റസ്യൂമെ എടിഎസ് ഫ്രണ്ട്ലി ആക്കെണ്ടതുണ്ട്. ഇങ്ങനെ ചെയ്താല്‍ എടിഎസിന്റെ സഹായത്താല്‍ നിങ്ങളുടെ റെസ്യൂമെ വളരെ എളുപ്പത്തില്‍ ട്രാക്ക് ചെയ്യാൻ സാധിക്കുന്നതാണ്. നിങ്ങളുടെ റെസ്യൂമെ എടിഎസ് ഫ്രണ്ട്ലി ആക്കാൻ സഹായിക്കുന്ന നിരവധി വെബ്സൈറ്റുകള്‍ ഇപ്പോള്‍ നിലവില്‍ ഉണ്ട്.ഇവയുടെ സഹായത്താല്‍ നിങ്ങള്‍ക്ക് നിങ്ങളുടെ റെസ്യൂമെ എടിഎസ് ഫ്രണ്ട്ലി ആക്കാൻ സാധിക്കുന്നതാണ്. ഇത്തരത്തില്‍ പ്രമുഖമായ ഒരു വെബ്സൈറ്റ് ആണ് എൻഹാൻസ് സിവി (enhancv) ഇതിന് പുറമെ ജോബ്സ്കാൻ (jobscan), നോവോറെസ്യൂമെ (novoresume), സെറ്റി (zety) എന്നിവയെല്ലാം മികച്ച എടിഎസ് ഫ്രണ്ട്ലി റെസ്യൂമെ നിർമ്മാതാക്കളാണ്. ഇവയുടെ സഹായത്താല്‍ നിങ്ങള്‍ക്ക് വളരെ എളുപ്പം ഒരു എടിഎസ് ഫ്രണ്ട്ലി റെസ്യൂമെ നിർമ്മിക്കാൻ സാധിക്കുന്നതാണ്.

എന്തുകൊണ്ട് ATS

സാധാരണ ഭൂരിഭാഗം ഉപയോക്താക്കളും ക്യാൻവ (canva) പോലുള്ള വെബ്സൈറ്റുകളുടെ സഹായത്താലാണ് റെസ്യൂമെകള്‍ നിർമ്മിക്കുന്നത്. നിർഭാഗ്യവശാല്‍ ക്യാൻവ ഒരു എടിഎസ് ഫ്രണ്ട്ലി വെബ്സൈറ്റ് അല്ല. ക്യാൻവ പോലുള്ള വെബ്സൈറ്റുകളില്‍ നിന്ന് നിർമ്മിക്കുന്ന റെസ്യൂമെകളുമായി താരതമ്യം ചെയ്യുമ്പോൾ എടിഎസ് ഫ്രണ്ട്ലി റെസ്യൂമെകള്‍ക്ക് ജോലി കിട്ടാനുള്ള സാധ്യത വളരെ വലുതാണ്. ഒഴിവുകള്‍ വരുമ്പോൾ നേരിട്ട് നിങ്ങളുടെ റെസ്യൂമെകള്‍ വിവധ കമ്പിനികൾക്ക് അയയ്ച്ചു നല്‍കാവുന്നതാണ്. ഇതിന് പുറമെ സോഷ്യല്‍ മീഡിയകളിലും പങ്കുവെയ്ക്കാം.ജോലികള്‍ തിരയാൻ വേണ്ടി മാത്രം നിരവധി ഡിജിറ്റല്‍ പ്ലാറ്റ്ഫോമുകളും ഇപ്പോള്‍ സജീവമാണ്. ലിങ്ക്ഡ് ഇൻ, നൗക്രി, ഇൻഡീഡ്, അപ്ന, ഇൻസ്റ്റഹയർ, മോണ്‍സ്റ്റർ ജോബ്സ് എന്നിവയെല്ലാം ഇതിന് ഉദാഹരണങ്ങളാണ്. ഈ പ്ലാറ്റ്ഫോമുകളില്‍ സജീവമായാലും നിങ്ങള്‍ക്ക് ജോലി ലഭിക്കാനുള്ള സാധ്യത കൂടുതലാണ്. ഈ പ്ലാറ്റ്ഫോമുകളില്‍ നിങ്ങളുടെ എടിഎസ് ഫ്രണ്ട്ലി റെസ്യൂമെ വേണം ഷെയർ ചെയ്യാൻ. ഇക്കാര്യങ്ങളെല്ലാം പിന്തുടർന്നാല്‍ നിങ്ങള്‍ക്ക് എളുപ്പം ജോലി ലഭിക്കാനുള്ള സാധ്യത കൂടുതലാണ്.

പല എടിഎസ് ഫ്രണ്ട്ലി റെസ്യൂമെ നിർമ്മാതാക്കളും സൗജന്യമായി അല്ല പ്രവർത്തിക്കുന്നത് എന്ന കാര്യം ഉപയോക്താക്കള്‍ ശ്രദ്ധിക്കേണ്ടതാണ്. റെസ്യൂമെകള്‍ നിർമ്മിക്കാനായി ഇവർ ചെറിയ ഫീസ് ഉപയോക്താക്കളുടെ പക്കല്‍ നിന്ന് ചാർജ് ചെയ്യുന്നതായിരിക്കും.എന്നിരുന്നാലും മള്‍ട്ടി നാഷണല്‍ കമ്പിനികളിൽ പെട്ടെന്ന് ജോലി ലഭിക്കാൻ ഈ വിദ്യ നിങ്ങളെ സഹായിക്കുന്നതായിരിക്കും.