Login 
പഠിക്കാം & സമ്പാദിക്കാം 
Home
11 April 2024 2:35 PM IST
Summary
- ‘Godzilla×Kong: The New Empire’ എന്ന സിനിമ പ്രദര്ശിപ്പിച്ചു കൊണ്ടാണ് ഉദ്ഘാടനം നിര്വഹിച്ചത്
- കൊച്ചിയില് പിവിആര് ഐനോക്സ് സ്ക്രീനുകള് 22 ആയി
- ഫോറം മാളിലെ പിവിആര് ഐനോക്സ് ജീവനക്കാരില് 50 ശതമാനവും സ്ത്രീകളാണെന്ന പ്രത്യേകതയുണ്ട്
സിനിമാ പ്രേമികള്ക്ക് സന്തോഷ വാര്ത്ത നല്കി കൊണ്ട് ഫോറം മാളില് പിവിആര് ഐനോക്സ് 9 സ്ക്രീനുകള് തുറന്നു.
‘Godzilla×Kong: The New Empire’ എന്ന സിനിമ പ്രദര്ശിപ്പിച്ചു കൊണ്ടാണ് ഉദ്ഘാടനം നിര്വഹിച്ചത്.
രണ്ട് എണ്ണം ലക്സ് (Luxe), ഒരു പി (എക്സ് എല്) P(XL), ആറ് പ്രീമിയം എന്നിവയടങ്ങുന്നതാണ് 9 സ്ക്രീനുകള്. കാഴ്ചയില് നവ്യാനുഭവമേകുമെന്നതാണ് ഈ സ്ക്രീനുകളുടെ പ്രത്യേകത.
P(XL) സ്ക്രീന് ഫോര്മാറ്റ് കേരളത്തില് ആദ്യത്തേതാണ്. കൊച്ചി ഇതുവരെ അനുഭവിച്ചിട്ടില്ലാത്ത ഏറ്റവും വലിയ സ്ക്രീന് ഇതാണെന്ന് പറയപ്പെടുന്നു. സ്ക്രീനില് 1,400-ലധികം പേരെ ഉള്ക്കൊള്ളാന് കഴിയും. ഉദ്ഘാടന ചിത്രം പ്രദര്ശിപ്പിച്ചത് P(XL) തിയറ്ററിലാണ്. ഈ തിയറ്ററില് 4K ലേസര് പ്രൊജക്ഷന് സംവിധാനങ്ങള്, ഡോള്ബി അറ്റ്മോസ്, Real D 3D ടെക്നോളജി എന്നിവ സജ്ജീകരിച്ചിരിക്കുന്നതിനാല്, സിനിമ കാണുമ്പോഴുള്ള അനുഭവം വളരെ വലുതായിരിക്കും.
പ്രമുഖ തിയറ്റര് ശൃംഖലയാണ് പിവിആര് ഐനോക്സ്.
ഫോറം മാളില് 9 സ്ക്രീനുകള് തുറന്നതോടെ കൊച്ചിയില് പിവിആര് ഐനോക്സ് സ്ക്രീനുകള് 22 ആയി. ഫോറം മാളിലെ പിവിആര് ഐനോക്സ് ജീവനക്കാരില് 50 ശതമാനവും സ്ത്രീകളാണെന്ന പ്രത്യേകതയുമുണ്ട്.