Login 
പഠിക്കാം & സമ്പാദിക്കാം 
Home
10 May 2024 9:17 AM GMT
Summary
- മാര്‍ച്ച് 21-നാണു കെജ്‌രിവാളിനെ അറസ്റ്റ് ചെയ്തത്
- ജഡ്ജിമാരായ സഞ്ജീവ് ഖന്ന, ദീപാങ്കര്‍ ദത്ത എന്നിവരുടെ ബെഞ്ചാണ് ജാമ്യം അനുവദിച്ചത്
- മുഖ്യമന്ത്രിയുടെ ചുമതലകള്‍ നിര്‍വഹിക്കരുതെന്നു കെജ്‌രിവാളിനെ കോടതി അറിയിച്ചു
ഡല്‍ഹി മദ്യനയ അഴിമതിക്കേസില്‍ ജയിലില്‍ കഴിഞ്ഞിരുന്ന എഎപി നേതാവും ഡല്‍ഹി മുഖ്യമന്ത്രിയുമായ അരവിന്ദ് കെജ്‌രിവാളിന് സുപ്രീം കോടതി ജൂണ്‍ 1 വരെ ഇടക്കാല ജാമ്യം അനുവദിച്ചു.
ജഡ്ജിമാരായ സഞ്ജീവ് ഖന്ന, ദീപാങ്കര്‍ ദത്ത എന്നിവരുടെ ബെഞ്ചാണ് ജാമ്യം അനുവദിച്ചത്.
ലോക്‌സഭ തിരഞ്ഞെടുപ്പ് പ്രചാരണം നടക്കുന്നതിനാല്‍ പാര്‍ട്ടി നേതാവെന്ന നിലയില്‍ കെജ്‌രിവാളിന് ജാമ്യം അനുവദിക്കുകയാണെന്നു കോടതി പറഞ്ഞു. മേയ് 25-നാണ് ഡല്‍ഹിയില്‍ തിരഞ്ഞെടുപ്പ്.
പക്ഷേ, മുഖ്യമന്ത്രിയുടെ ചുമതലകള്‍ നിര്‍വഹിക്കരുതെന്നു കോടതി അറിയിച്ചു.
ഇന്ന് കെജ്‌രിവാളിന് ഇടക്കാല ജാമ്യം അനുവദിക്കുന്നത് പരിഗണിക്കുന്നതിനെ എതിര്‍ക്കാന്‍ കോടതിയില്‍ ഇ.ഡിക്കു വേണ്ടി ഹാജരായ സോളിസിറ്റര്‍ ജനറല്‍ തുഷാര്‍ മേത്ത ശ്രമിച്ചെങ്കിലും അത് കോടതി അനുവദിച്ചില്ല.
മാര്‍ച്ച് 21-നാണു കെജ്‌രിവാളിനെ അറസ്റ്റ് ചെയ്തത്.
